ہم اور ہماری دنیا

کھوتا مرا؟؟؟

2012-01-16T23:53:00.001+01:00

ارفع کریم تو مرگئی، اپنی موت، چنگی ہوگئی۔ کچھ اچھا کرگئی اور کچھ اچھا چھوڑ گئی۔ پنجاب میں کہتے ہیں کہ جسدی ایتھے لوڑ اہودی اگے وی لوڑ، پر جیڑھے عاشورا کے چالیسوں کے جلوس میں مرے اور جو جو نہیں مرے، جو یتیم ہوئے اور جو نہیں

,ہوئے، جو عورتین بیوہ ہوئیں اور جو نہیں ہوئیں،

انکے بارے بل گیٹ کی کیٹ نے میاؤں تک نہین کی، ہت تیرے کی۔ کیا انسان وہ ہے جو مائیکروسافٹ اشپیشلسٹ ہوکر

مرا ، کیا باقی سب کھوتےمرے؟؟؟ ہیں جی

عوامی کھسرے

2012-01-10T11:43:00.000+01:00

پاکستان کی عدلیہ کہتی ہے کہ وزیر اعظم گیلانی کوئی ایماندار بندہ نہیں ہے، بئ عوام تو کب سے چیخ رہی ہے، اب بھی کیا ہوگا، بیان دے دیا، کام ختم۔ ابھی جو کچھ جیسا ہے ویسا ہے کی بنیاد پر ہی کام چلے گا۔ کھسرے صرف بدعا ہی دیتے ہیں کسی کو برابھلا کہہ کہ چپ ہوجاتےہیں اور نقصان نہیں پہنچاتے، یہاں تک تو کھسرا ہومیوپیتھک دوا کے موافق ہوا کہ نقصان والی گل کوئی نہیں۔

پنڈ میں جب کھسرے آتے تو یار لوگوں کی رونق ہوجاتی مگر بڑی بوڑھیاں ، دادیاں نانیاں یہ کہتیں کہ کھسرا بڑا معصوم ہوتا ہے اور یہ کہ کھسرے کو ستانا نہیں اور نہ ہی انکار کرنا کسی چیز سے ، اس کا دل نہیں دکھانا کہ کھسرے اور بلی کی بدعاساتویں آسمان تک جاتی ہے۔

میرے خیال سے بات غلط العام کے طور پر مشہور تھی ، اگر یہ بات سچ ہے تو فیر ہمارے ملک میں بسنے والے بیس کروڑ عوام کی بدعاؤں سے ذرداری کو ہارٹ اٹیک کیون نہیں ہوا، اسرائیل کی توپوں میں کیڑے کیوں نہیں پڑے، امریکی مزائیلوں میں سے چیچڑ کیوں نہیں نکلے، بس جی چار دنوں کی چاندنی پھر اندھیری رات ہے، ہم یہ سب لے دے کر بھی جو جیسے ہے جہاں پر ہے ایسے ہی اور وہین پر ہی کام چلائے

ٹیگ کہانی

2012-01-09T11:55:00.002+01:00

لو جی وقار اعظم صاحب نے ادھر ٹیگ دیا اور باوجود وعدہ کے اس دن جواب نہ دے سکا، انکا شکریہ اور ان سے دیر کےلئے معذرت بھی۔

جوابات

1- ۲۰۱۲ میں کیا خاص یا نیا کرنا چاہتے ہیں؟
ج- ویسے تو روم کی کہاوت ہے کہ کچھ نہ کرنا بہت مزیدار ہوتا ہے، مگر کچھ نہ کچھ تو کرنا ہی پڑتا ہے ، کیا اس بارے ابھی فیصلہ کرنا باقی ہے

2- ۲۰۱۲ میں کس واقعے کا انتظار ہے؟
ج- مایا کے کیلنڈر کے مطابق تو اس دسمبر کو دنیا کا دھڑن تختہ ہورہا ہے، مگر ہماری پاکستانی سیاہ ست میں اس بہت پہلے ہی بہت کچھ ہوجائےگا، کچھ اچھا ہونے کی دعا اور انتظار ہے

3- ۲۰۱۱ میں کوئی کامیابی ؟
ج- یار زندہ صحبت باقی، اللہ نے گزشتہ برس ایک بڑے بحران میں ڈال کر نکال لیا اور پھر سے صحت عطا فرمائی، یہ میری کامیابی نہیں ہے، اللہ تعالٰی کی عطا ہے۔ ایک کامیابی یہ بھی رہی کہ سمجھ آگئی کہ ہر بندہ قابل اعتبار نہیں ہوتا خاص طور پر چاپلوس اور نیچ سے بچو۔

4- سال ۲۰۱۱ کی کوئی ناکامی ؟
ج- گزشتہ برس ایک رکا ہوا سال تھا، بہت سے معاملات خراب ہوئے البتہ سال کے آخر تک سدھر بھی گئے، اللہ کا بہت کرم و فضل رہا

5- سال ۲۰۱۱ کی کوئی ایسی بات جو بہت دلچسپ اور یادگار ہو؟
ج- بلکل یاد رہے گا جی یہ برس، معاملات دلچسپ کم اور دل پر لینے والے زیادہ تھے، سب سے دلچسپ بات یہ ہوئی کہ پاکستان نہیں جاسکا گزشتہ برس اور غمگین بات بھی یہی ہے۔

6- سال کے شروع میں کیسا محسوس کر رہے ہیں؟
ج- سال کے شروع میں سردی محسوس کررہا ہوں، بہت ٹھنڈ ہے جی ان دنوں ، اوے ہوئے ہوئے

7- کوئی چیز یا کام جو ۲۰۱۲ میں سیکھنا چاہتے ہیں؟
ج- ساییکو نیورو اینڈوکرائین امیننٹی کے علم کو سیکھنے کی سر پیر کوشش ہوگی اور ہندی لکھنا بھی سیکھنا چاہوں گا اس برس۔

اسی سلسلہ کو آگے بڑھاتے ہوئے مذید ٹیگا جاتا ہے یعنی کہ دعوت جوابات دی جاتی ہے۔ شاکر عزیز صاحب ، عبدلقدوس صاحب ، یاسر خوامخواہ جاپانی صاحب

میمو اور میں

2012-01-04T17:26:00.001+01:00

نصیر صاحب میرے تالاب علم ہیں ادھر ، کچھ دن اٹالین مجھے سے پڑھ کیا لی بس شاگرد ہی بیٹھ گئے ، اور ایسے بیٹھے جیسے کوئی بیمار کی جڑوں میں بیٹھتا ہے، ہر وقت سر جی یہ اور سرجی وہ ، البتہ بندے بہت لیجنڈ اور پر مغز ہیں، جب بہت تپے ہوئے ہوں تو پھر آگ اگلنے کو میرے پاس، انکا اور دیگر احباب کا دسمبر سے یہ خیال ہے کہ نئے سال میں بدلے گا کچھ نہ کچھ، عام بندوں کا یہی خیال تھا بشمول میرے۔ کیا بدلے گا اس بارے کچھ زیادہ تحقیق نہیں کی گئی اور نہ ہی کسی نے سنجیدگی سے اس بارے سوچا، اس وقت سب کچھ تو گزشتہ برس کا ہی چل رہا ہے، وہی بجلی کی بندش، گیس کی عدم دستیابی، نوکری نہیں ہے تو تنخواہ کوئی نہیں، رشوت، مہنگائی، دہشت گردی، چوربازاری، معاشی و سماجی عدم تحفظ۔

اٹلی میں برلسکونی سے پہلے بائیں بازو کی حکومت تھی اور پروڈی وزیراعظم تھا، حکومت بڑے منت سماجت سے اور چند ایک ووٹوں سے بنی اللہ اللہ کرکے ، مگر ایک وزیر کی بیوی پر رشوت لینے کا الزام لگا اور وزیر صاحب نے نہ صرف خود استعیفٰی دیا بلکہ ساتھ ہی حکومت بھی دھڑام سے گری، ایک تو اسکی وجہ یہ تھی کہ اکثریت کھو بیٹھی اور دوسری مورال کا جانا ۔

ہمارے یہاں ملک کے صدر کے جہیتے سفارتکار پر ملکی دفاع پر سودے بازی کا الزام لگا چاہے جس نے ہی لگایا مگر حرام ہے کہ حکومت نے اسے سنجیدگی سے لیا ہے، کبھی کچھ کبھی کچھ، حقانی نے استیفیٰ دیا تو عوام کے کان کھڑے ہوگئے، صدر صاحب بیمار ہوکر دبئی جا لیٹے ادھر وزیر باتدبیر تھے کہ انکا موت نکالنے پر تلے ہوئے تھے، وزیراعظم کسھیانی بلی کھمبا نوچے کے مصداق فرماگئے کہ اگر صدر پر کوئی الزام آیا تو میں اپنی گردن دوں گا، اوپر سے رونقی وزیر اور اب نصف صدر جماعت بھی پروفیسر، ڈاکٹر ملک بابر اعوان وکیل ، ماہر لطیفہ جات و فضول بیانات نے اپنے پرمغز بیانات سے جلتی پر تیل کا کام کیا اور اب یہ حال ہے کہ ہر پاسے میمو میمو ہورہی ہے،

بابا بھلے شاہ کے بقول

میمو میمو کردی میں آپے میمو ہوئی، میمو ہی مینوں آکھو سارے حکومت نہ اکھو کوئی

سیاہ ست دانیاں

2012-01-02T12:53:00.000+01:00

کچھ سیاہ سی بیانات پر ہماری عقل سلیم کے مطابق عوامی تبصرے ایک آم آدمی کی حیثیت سے میں تو یہی کہہ سکتا ہوں کہ جناب ہن رہن دیو تے عوام نوں وی کج کہن دیو

پاکستان کے وفاقی وزیر پٹرولیم ڈاکٹر عاصم نے کہا’گیس بحران کو سیاسی رنگ دیا جارہاہے

تو کیا سے مذہبی رنگ دیا جاہئے فیر آپ کے خیال شریف میں

پاکستانی راستےسپلائی کی بحالی نیٹوپرمید ، افغانستان میں موجود نیٹو فوج

جی بلکل جب تک رزرداری موجود ہے تب تک آپ کو امید سے ہونے سےکون روک سکتا ہے۔

عدالتی سزاپرحقانی کوصدارتی معافی دینےکاامکان, ، ایکسپریس نیوز

صدر صاحب کو چاہئے کہ وہ اس سزا یافتہ قوم کو بھی صدارت سے معافی دینے کا سوچیں،

پتہ نہیں صدر سے کون ملاقات کرانا چاہتا ہے ، نواز شریف

میاں صاحب کیا واقعی آپ اتنے سادے ہیں، بال لگوا کر تو بندے کو اس طرح کی باتین نہیں کرنی چاہئیں

میموگیٹ تحقیقاتی کمیشن کا اجلاس، حسین حقانی پیش نہ ہوئے، جنگ نیوز

کیوں اس نے کوئی گھاس کھایا ہوا ہے کہ پیش ہوکر چھتر کھائے، اپنے کئے ہوئے سب کو پتا ہوتے ہیں

ڈاکٹر فاروق ستار’الطاف حسین نے نئے صوبے بنانے کا وعدہ پورا کردیا‘

تو فیر الطاف حسین جان کی امان، باقی کراچی کے امن ، خوشحالی دینے اور غربت دور کرنے کے وعدے تھے انکا کیا ہوا، وہ بھی پورے کر کے جلدی سے لوٹ آؤ وطن کو

عمران خان کا کوئی بیان سامنے نہیں آیا آج نہ تنقید کی کیسی پر نہ ہی نعرے
اللہ خیر کرے، نصیب دشمناں کہیں خانصاب کی طبیعت تو خراب نہیں؟ یا چپ کا روزہ رکھ لیا ہے

یہ سب کچھ جو میرے دماغ میں آیا، اگر آپ اس سے مختلف سوچتے ہیں تو لکھ دیں تبصرہ میں

بندے کے دل میں

2011-12-23T12:57:00.001+01:00

خدا بندے کے دل میں رہتا ہے

یہ بات آپ کو مولبی نے کبھی مسیت میں نہیں بتائی؟ ناں جی ناں ایس طراں نہ کریں، ضرور بتائی ہوگی

اب یاد آیا، چلو شکر ہے کہ آپ کو یاد تو آگیا کہ خدا بندے کے دل میں بستا ہے

حد ہوگئی

خود حساب لگاؤ

جب خدا بندے کے دل میں ہے
تو فیر اگر بندہ دل سے دعا کرے

اللہ تو ادھر نیڑے ہی ہے

پہلے سنے گا

یا مولبی سے بعد از شیرینی ادائیگی کروائی جائے تو سنے گا؟؟

ویسے مولبی بعد والی بات کبھی نہیں بتاتا

اسکی روٹیاوں کا چکر ہے ، جی بلکل پیٹ سب کا ساتھ لگا ہوا ہے

آپ کا بھی ، میرا بھی ، مولبی کا بھی ، پیر صاحب کا بھی، ڈاکٹر کابھی اور ماشٹر کا بھی

جنت میں آگ

2011-12-20T18:45:00.004+01:00

کہتے ہیں میرا گھر میری جنت، اب گھر کیا ہے اس بارے میں مختلف لوگوں کی مختلف آراء ہوسکتی ہیں مگر اس پر سب کا اتفاق ہے کہ گھر گھروالوں سے ہی ہوتاہے، اب گھر والے کون ہیں؟ ظاہر ہے اس سوال کا سادہ سا جواب یہ ہے کہ وہ جو گھر میں رہتے ہیں ، مگر میری اس بات سے بقول چچاطالب مطمعنی نہیں ہوتی۔ کہ میں جو گھر سے باہر رہتا ہوں پردیس میں کام کاج کے سلسلہ میں یا کسی دوسری معقول و نامعقول وجہ سے کیا میں گھر کا فرد نہیں رہا؟؟ لازمی طور پر ہوں جی ورنہ تو میرے پلے کچھ بھی نہ رہا۔ اسکا مطلب یہ بھی ہے کہ بہت سے ایسے لوگ بھی گھر کا حصہ ہوتے ہیں جو ہمارے گھر میں نہیں رہتے مگر ہم انکے ساتھ اتنے مربوط ہوتے ہیں کہ گویا لازم و ملزوم ہوگئے۔ ہم پینڈولوگ کہتے ہیں

کہ مرن جیون سانجھا۔ اب جن کے ساتھ ہمارا مرن جیون کا ساتھ ہوتو وہ ہمارے گھر کےلوگ کیسے نہ ہوئے۔

گھر میں اگر کوئی بیمار ہوجائے تو سارے پریشان، کام ، نوکری ، تعلیم الغرض ہر معاملہ ایک طرف رکھ کر اس بندے کی ٹینشن لی جاتی ہے۔ تب تک جب تک وہ تندرست نہ ہوجائے۔ شہروں میں تو نہیں مگر گاؤں میں ابھی بھی لوگ ایک دوسرے کا اس حد تک خیال رکھتے ہیں کہ اگر کوئی ایک تکلیف میں ہے یہ یا کسی مصیبت میں مبتلا ہے تو اسکا خیال رکھا جائے، کچھ نہیں تو زبانی ہمدردی کے دو بول ہی سہی اور تھوڑا دلاسہ ہی سہی، کسی مرگ پر اظہار افسوس کرنا چاہے وہ رسمی طور پر ہی ہو، بابے لوگ لاٹھی کھڑکاتے کہہ رہے ہوتے ہیں چلو جی افسوس کرآئیے کہ مرن جیون سانجھا ہوندا ہے۔

جب ہمارے اردگرد میں مصیبتیں، مشکلات اور پریشانیاں ہونگی تو ہم بیچوں بیچ سکھی نہیں رہ سکتے، گویا بندے کا گھر وہی نہیں ہوتا جہاں وہ رہتا ہو یا جہاں اسکے گھر والے رہتے ہوں بلکہ رشتہ دار دورکےبھی اور دور رہنے والے بھی، قریب رہنے والے بھی سب کچھ ملا کر بندے کا گھر بنتا ہے۔ شاید اسی لئے پوش علاقوں میں گھر خریدنا مشکل ہوتا ہے کہ ادھر اپکے قریب رہنے والے سلجھے اور رکھ رکھاؤ والے ہونگے ، پر بندہ اسی چکر میں اچھے بھلے پیسے فالتو چکا جاتا ہے ورنہ شاید اسی سائیز کا گھر کسی چنگڑ ایریا میں بہت سستا پڑے ۔

ہمارے پنڈمیں بہت تھوڑے سے لوگ رہتے ہیں کل ملاکر کوئی دوسو کے قریب ہونگے بالغ وعاقل اس سے دوگنی تعدادمیں بیرون ملک ہیں، ہم لوگ چونکہ سارے کے سارے ہی نسل درنسل سے ادھر ہی پیدا ہورہے ہیں لہذا یہ گاؤں سب کی جنم بھومی قرار پایا اور مرن جیون سانجھا ہوا۔ سچی بات یہ ہے کہ ہر بندہ ایک دوسرے کا رشتہ دار ہے، مجھے نہیں یاد کہ کبھی کسی بڑے کو بلحاظ عمر یا حسب رشتہ بھائی جان ، چچا، تایا ، بابا، دادی، ماسی آپا کہہ کر نہ بلایا ہو، اور اگر کبھی بھولے میں کسی بزرگ کے سامنے کچھ ہینکی پھینکی ہوگئی ہو تو چھتر پڑنے سے کوئی روکنے والا نہیں تھا، ہم سے چھوٹے بھی ہمیں بھائی جان کہتے اور اب انکل بھی شروع ہوگیا ہے اور اب ہم انکو انکھیں نکال رہے ہوتے ہیں۔

بہت برس پہلے جب میں کالج میں پڑھا کرتا تھا اور بعد میں پڑھایاکرتا تھا تو جب پنڈمیں کوئی فوتگی ہوجاتی تو پورے گاؤں سے کوئی بندہ نہ تو تعلیم کےلئے جاتا اورنہ ہی نوکری پر، فون کرنا پڑتا کہ جناب میرے پنڈ میں مرگ ہوگئی ہے میرا پیریڈ کوئی سر لے لیں ۔ مزدور لوگ بھی اپنی دیہاڑی چھوڑ دیتے، اگر کوئی تعمیر ہورہی ہوتی تو کام روک دیا جاتا، راج مستریوں کو کہہ دیا جاتا کہ جی ہمارے پنڈ میں فوتگی ہوگئی ہے لہذا ابھی ختم تک تم لوگ فارغ، شادی بیاہ تک کو ملتوی کردیا جاتا کہ جی ہم لوگ سوگ میں ہیں۔ مطلب یہ کہ آپ پورے پنڈ کو اکٹھا کرلیں اور پوچھ لیں کہ کسی کی کسی کے ساتھ کوئی دشمنی، سارے مونڈی دائیں سے بائیں اور بائیں سے دائیں ہلا دیں گے۔ پھر اسی طرح اگلے پچھلے گاؤں میں یا علاقہ میں کوئی مصیبت آجائے تو ہم لوگ بھی پریشان، ملک میں کچھ ہوجائےتو ہم افرا تفری میں ،کہ

میرا ملک میری جنت

گزشتہ کچھ برس سے کچھ عجیب ہی ہواچلی ہوئی ہے کہ ہر دوچار برس بعد ایک ادھ بندہ قتل ہوجاتا ہے

چچا طالب کے گھر پر رات کو فائر ہوا اسکا چند برس کا پوتا چل بسا، کچھ پکڑ دھکڑ ہوئی مگر ملزم چھوٹ کر آگئے کہ عدالت سے بے گناہ نکلے۔ کیس فائل۔پھر کسی نے ذکر نہیں کیا۔

پھر۔۔۔ پھوپھو خیرن کا قتل ہوا ساتھ میں انکی سات سالہ بھانجی کو بھی کاٹ دیا گیا، کچھ لوگ گرفتار بھی ہوئےبعد میں پولیس نے انکےبھائی کے ذمہ ڈال دیا وہ گرفتار ہوا اور انکے گھروالوں نے تپ کر کیس چھوڑ دیا، سارے باہر ،پولیس کو تفتیش نہیں کرنی پڑی اور کیس فائل ہوگیا۔

پھر بابا سائیں بھولا کو بقول اسکے سوتیلے پوتوں نے سوتے میں ڈنڈا مارکر ہلاک کردیا، ملزم باوجود نامزد ہونے کے گرفتارنہیں ہوا کہ آصف بھائی کے پاس پلس کو دینے کو پیسے نہ ہی تھے اور نہ ہی وہ رشوت دینے والا بندہ ہے۔ کیس فائل ہوگیا۔

چچاوراثت خان کی لڑکی گھر والوں کو کراچی سے ملنے آئی ، رات کو فائر ہوا وہ چل بسی، ایک بندہ گرفتار مگر امید ہے کہ وہ بھی چھوٹ جائے گا کیوں کہ کوئی بھی تو اسکا گواہ نہیں ہے۔

ابھی کل شام کو ہمارے ہمسائے میں چچی ناصر ہ پر فائرنگ کی گئی اور وہ چل بسی انا للہ و انا الیہ و راجعون۔ نہایت ملنسار، ہمدرد اور باخلاق خاتون تھیں، ایک گھریلو قسم کی پابندصوم صلوات ، پڑھی لکھی ماں جو اپنے چھوٹے چھوٹے بچوں کی تعلیم و تربیت میں مگن تھی۔ کسی کے ساتھ اونچ نیچ ، بحث و تکرار کبھی نہیں سنی، جب پاکستان جانا ہوتا تو اپنوں کی طرح سر پر ہاتھ پھیرتیں اور دعا دیتیں۔ کل سے پوری ٹینشن میں ہیں، ہم ادھر بھی اور جو ادھر ہیں وہ بھی۔ ہم انکو فون کررہے ہیں وہ جو گھر میں ہیں وہ ہمیں ۔

کون پکڑا جائے گا کون چھوٹے گا ؟؟ ابھی کچھ معلوم نہیں مگر ان سارے بندوں کا خون کس مقصد کےلئے بہایا گیا؟؟ یہ تو میں کہہ سکتا ہوں کہ یہ سارے بندے ہی معصوم اور شریف لوگ تھے، انکا قصور کیا تھا، ا نکو کس جرم کی سزا دی گئی ؟؟

تو پھر سوال یہ ہے کہ اتنے شریف اور معصوم لوگوں کا خون کیوں؟؟ کیا کوئی پوچھنے والا نہیں ؟؟ کیا کوئی روکنے والا نہیں ؟؟ کیا کوئی نہیں جو عوام کی جان و مال کی حفاظت کرسکے؟؟ کیا کوئی نہیں جو ان معصوموں کے اس قتل عام کو روک سکے؟؟

میری جنت میں لگی اس آگ کا انجام کیا ہوگا ؟؟؟ کسی کے پاس کوئی حل؟؟؟

جون ایلیا پر ڈاکہ

2011-12-17T12:53:00.001+01:00

کیا اس قدر حقیر تھا اس قوم کا وقار
ہر شہر تم سے پوچھ رہا ہے جواب دو
یہ بات کیا ہوئی کہ بیابان وقت میں
احساس تشنگی کو بڑھا کر سراب دو

ہم کو تھپک تھپک کے دکھائے گئے تھے خواب
خاموش کیوں ہو، اب ہمیں تعبیرِ خواب دو

جو صرف گلستاں نہ ہوا رائیگاں گیا
اس خونِ شاہدانِ وفا کا حساب دو
ٌ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملت کے احترام کو رسوا کیا گیا
پر حوصلہ عوام کو رسوا کیا گیا

تاریخ جس کے سامنے رہتی تھی سجدہ ریز
اس عظمتِ دوام کو رسوا کیا گیا

اے غازیو جہاد کی توہین کی گئی
اے شاعرو کلام کو رسوا کیا گیا

جون ایلیا

ابھی ہماری کارستانی شروع ہوئی

نیلے رنگ کے الفاظ تبدیل کردئے گئے

کیا اس قدر حقیر تھا اس قوم کا صدر
ہر شہر تم سے پوچھ رہا ہے جواب دو
یہ بات کیا ہوئی کہ عدالت وقت میں
احساس تشنگی کو بڑھا کر سراب دو

ہم کو تھپک تھپک کے دکھائے گئے تھے خواب
خاموش کیوں ہو بے غیرتو، اب تعبیرِ خواب دو

جو صرف سوئس میں رہا رائیگاں گیا
اس خونِ شاہدانِ وفا کا حساب دو
ٌ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملت کے احترام کو رسوا کیا گیا
پر حوصلہ عوام کو چوول کیا گیا

بی بی جس کے سامنے رہتی تھی سجدہ ریز

اس عظمتِ دوام کو کھجل کیا گیا
اس عظمتِ دوام کو کھجل کیا گیا

اے مولوبیوجہاد کی توہین کی گئی
اے عوام تیرے نام کو رسوا کیا گیا

چمن ہے مقتل نغمہ

2011-12-14T15:33:00.001+01:00

چمن ہے مقتل نغمہ ، اب اور کیا کہئے

ہر طرف اک سکوت کا عالم ہے، جسے نوا کہئے

اسیر بندزمانہ ہوں اےصاحبان چمن

گلوں کو میری طرف سے بہت دعا کہئے

نہ رہے آنکھ تو کیوں دیکھئے ستم کی طرف

کٹے جو زباں تو کیوں حرف ناروا کہئے

پڑے جو سنگ تو کہئے نوالہ تر

لگے جو زخم تو اسے دوا کہئے

پڑھئے شعر ہمارے اور کچھ نہ کہئے

بس حرف حرف پر مرحبا کہئے

ہومیوپیتھی اور الکحل

2011-12-14T12:38:00.000+01:00

ہومیوپیتھک ادویات کی تیاری میں ایک لفظ وہیکل استعمال کیا جاتا ہے اس سے مراد ہے کوئی ایسی چیز جو دوا یا ادویاتی مادہ کو جسم کے اندر پہنچانے کا کام کرے یا کرتا ہے، بلکل ایسے ہی جیسے ہم لوگ عام اشیاء کی ترسیل کےلئے وہکلز استعمال کرتے ہیں مثلاُ موٹر وہیککلز یا ہیوی وہیکلز وغیرہ ۔ اس وہیکل کی خاصیت یہ ہونی چاہئے کہ اسکے اپنے کوئی اددیاتی اثرات نہ ہوں اور دوا کو طویل عرصہ تک محفوظ رکھے۔

بنیادی طور پر ہومیوپیتھک فارمیسی میں 3 وہیکلز استعمال ہوتے ہیں پانی ، کیونکہ بہت سے مادے پانی میں حل ہوتے ہیں ، شوگر آف ملک ، وہ معدنیات جو پانی میں حل نہیں ہوتی انکو شوگر آف ملک کے اندر رگڑ کا مکس کیا جاتا ہے اور پھر پانی میں حل کیا جاتا ہے، اور تیسرا وہیکل الکحل ہے اس کا استعمال ابتدائی طور پر جابر بن حیان نام کےمسلمان سائنسدان نے کیا کہ پارہ کےلئے واحد محلل ہے ۔ پھر بعد میں تحقیق سے یہ ثابت ہوا کہ اس کےاندر ادویات کو محفوظ رکھنے کی خوب صلاحیت ہے اور برس ہابرس تک دیگر عناصر کو اپنے اندر محفوظ رکھ سکتا ہے اور اس میں مزید ہونے والے والی کیمیائی تبدیلیوں کو روکتا ہے۔ اسکے علاوہ ایک اور تیکنیکی وجہ یہ بھی ہے کہ الکحل چونکہ بہت جلد تحلیل ہونے والا مادہ ہے جو اسکی ڈانیامائیزیشن کا مظہر ہے، ہومیوپیتھی میں ادویات کی تیاری میں استعمال کیا جانے والا ڈائنا مائیزیشن کا عمل اسی الکحل کے مرہون منت ہے۔

ایک عام سوال جو کیا جاتا ہے کہ ہمارے مذہب میں چونکہ شراب نوشی کو سختی سے منع کیا گیا ہے، لہذا الکحل کا استعمال کس حد تک جائز ہے۔

تو اس بابت یہ ہے کہ شراب نوشی منع ہے اور الکحل بذات خود شراب نہیں بلکہ شراب کا ایک جز ہے گو کہ بہت اہم اور ایکٹو۔

تو اس بارے چند وضاحتیں کرنا ضروری سمجھی جائیں گی

1۔ شراب نوشی منع ہے الکحل نہیں۔ الکحل جوکہ ایک جز و ہے یہ ممانعت کے زمرہ میں نہیں آئے گی، جبکہ اسکا استعمال بھی نشہ کے مقصدکےلئے نہ ہو۔

2۔ دوا کے طور پر الکحل کا استعمال اتنی قلیل مقدار میں ہوتا کہ اس سے نشہ ہونے کا خدشہ نہیں ، چند قطرے دن میں چند بار۔

3 ۔ مذید بچاؤ کےلئے اگر الکحل زدہ دوا کے دو قطرے شوگر آف ملک یا چینی پر ڈال کر اسکے خشک ہونے پر استعمال بھی کیا جاسکتا ہے۔ اب اس دوا میں الکحل موجود نہی ہے ۔

4- اکثر علماء کا خیال ہے کہ الکحل شراب کے زمرے میں نہیں آتی اور اس اسکا استعمال بطور دوا جائز ہے۔ جیسا کہ اسکےعلاوہ بطور دوا ہم لوگ مردہ جانور وں کے حصے ، حشرات الارض، انسانی انزائمز اور زہر بھی استعمال کرتے ہیں جبکہ یہ ساری اشیاء کلی طور پر عمومی استعمال کےلئے ممنوعہ میں شمار ہوتی ہیں۔ اسی ضمن میں ایک اور مثال یہ ہے کہ کھانسی کے شربت میں الکحل کی اچھی خاصی مقدار شامل ہوتی ہے اور اسکے اوپر لکھا ہوتا ہے کہ اسکو استعمال کرنے کے بعد ڈرائیونگ یا مشینیں چلانے سے پرہیز کریں، اس کےعلاوہ ڈوپنگ کے تحت ممنوعہ ادویات بھی نشہ آور اشیا ء کے زمرہ میں آتی ہیں۔

میرے علم میں جو تھا ، بیان کیا باقی اللہ ہی بہتر جانتا ہے اور وہی علم والا اور خبر رکھنے والا ہے۔ اگر اس سلسلہ میں مزید کوئی وضاحت درکار ہو تو ضرور لکھئے انشاءاللہ پہلی فرصت میں جواب دینے کی کوشش کی جائے گی۔

بیمار کو بدعائین

2011-12-07T14:24:00.001+01:00

ہم پاکستانی بڑی ہی سادہ ، سچی ، جذباتی اور حساس قوم ہیں ۔

دوست تو دوست دشمن بھی اگر بیمار ہوجائے تو فوراُ سب کچھ بھلا کر پنڈ کے بڑے بوڑھےبزرگ لوگ لاٹھیاں کھڑکاتے اس کی تیمارداری کو چل نکلتے ہیں۔ ادھر جاکر حال پوچھا جاتا ہے اور بیماری کے بارے میں مفصل معلومات حاصل کی جاتی ہیں، پھر ان کی وجوہات پر سیر حاصل بحث ہوتی ہے اور اس سے گزشتہ پچاس برس میں مرنے والوں کا ذکر ہوتا ہے، علاج کے بارےمیں معلومات کا حصول اور معالج کی قابلیت پر شک کا اظہار اور اسکی اکثر ناتجربہ کاری کا رونا رویا جاتا ہے، تب تک مریض کا رنگ فق اور ہونٹوں پر پپڑی جم چکی ہوتی ہے گویا اسے بھی اپنا وقت قریب دکھائی دے رہا ہو ۔ پھر اس معمولی ا ور سستے والے معالج ڈاکٹر ا ختر میں سے تین سو کے قریب نقائص و کیڑے نکال کر اسکو ریجیکٹ کردیا جاتا ہے ، اہو ہو ، آپ کیا جانو بابا جی اوس بچارے کو تو کھانسی اور زکام کا علاج کرنا ہی نہیں آتا اس پیچیدہ بیماری کا وہ کیا علاج کرے گا اور فیر یہ جو تیس رو پئے کی دوائی وہ دے رہا ہے اس میں کیا ہوگا، جی، بابا جی آپ بتا ؤ تیس روپئے کے تو ہانڈی کے ٹماٹر نہیں آتے اس ڈاکٹر نے ان میں سے خود کیا رکھا ہوگا اور انکو کیا دیا ہوگا، تب تک مریض کا دل دوائیاں اتھا کر پھینک دینے کو کررہا ہوتا ہے مگر اسکے ساتھ ہی ایک اچھے اور مہنگے والے معالج کا پتا بتایا جاتا ہے کہ فیس تو بہت لیتا ہے کوئی دو ہزار روپئے اور دوائی الگ سے لکھ کر دیتا ہے وہ بھی بہت اعلیٰ قسم کی ولائیتی دوائی، پہائی کوئی ڈیڑھ ہزار کی آتی ہی مگر آفرین ہے اس ڈاکٹر پر کہ اس میں سے ایک پیسہ نہیں لیتا ، میڈیکل اسٹور سے خود خریدو اور خود ہی پیسے دو، اب مریض حساب لگا چکا ہوتا ہے کہ کل ملا کر ساڑے تین ہزار کا نسخہ بنتا ہے جبکہ میرے منڈے کی مہینے کی تنخوا ہ 6 ہزار ہے کام نہیں چلنے کا، بابا لوگ تب مریض کو دعا بھی دے رہے ہوتے ہیں کہ بھی اللہ تمھیں شفاء دے اور صحت تندرستی دے اور لمبی عمردے اور یہ کہ اللہ تھماری مشکلیں آسان کرے۔

اکثر دیکھا گیا ہے کہ اسکے فوراُ بعد مریض تندرست ہوجاتا ہے اور جب بابا لوگ دعاؤں کے بعد جانے کو اٹھتے ہیں کہ چلو وی پہائیا چل، تو مریض اٹھ کر بیٹھ جاتا ہے اور چہر ے مسکراہٹ سے انکو رخصت کرتا ہے ۔ اس بارے میں دو آرائیں اول جو میرے جیسے مادہ پرست لوگوں کی ہے اور ان کا خیال ہے کہ مریض کو علاج کی قیمت سن کر ہی افاقہ ہوجاتا ہے ، جبکہ دوسری رائے جو زیادہ صائب لگتی ہے وہ روحانیت پرست اور اللہ والوں کی ہے کہ دعا بہر حال اثر کرتی ہے، بابا لوگ چونکہ دل سے صاف ہوتے ہیں اور سچے دل سے دعا دیتے ہیں پس اللہ جو اپنے بندوں کے دل میں بستا ہو وہ اس

ادھر پاس سے ہی نکلی ہوئی دعا کو فوراُ سن کر شرف قبولیت بخشتا ہے اور بندہ فٹ ٹھیک اور فٹ فاٹ۔

ایک ہمارے ملک کے صدراعظم ہیں جو پیؤ کھاؤ پارٹی کے صدر بھی ہیں، ملک کے ہونے والے صدر کے باپ بھی، ہوچکی وزیر اعظم کے خاوند ارجمند بھی اور اپنے سسر صاحب بھٹو کے پس از مرگ بننے والے خود ساختہ پسر بھی ہیں ، ان دنوں بیمار ہیں

یعنی چشم بیمار ہے

چشم نرگس بیمار ہے ، ہائے ہائے کیا دل کا آزار ہے

چشم نرگس بیمار ہے ، بات پر اسرار ہے

چشم نرگس بیمار ہے تیرے بغیر ہائے ہائے

باقی سب کچھ بے کار ہے تیر ے بغیر ہےہائے ہاے

چشم نرگس بیمار ہے یا ملک سے فرار ہےہائے ہائے

آج ایک عجیب بات دیکھی ہے کہ فیس بک پر اور گوگل پلس پر یار لگ اوس کے مرنے کی دعا ئیں کررہے ہیں کوئی پوچھ رہا کہ یہ مرا کیوں نہیں؟؟ دوسرا جواب دے رہا ہے کہ کہ پلید برتن بھی ٹوٹا ہے، کسی کا جواب ہے کہ کتے آسانی سے نہیں مرتے، کوئی کہہ رہا ہے کہ یااللہ اگر یہ بیمار ہوہی گیا ہے تو اس کو موت ہی دے دے، باقی اس کے نیچے آمین آمین کی قطار لگی ہوتی ہے۔ میں سوچتا ہوں ہوں کہ یہ ملک کا صدر ہے ، پورا ملک اور اٹھارہ کروڑ لوگ اسے کے اپنے ہیں تو پھر وہ اس کو بدعائیں کیوں دے رہے ہیں، میں نے پورا پاکستان تو نہیں گھوما مگر اپنے پنڈکے بارے میں کہہ سکتا ہوں کہ کبھی کسی نے کسی بیمار بندے کو نہیں کہا کہ اللہ کرے یہ مرجائے، اگر لوگ یہ کہہ رہےہیں تو پھر کتنے تپے ہوئے ہوں گے، انکے دل کتنے جلے ہوں گے؟؟؟

بون اور ڈنڈہ

2011-12-05T16:15:00.001+01:00

سوئس سے نکلے اور سینٹ گلین سے آسٹریا میں جاگھسے، وہاں سے پھر جرمنی میں اور فرینکفورٹ کی طرف منہ کرلیا کہ سہیل بھائی کا کوئی یار ادھر رہتا ہے اس سے بھی مل لیں گے اور فرینکفورٹ کی سیر بھی ہوجائے گی کہ بھئی آخر کار انٹر نیشنل شہر ہے دیکھنا چاہئے۔ ہمارے پاس کوئی پروگرام نہیں تھا، اگر تھا تو یہ کہ ہم چاروں ہیں علامہ صاحب، سہیل بھائی ، جمیل میاں جو ہمارے مشاق ڈرائیور بلکہ پائلٹ تھے، اور راقم، تب نئے لائسنس یافتہ مگر گاڑی چلانے کا مطلق تجربہ نہ تھا ، دس چھٹیاں ہیں اور یہ اوپل آسٹرا گاڑی ہے کہیں جانا ہے، کہاں ؟؟ کون جانے، رات زیورخ پہنچے اور پوچھا کہ بھئی ادھر کیا دیکھا جاسکتا ہے، جواب آیا کہ اہو ہو، تمھیں ملوم نہیں کہ ادھر آج اسٹریٹ پریڈ کی رات ہے بس تم ادھر جھیل کو نکل لو جدھر لوگ جارہے ہیں فیر میلہ لگتا ہی ہوگا۔ سٹریٹ پریڈ کو لو پریڈ بھی کہا جاتا ہے، عوام اور مشٹنڈا پارٹی، چرسی و عشاق سارے ہی ایک ساتھ ہوتے ہیں سڑکو ں پر سرعام میوزک کنسر ٹ اور عوام کی ناچ مستی، جوڑے ٹن ایک دوسرے سے لپٹے ہوئے بوس و کنار میں مصروف، شرابی لوگ شراب کی بوتلیں لئے گھوم رہے، دوشیزائیں نہائت غربت کےعالم میں بس دو چیتھڑون سے جسم چھپانے کی کرشش میں ناکام، عوام ناچ رہی ہے اور گارہی ہے۔ پی رہی اور پلارہی، ہم نے بھی حسب توفیق میلہ دیکھا (بقول سہیل بھائی بھونڈی کی)، صبح صادق کے وقت ادھر پوہ پھوٹی ادھر یارلوگ اپنی اپنی راہ کو چل دئے، ہم بھی دو گھنٹے گاڑی میں ہی نیند کو چکمہ دے، ٹھنڈے پانی سے منہ دھو، خود ایک بار اور جمیل کو دو بار کافی پلوا کہ گاڑی اس نے چلانی ہے، اسکی نیند پوری طرح اڑنی چاہئے، نکل پڑے جرمنی کے راستوں میں ،بھول جاتے اور کسی اور شہر کی طرف نکل لیتے، پھر علامہ صاحب جو جرمنی میں رہ چکے تھے اور جرمن زبان سے کماحقہ واقفیت بھی رکھتے تھے بقول انکےعلامہ صاحب کو بھیجا جاتا بلکہ وہ ہمارے خود ساختہ ناویگیٹر بنے ہوئے تھے، اور خالصہ جی کی پریڈ کے موافق سجا، کھبا کراتے جاتے، پھر شور مچا دیتے کہ ڈائیریکشن جو بابے نے بتائی تھی وہ نہیں مل رہی، لگتا ہے راستہ بھول گئے ہیں اہو ہو ہو، ایدھر ہی گاڑی روکو اور میں اس مائی سے راستہ کے بارے علم حاصل کرکے آتا ہوں، کہہ کر گزرتی ہوئی لڑکی کو تاک کر روک لیتے اور دس منٹ گٹ مٹ کرتے، یا یا یا کرنے کے بعد واپس آتے اور ماتھے پر دو ہاتھ مارکرکے فرماتے لو جی فیر چوک گیا راستہ واپس مڑو اور ساٹھ کلومیٹر پر فیر ڈائیریکشن ملے گی۔ چلو، اور ہم چلتے رہے، مطلب ہم بیٹھے رہے اور گاڑی چلتی رہی، رستے میں علامہ صاحب کے موبائیل پرکال آگئی اور انہوں نے اعلان کردیا کہ فرینکورٹ کو ہاتھ لگا کر ادھر بو ن کو نکل چلو کہ میری لالا جی سے بات ہوئی ہے اور وہ رات کے کھانے پر ہمارا انتظار کریں گے۔ یہ لالا جی موصوف علامہ صاحب کے برادر کبیر مرزا ضیاء صاحب ہیں جو ادھر آخن یونیورسٹی کو ڈاکٹر قدیر کےبعد ٹاپ کرنے والے دوسرے غیر ملکی اور دوسرے ہی پاکستانی ہیں، اور یہ کہ بون کے حلقہ

کے موٹروے کے انچارج انجینئر ہیں۔

بون پہنچے تو رات کے پہر تھے ، وسط اگست کا سورج ڈوب چکا تھا، مرزا صاحب نہ میری طرف دیکھا اور کہنے لگے اسٹریٹ پریڈ سے ہوکر آئے ہو؟؟ ان بزرگوں کے بالوں میں رات کے ستارے ابھی تک چمک رہے ہیں، کھانا ہمارے انتظار میں ٹھنڈا ہو چکا تھا جو ہم پھر سے گرم کرکے مرزا صاحب نے ہمیں بڑی محبت سے کھلایا کہ بھئی میں نے آج کوئی ایک ماہ بعد گھر میں اور وہ بھی پاکستانی کھانا بنایا ہے، برتن بھی انہون نے دھوئے کہ علامہ صاحب گلاس پر پانی کے نشان چھوڑ دیتے ہیں اور ہم تینوں تو ہیں ہی خیر سے مہمان، اور اوپر سے پہلی بار آئے ہیں۔

پھر ہم نکلے شہر کی سیر کو دو کاروں میں بھر کے، مرزا صاحب نے کمال محبت سے ہمیں کمپنی دی اور پورا شہر پھرا دیا، ساتھ میں بھر پور تبصرہ بھی، سٹی ہال کے سامنے رکے اور فوٹو سیشن ہوا کہ بھئی یادگاری فوٹو بن جائیں گے۔ مرزا صاحب کو درخواست کی گئی کہ جناب ہم دلی سے آنےو الے چارسواروں کےگروپ کی تصویر بنادیں تاکہ سند رہے اور بوقت ضرورت کام آئے، مرزا صاحب کافی دیر کوشش کرتے رہے اور پھر بولے یار یہ جھنڈا نہیں آرہا، فوراُ جمیل کے منہ سے جواب نکلا کہ ڈنڈا تو آرہا ہے ناں

بس پھر قہقہے ابل پڑے۔

اور وہ تصویر بغیر جھنڈے کے ہی بنی البتہ ڈنڈہ ہمارے عقب میں غور سے دیکھا جاسکتا تھا ۔

آج کل بون کا عالمی سطح پر اور خبروں میں پورا چرچا ہے کہ افغانستان سے متعلق ہونے والی کانفرنس میں پاکستان کا جھنڈانہیں آرہا، مگر بہوتوں کو ڈنڈہ ضرور آرہا ہے، حامد قرضئی سے لیکر چاچی ہیلری کلنک ٹیکن تک سبھی باؤلے ہوئے پھر رہے ہیں، اگر اس طرح کی غیرت دس بار ہ برس پہلے ہی کھالی ہوتی تو آج سو چھتر بھی نہ کھانے پڑتے اور نہ ہی سو گنڈھے

نیو ورلڈ آرڈر اور بدمعاش

2011-12-03T12:09:00.004+01:00

برطانیہ میں لارڈ نزیر احمد بڑا نام ہیں، ایک بڑا کردار ، ایک مثال ، شاید پاکستان کے اوباہامہ جو دوسرے ملک میں جاکر اس معاشرے کا حصہ بنے اور اور اوباہامہ سے بھی بڑھ کر کہ وہاں پر سب کچھ ہوکر بھی اپنے وطن اور اہلیان وطن کےلئے درد سے بھر پور دل رکھنے والے، میری ان سے ادھر اٹلی میں معنقد ایک پروگرام میں ملاقات ہوئی تھی کچھ برس پیشتر، نہیں کہہ سکتا کہ ذاتی قسم کی ملاقات تھی مگر اجتمائی طور پر ، البتہ ان کی باتیں قریب سے سنیں اورچونکہ سارے لوگ ان فارمل ہی تھے تو عام سی باتیں ہی تھیں، مگر ایسا لگا کہ بنیادی طور پر یہ ایک نیک اور اچھا بندہ ہے، ہمدرد قسم کا، جو ہر پلیٹ فارم پر پاکستان ، کشمیر ، اسلام اور لمانوں کی بات کرتا ہے اور بڑی ہمت اور بردباری سے کرتا ہے، گویا برطانیہ اور مغرب میں ایک ایسا سفیر جو مفت میں ہمارے لئے سفارت کاری کرتا ہے، نہ کچھ مانگتا ہے اور نہ ہی کچھ لیتا ہے۔ کہہ لو کہ اللہ نے ایک تحفہ دے دیا کہ جا چولا تیرا بھی بھلا ہ

لو جی خبر آگئی کہ آزاد کشمیر کی حکومت نے انکو ناپسندیدہ شخصیت قرار دے دیا ہے۔

میں تو حیرت زدہ ہی رہ گیا اور سمجھ ہی نہ آئی کہ ہوا کیا اور کیونکر؟؟ بات کو آئی گئی کردیا، خبر ختم ہوئی تو بھائی کہتے ہیں یار یہ لارڈ نزیر نے پاکستان اور کشمیر کےلئے کیا برا کیا ہے ؟؟ تب دماغ میں پھر سے فلم چلی اور سمجھ آیا کہ کیا ہوا اور اسکا کیا سبب ہوسکتا ہے۔ شہباز شریف نے لاہور کے جلسے میں بدمعاشوں ، ڈاکوؤں کو الٹا لٹکانے کی بات کی تو مہاقینچی موومنٹ فوراُ سڑکوں پر آئی ، اب اگربرطانیہ میں ہونے والے ڈاکٹر عمران کے قاتلوں کو پکڑنے اور لٹکانے کی بات ذولفقار مرزا کرے گا تو ذرداری پارٹی کےلوگ میدان میں آگئے۔

پس تجربہ سے ثابت ہوا کہ چوروں کے یار چور اور بدمعاشوں کے یار بدمعاش، ٹھگوں کے یار ٹھگ، بڑے بڑگ سچ ہی کہہ گئے ہیں۔

کبھی کبھی تو یوں بھی لگتا ہے کہ یہ ذرداری ، کالے بھائی، ملک، اعوان اور اس قبیل کے دیگر لوگ باقائدہ طور پر امریکہ کے نیو ورلڈ ارڈر پر عمل پیرا ہونے کی ٹریننک لے کر آئے ہوئے ہیں، کہ جی ہم سب کچھ کرسکتے ہیں اس پر عمل درآمد کو یقینی بنانے کےلئے۔ یہی تو چکر ہے کہ ذرداری اور اسکے گماشتے ایک ایک کرکے اس ملک کی یا اس سے متعلقہ ہر اچھی چیز کو تہس نہس کرنے پر تلے ہوئے ہیں، کیونکہ نیو ورلڈ آرڈر کے مطابق پاکستان نام کے ملک کو ختم ہوناہے، کیسے ؟؟ کوئی ایسا طریقہ نہیں، بس ہونا ہے۔ جیسے بھی ہو، اداروں کو تباہ کرکے، لوگوں کو برباد کرکے، کسی کو پانی بجلی بند کرکے کھجل کردو اور کسی کو ناپسندیدہ قرار دے کر۔ مطلب ہر بندے کو اتنا تنگ کردو کو وہ بے غیرتی اور بے شرمی کی حد تک پہنچ جائے، اتنی افراتفری پھیلا دو کہ کسی کی سمجھ میں ہی نہ آئے کہ کیا ہوا ، کون کرگیا اور کیوں کرگیا، بقول ہمارے بزرگ حکیم علی صاحب مقیم لندن ہر ف پھڑ لو پھڑ لو مچی ہونی چاہئے، میرا تو خیال ہے کہ ہم سبھی اس نیو ورلڈ آرڈر کے ڈسے ہوئے ہیں ، ہوسکتا ہے کہ آپ کو اس سے اختلاف ہو؟؟ تو پھر آپ کیا سمجھتے ہیں بتلانا پسند کریں گے؟؟

چاچی کا دکھ

2011-11-30T13:00:00.001+01:00

امریکی وزیرخارجہ چاچی ہلری کلنک ٹیکن نے فرمایا ہے کہ ’مشترکہ مفادات پر تعاون سے منہ موڑ کر کوئی فائدہ حاصل نہیں ہوگا۔ مجھے انتہائی افسوس ہے اور امید ہے کہ شاید کہیں کوئی ایسا راستہ ہو کہ مستحکم، محفوظ اور پُرامن افغانستان کے لیے کی جانے والی ان عالمی کوششوں میں ہمیں پاکستان کی شرکت سے فائدہ ہو سکے۔‘

سوال ہے چاچی جی کہ اس میں فائدہ کس کو ہوگا ، امریکہ کو ، بھارت کو، نیٹو کو یا پھر افغانستان کو، مگر اس سارے لفڑے میں پاکستان کا کیا مفاد ہے؟؟؟ بے عزتی کروانا، چھتر کھانے، برا بننا، دھشت گردی جھیلنا، معاشی عذاب کا سامنا کرنا، انڈیا کے تلوے چاٹنا، مشرف سے لیکرذرداری و گیلانی جیسوں کو برداشت کرنا اور آخیر میں فوجی مروانا ، کیا یہ فائدہے؟؟؟ہیں، ویسے حاصل جمع تو ابھی تک یہی ہے۔

اگر کسی کو کوئی اور فائدہ بھی نظر آئے تو مجھے بھی بتلائے؟؟

امریکہ کے خلاف

2011-11-27T22:00:00.000+01:00

ویسے یہ جو کتا کھائی امریکن کررہے ہیں اسکا ہمارے حکمرانون کو کیا جواب دینا چاہئے؟؟

کیا جوابی کاروائی ہونی چاہئے؟؟ صرف احتجاج اور مادام کے دو فون ہی تو کافی نہیں ہیں؟؟ نہ ہی جرنیلی قول کہ اگلی بار جواب دیں گے،

کچھ تو مزید ہونا چاہئے

شاید طویل المدتی پالیسی, مگر کیا؟؟؟اور کون بنائے گا؟؟ کیا ہماری یہ لومڑ حکومت کسی جوگی ہے کہ ان کو حلال ہی کروانا پڑے گا مطلب قصائی کو بلا کر چھری پھروانی پڑے گی

پھڑلو پھڑلو

2011-11-19T16:50:00.001+01:00

آج ایک یہودن کے ساتھ فیس بک کی ایک پوسٹ پر مناظرہ ہوا ہے، انکا حال بھی ہمارے مولبیوں جیسا ہی ہے، مجھے زبور سے پڑھ کر سنا رہی تھی کہ جو تمھارے ساتھ ہے خدا اسکے ساتھ ہے، میں نے کہا کہ یہ تو قرآن میں بھی اللہ نے فرمایا ہے فیر؟؟ کہنے لگیں کہ پر پہلے اس نے ہمیں کہا ہے، میرا کہنا تھا کہ بعد میں تو ہمیں کہا ہےَ، اب بعد والی بات ماننی چاہئے کہ نہیں؟؟ بھاگ گئی۔

عجیب بات ہے یہودی، عیسائی اور مولبی سبھی ایک ہی بات کو لیکر جھگڑ رہے ہیں۔ یہ مانتے ہیں کہ خدا ایک ہی ہے ، اور وہ کہتا ہے میرے ساتھ، یہ کہتا ہے کہ میرے نال ہے۔ اب کیا خدا خود آکر ان کو سمجھائے بلکہ اشٹام پیپر پر لکھ کر دے کہ میں کس کے ساتھ ہوں، بھائی جی جس جس کو کہتا گیا وہ اس کی بات کا یقین کرے اور دوسروں کو نہ تپائے، مگر نہیں یقین برائے تپی، مولبی کا کام فساد فی سبیل اللہ اور دوسروں کا کافرقراردینا رہ گیا، یہودی کا کام پوری دنیا میں اپنا راج قائم کرنا خدا کے راج کے نام پر، عیسائیوں کا کام خداوند کے نام پر دنیا کو دھونی دینا ۔

اب کون ہو جو انکو سمجھائے کہ خدا تم سب کے ساتھ ہے اگر تم اسکی کچھ آگے بھی سنو تو، مگر کون سنتا ہے جی آجکل کسی دوسرے کی ، سبھی پھڑ لو پھڑ لومیں لگے ہوئے ہیں۔

قزافی کی بیٹی کی ای میل

2011-11-14T15:30:00.003+01:00

یہ آج کل کا واقعہ ہے ، ویسے اس سے پہلے مجھے علی کیمیکل کے کزن کی ای میل بھی ملی تھی، بلکل اسی مضمون کی، کہ خان صاحب بس صاحب ، آپ ہمیں فیس کے نام پر کچھ پیسے بھیج دو، درو افریقہ کے کسی ملک میں اور فیر ہاتھ لگا لگا کر دیکھتے رہو

کیا کسی اور کے ساتھ بھی یہ ہوا ؟؟ یا میرے ساتھ ہی ہورہا ہے۔؟؟

Click here to Reply or ForwardRE: Details Dr. Raja
Inbox
x

Dr.Aisha Al-Gaddaf

15:23 (7 minutes ago)

to me

Greeting in the name of Allah. Its good to read back from you Dr. Raja, the fund is in Niamey via a diplomatic company and could be moved to you in Egypt where ever would be comfortable for you. The fund is contained in two Italian Safes which is inside the Trunk Boxes of 50kg each and each of the Italian Safes contains $9.5 Million US Dollars An arrangement for a representative that works with my father and family has been made, he is from Burkina Faso. He will make sure that the box gets to your hand safely, arriving Egypt before the arrival of the consignment. When he comes to Egypt he will direct you on where you meet the diplomat in his company. I do not think they have an office in Egypt. The arrangement is a safe one according to the Security Company. The Representative will even guide you on the safest place to stay in Egypt for the delivery because their duty is to ensure safe delivery. After the delivery you can now arrange with the representative and the diplomat to go to a good bank for the deposit. I cannot tell you a particular place but I know the delivery location will be in Cairo, it is their absolute duty to make sure that the consignment is delivered safely to you, I have a contract with them and they must obey the contract terms. So I am assuring you that it will be a safe delivery. Raja you will be required by the diplomatic company to pay for the non inspection fee of the luggage. The charges is for the diplomatic charges and non inspection fee. You have to send to me your details so I can forward it to the diplomatic company. Your passport copy or National identity card, address and contact phone number. This as to be between us for security reasons(my security). Tell me more about you Raja. Your sister, Aisha.

From: eridr@gmail.com Date: Sun, 13 Nov 2011 21:18:34 +0100 Subject: Re: Dear Dr. Raja Iftikhar Khan To: dr.aisha_al-gaddafi@live.com

dear Aisha,

condolance for your late father,

what I can do for this business??

regards

Dr. Raja Iftikhar Khan

On 13 November 2011 21:13, Dr.Aisha Al-Gaddaf <dr.aisha_al-gaddafi@live.com> wrote:

Dear Dr. Raja Iftikhar Khan My name is Dr. Aisha Muammar Al-Gaddafi the daughter of late Muammar Al-Gaddafi. Please I really need an urgent business deal with you. I have some fund deposited in a security company valued $19M Dollars which I want to invest with you because of the crises in Libya at the moment.You do not have to be afraid of anything as no one else knows about these funds. Due to the present condition imposed on me by the Algerian Government communication is strictly prohibited. Please if you are interested to corporate with me for this deal so that you will stand as the beneficiary and receiver of this fund on my behalf for investment in your country. I will furnish you with all the required information concerning this fund with the security company. As soon as you respond and agree to work with me on this matter. Please it is strictly confidential. Best Regards. Your sister, Aisha.

From: eridr@gmail.com Date: Sun, 13 Nov 2011 21:07:22 +0100 Subject: hello from italy To: dr.aisha_al-gaddafi@live.com
hello dear,
i got a message in Wyan.com what kindda of info you wanna pass me,
regards
Dr. Raja Iftikhar Khan

Click here to Reply or Forward

چاند

2011-11-09T13:40:00.006+01:00

آجکل کہا جاتا ہے کہ زمین کے گرد گھومتا ہے مگر پہلے کہتے تھے کہ زمین چاند کے گرد گھومتی ہے، کون سچا کون جھوٹا ہمیں کچھ لینا دینا نہیں، شاعرحضرات کا اب بھی یہی خیال ہے اور اسکا ثبوت انکی شاعری ہے جو چاند کے گرد گھومتی ہے ، عشاق کےلئے بھی چاند ہمیشہ باعث کشش رہا ہے اور مولویوں کےلئے بھی اول الذکر کےلئے محبوب کے چہرہ کی علامت کے طور پر جو ہمیشہ دسترس سے دور ہے اور ثانی الذکر کےلئے باعث نفاق فی سبیل اللہ۔ ویسے دین اسلام میں کوئی ایک بھی مہینہ ایسا نہیں جو چاند چڑھے بغیر چڑھ جائے، کم از کم میرے تو علم میں نہیں، چاند کا کچھ استعمال نہیں ہے جنت دوزخ بندے کے اعمال پرہوگی، اسکے باوجود جانے کیوں چاند کو اسلام کی علامت سمجھا جاتا ہے، مولنا محمدعلی جوہر کی چاند والی ٹوپی سے لیکر پاکستان و تر کی کے پرچموں تک ، حتٰی کہ ادھراٹلی میں تو میں نے یہ بھی دیکھا کہ میت ڈھونے والی گاڑی پر بھی صلیب کی بجائے چاند لگائے پھرتےہیں کہ جی مرنے والا عیسائی نہیں مسلمان ہے، کوئی پوچھے کہ مرنے والا تو مرگیا اب اسکو تو اسے کوئی سروکارنہیں ، مگر ناں نمائش لازم، اگر آپ اسلام میں چاند کے مذید استعمال کے بارے میں کچھ جانتے ہوں تو ضرور آگاہ کریں تاکہ فلاح عوام ہوسکے ، چاند کے بارے میں عوام لوگ اکثر ٹینشن میں رہتے ہیں اور انہوں نے عوامی طور پر بہت سے محاورے مشہورکررکھے ہیں اور مختلف قسم کے چاند بھی، علماء کا خیر سے کیا کہنا انہوں تو ہر چیز میں فرقہ ڈالا ہوا ہے چاند میں بھی، پاکستان میں اکثر پشاور والوں کو چاند ایک دن پہلے نظر آجاتا ہے جبکہ روئٹ ہلال والے دوسرے دن دیکھتے ہیں، میں تو کہتا ہوں کہ روئت ہلال والے اپنا اجلاس ادھر پشاور میں کرلیں تو کونسی انکو موت پڑ جائے۔ یہاں پر ضروری معلوم ہوتا ہے کہ چاند کی کچھ مشہور اقسام کا مختصراُ ذکر کیا جائے۔ تاکہ ہمارے قارئین کے علم میں اضافہ ہو اور وہ ہمیں داد دیں (گندے انڈے اور خراب ٹماٹر برسانے سے پرہیز کریں، یہ ہمارے کسی کام نہیں آئیں گے)۔

چاند کی قسمیںَ

یوں تو چاند کی بہت سی اقسام ہیں مگر ہم طوالت کے خوف سے سب کا ذکرکرنے سے قاصر ہیں ، ویسے بھی کچھ اقسام ایسی ہیں جنکا ذکر ہوسکتا ہے شرعی طور پر ممنوع بھی ہو ، چند مشہور اقسام

عید کا چاند یہ چاند کی سب سے مشہور قسم ہے ، عوام و خواص اس کو بخوبی جانتے ہیں پہلے شام کو چھت پر چڑھ کر اسے دیکھنے کی کوشش کرتے تھے اور جو دیکھ لیتا وہ نعرے مارتا پھرتا وہ رہا چاند اور پھر ڈھول دھمکہ اور تاشے بجنے لگتے اور مبارک باداں شروع، مولویوں کو یہ بات ایک آنکھ نہ بھائی اور انہوں نے روئیت ہلال کمیٹی قائم کردی، تب سے کچھ اندھے اور بڈھے کھوسٹ قسم کے ملا دوربینوں سے چاند دیکھنے کی کوشش کرتے ہیں اور اکثر رات گیارہ بجے دیکھ لیتے ہیں، عوام چھت پرچڑھ کر چاند دیکھنے کی بجا ئے ٹی وی پر مولویوں کے چالے دیکھتے ہیں، عید کے چاند کے بارے خاص بات یہ ہے کہ اس کا طلوع ہونا دیکھا جاتا ہے، غروب ہو یا نہ ہو کسی کو کوئی دلچسپی نہیں۔

چوہدویں کا چاند۔ یہ چاند کی دوسری مشہور قسم ہے مگر اس مولویوں کی اس میں کچھ خاص دلچسپی نہیں اسکی وجہ شاید یہی ہے کہ چونکہ اس میں عوام ملوث نہیں، یہ خود ہی نظر آجاتا ہے ، اس میں دلچسپی رکھنے والوں میں شاعر، عشاق اور سمندر شامل ہیں، شاعروں پر شاعری نازل ہورہی ہوتی ہے، عاشق لوگ اس میں اپنے محبوب کے چہرے کو دیکھ کر آہیں بھررہے ہوتے ہیں، اور سمندر پر مدو جزر طاری ہوتا ہے۔ چائینی لوگ اس رات کو سارے خاندان کے ساتھ مل بیٹھ کر چاندنی میں گول گول چیزیں کھاتے ہیں۔ جانے کیوں؟؟ مولبی لوگ اس شب کو ختم دلاتے ہیں اور نذر نیاز کا بندوبست کرتے ہیں، کیوں ؟؟ یہ ان سے پوچھئے

سردیوں کا چاند ، یہ اردو ادب میں ملتا ہے اور سردیوں میں رات کو طلوع ہو کر خوب چاندنی بکھیرتا ہے مگر سردی کی وجہ سے لوگ دبکے رہتے ہیں اور اسے دیکھنے والا کوئی نہیں ہوتا، اس لئے اس حسن کی مثال بنتا ہے جسے چاہنے والا کوئی نہ ہو۔

محلے کا چاند۔۔ یہ چاند عمومی طور محلے کے لڑکے بالےدیکھتے ہیں جبکہ بزرگ لوگوں کو ایک آنکھ نہیں بہاتے، دنگا فساد اور لفڑوں کا باعث بنتا ہے، عید کے چاند کو دیکھنے کے موقع پر یارلوگ آسمان کی بجائے پاس کی چھت پر اسے تلاشتے نظر آتے ہیں۔ دوسرے محلے میں چاند ماری پر یار لوگوں کی پٹائی اکثر دیکھی گئی ہے۔

کچھ محاورے چاند کی بابت

کچھ محاورے

چاند چڑھانا۔۔۔۔ پہلے تو بڑی بوڑھیا ں کانا پھونسے کرتے ہوئے کہتی تھی۔ کہ یہ کڑی ضرور کوئی چاند چڑھائے گی۔

چاند پر تھوکنا۔۔۔۔ خوامخواہ کے نقص نکالنا اور اچھی بھلی چیز کو برا کہنا۔

چاند ماری۔۔۔۔ یہ پہلے زمانے میں ہوا کرتی تھی اور فوجی لوگ کیا کرتے تھے آجکل اسے نشانہ بازی کہا جاتا ہے

میرا چاند۔۔۔ ماں اکثتر اپنے کالے کلوٹے بچے کوکہتی نظر آتی ہے، جبکہ محلے کی پھپھے کٹنی قسم کی بڈھیاں لڑکوں بالوں کو تب کہتی ہیں جب ان سے کوئی کام کروانا ہو، میرا چاند جا سائیکل پر جلدی سے 6 انڈے پکڑلا، بالن کی لکڑی تو کاٹ دے ذرا وغیرہ وغیرہ

چاند سا منہ۔۔۔ یہ پطرس بخاری کی کتاب میں پایا جاتا ہے کہ ماں ممتا کی ماری دن چڑھے بچے کا منہ دھلاتی ہے اور جی کڑا کر کہتی ہے کیا چاند سا چہرہ نکل آیا ہے۔

اور بہت کچھ لکھنے کو تھا مگر پطرس بخاری کے ذکر کے بعد مذید کچھ لکھنے کو حوصلہ نہیں

اعتراف یہ مضمون پڑھنے میں آپ کا جو وقت ضائع ہوا ہے اسکےلئے قصوار وار ظہور احمد اسلام آبادی کو ٹھہرایا جائے۔ جو اگر یہ فوٹو فیس بک پر نہ چڑھاتے تو یہ مضمون نہ لکھا جاتا اور نہ آپ کا پڑھنے میں وقت ضائع ہوتا۔

یوم العرفہ مبارک

2011-11-05T10:57:00.000+01:00

مسلمانو! متحد ہوجاؤ ورنہ دشمن غالب آجائیں گے: مفتی اعظم کا خطبہ حج

مفتی اعظم سعودی عرب شیخ عبدالعزیز بن عبداللہ نے کہا ہے حج سے انسان کے تمام گناہ معاف ہوجاتے ہیں ۔ اسلام مکمل ضابطہ حیات ہے۔ اللہ سے ڈرو اور تمام معاملات میں اسی سے رجوع کرو۔ مسلمان دوسری اقوام سے مشابہت پیدا نہیں‌کرتا.

میدان عرفات میں مسجد نمرہ میں خطبہ حج دیتے ہوئے شیخ عبدالعزیز نے کہا کہ اللہ تعالیٰ پر ایمان لانا ہی کامیابی کی دلیل ہے۔ دنیا کا کوئی بھی مسئلہ ایسا نہیں جس کا اسلام میں حل نہ ہو۔ قرآن اور سنت نبوی ہی مسلمانوں کی فلاح کی ضامن ہیں ۔ انسان کو عبادت کرنی چاہئیے اور اپنا سلوک بہتر کرنا چاہیئے۔ اللہ تعالیٰ مسلمان کی معمولی نیکی کا بھی قیامت کے دن صلہ دے گا۔ آج ہمیں خاندان کی تشکیل کیلئے نبی کریم ﷺ کی زندگی کو مشعل راہ بنانا چاہیئے۔ انہوں نے کہا کہ قرآن واحد کتاب ہے جو اپنے اصل متن کے ساتھ ہے۔ قرآن کریم تمام عالم کیلئے ہدایت کا سرچشمہ ہے۔ مسلمانو! اللہ سے ڈرو اور ہر معاملے میں اس سے رجوع کرو۔انہوں نے کہا کہ اسلام مسلمانوں کو برے کام سے روکتاہے۔ مسلمان دوسرے مذاہب کے حقوق کا احترام کریں ۔ مسلمان معاشرہ اپنی خصوصیات کی وجہ سے دوسرے معاشروں سے ممتاز ہے۔ مسلمانو! متحد ہو جاؤ ورنہ دشمن غالب آجائیں گے۔ انہوں نے کہا کہ مسلمان دوسری اقوام سے مشابہت پیدا نہیں کرتا.

بشکریہ ایکسپریس نیوز

اللہ تعالٰی سے دعا ہے کہ وہ اس پر عمل کرنے کی اور حق بات کو دوسروں تک پہنچانے کی توفیق عطا فرمائے ۔

عيد سے پچھلی رات مغرب کی نماز کے بعد سے عيد کے تيسرے دن نصف النہار تک يہ ورد رکھيئے اگر زيادہ نہيں تو ہر نماز کے بعد ايک بار ۔ مزيد عيد کی نماز کو جاتے ہوئے اور واپسی پر بھی يہ ورد رکھيئے

اللہُ اکبر اللہُ اکبر لَا اِلَہَ اِلْاللہ وَحْدَہُ لَا شَرِیْکَ لَہُ
لَہُ الّمُلْکُ وَ لَہُ الْحَمْدُ وَ ھُوَ عَلٰی کُلِّ شَیٍ قَدِیر
اللہُ اکبر اللہُ اکبر لا اِلہَ اِلاللہ و اللہُ اکبر اللہُ اکبر و للہِ الحمد
اللہُ اکبر اللہُ اکبر لا اِلہَ اِلاللہ و اللہُ اکبر اللہُ اکبر و للہِ الحمد
اللہُ اکبر کبِیرہ …

بصد شکریہ افتخار اجمل بھوپال

جمہوریت آمریت اور بچہ لوگ

2011-11-03T15:29:00.000+01:00

بہت دیر سے لائین میں کھڑے رہنے کے بعد میں نے بھائی جان سے پوچھا کہ کیا یہ مٹی کا تیل ہم اپنے کھیت کی مٹی سے نہیں بنا سکتے؟؟ بھائی جان نے ڈانٹ دیا کہ چپ کر اور ادھر کھڑا رہ نہیں تو تیل نہیں ملے گا اور رات کو لالٹین نہیں جل پائے گی۔ تب میری عمر کوئی چھ برس تھی، نا سمجھی اور بچپن کے دن مگر وہ منظر میں آج تک نہیں بھول سکا جب روح افزا کے شربت والی شیشی کی کالی سی بوتل ہاتھ میں پکڑے بھائی جان گھر سے مٹی کا تیل لینے نکلے اور میں خوامخواہ ضد کرکے انکے ساتھ ہولیا۔

سن 1976 کی بات ہے جب ملک میں یہی آج والی صورت حال تھی، تیل مٹی کا نہیں ملتا تھا تب مٹی کے تیل کا ستعمال بھی یہی تھا کہ لالٹین میں ڈال لو اور شام کو گھر میں روشنی کرلو، لالٹین بھی ایک دو گھروں میں ایک ادھ ہی ہوتی ، نہیں تو تارہ میرا کے تیل والا چراغ جلتا ، جو روشنی کم اورکڑوا دھواں زیادہ دیتا، اور یہ رواج بھی تھاکہ ہمسائیوں کا لڑکا کہہ رہا ہوتا ماسی میری اماں کہتی ہے لالٹین میں تیل ڈال دو، اور ہماری دادی جان کہہ رہی ہوتیں بسم اللہ میرا پتر، لا ادھر کرلالٹین ، رات گئے لالٹین بجھا دی جاتی کہ اب چاند نکل آیا ہے اورچاندنی کی موجودگی میں روشنی کا کیا کام، مگر بھائی جان چیخ رہے ہوتے کہ ابھی نہیں میں نے پڑھنا ہے۔

حیرت ہوتی کہ ہمارے ملک میں مٹی اتنی ہے اور مٹی کا تیل نایاب؟؟ بچپن اور ناسمجھی کے سوالات۔۔۔۔ صرف یہی نہیں ، تب چینی، آٹا ، پیاز کچھ بھی تو نہیں ملتا تھا۔ خیرسے چینی آٹا کے بارے میں ہمارے خاندان خود کفیل تھا کہ چینی چچا جان پنڈی سے اپنی یونٹ سے اپنی فوجی گاڑی میں بھجواتے ، آدھی پورے پنڈ میں فوراُ بانٹ دی جاتی اور آدھی اگلی پہلی تک رکھ دی جاتی کہ بھئی کوئی غمی خوشی ہوجائے تو کام آئے گی، اگر مذید ضرورت پڑتی تو سرگودھا سے ہمارے رشتہ دار وں کے ہاں سے گڑ آجاتا ، جو بہت مزے کا ہوتا اور ہم لوگ اتنا کھاتے کہ پھوڑے نکل آتے فیر ڈاکٹر عنصر سے کوڑوا شربت بھی ملتا اور ٹیکہ بھی لگتا۔ آٹے کے معاملے میں گھر کی گندم کی پسوائی کروانی ہوتی اور فکرناٹ، ڈیپو کا یہ عالم ہوتا کہ چچا سرور المشور چاچا سبو کے نام ڈیپو تھا اور پہلے تو چینی فی کن مطلب فی بندہ ایک کلو دیتا اور بعد میں اس نے ایک پاؤ کردی تھی، پھر فی بندہ سے فی گھر کے حساب سے تقسیم ہونے لگی۔

ماسٹر قربان صاحب کو دیکھا کہ کپڑے پھٹے ہوئے اور برے حال میں لڑکھڑاتےٹانگے سے اترے، ہیں انکو کیا ہوا؟؟ کوئی بتا رہا تھا کہ یہ لاہور جلوس کےلئے جارہے تھا ماشٹروں کی ہڑتال میں اور رستہ میں حکومت کے کہنے پر انکو پولیس نے پھینٹی لگائی ہے۔ پھر دیکھا کہ بھائی جان بھی روز لڑلڑا کر آتے اور دادا جان سے گالیاں کھاتے مگر بد مزہ نہ ہوتے، کہ جی کالج اسٹوڈنٹ یونین کا حق ہے کہ وہ اپنی آزادی کےلئے لڑے۔ کس کے خلاف لڑے ؟؟ تب سمجھ نہ آتی۔

یہ زمانہ تھا بھٹو کے دور عنان کا ، ملک بلکل اسی افراتفری کا شکار تھا جو آج ہے۔ ضروریات زندگی دستیاب نہ تھیں، نہ ہی ملک کے اندر کچھ سکون تھا، عوام بے چینی اور افراتفری کے عالم میں جی رہی تھی، فوجی روتے کہ اس بھٹو ٹن نے پاکستان توڑ دیا ہے ، بنگال کو بنگلہ دیش بنا دیا ہے، اور مغربی پاکستان کو کل پاکستان قرار دے کر اپنی حکمرانی کو جلا دی ہے، اکثر کوئی نہ کوئی یہی کہہ رہا ہوتا کہ ایوب خان کے زمانے میں اچھے خاصے کام ہورہے تھے۔ ڈیم بن رہے تھے، صنعتیں لگ رہی تھیں، سڑکیں گلیا ں بن رہیں تھیں، کاروباری خوشحال ہورہا تھا، ملک پینسٹھ کی جنگ لڑ کر آپ ایک قوم کی صورت میں سامنے آیا تھا ، ہر کوئی وطن پرستی کے جذبات سے سرشار تھا کہ بھٹو نامی ایک ڈرامہ باز اٹھا اور اس نے روٹی کپڑا اور مکان کا فریب دے کر غریب لوگوں کو گھر سے نکال لیا، ملک کے اندر وہ ہڑبونگ مچی کہ اللہ امان، ایوبی حکومت ختم اور ملک میں پہلے اور واحد سول مارشل لاء کا نفاذہوا جس کے مارشل لاء ایڈمنسٹریٹر کا نام ذوالفقار علی بھٹو تھا۔ پھر وہ صدر بنا اور ملک کو ادھرتم ادھر ہم کر کے وزیر اعظم بن گیا، مگر وہ ستر کی دھائی ملک کے اندر افراتفری کےلئے یادگار تھی، فوج کا مورال ڈاؤن، عوام سڑکوں پر، ہتھوڑا گروپ کا خوف، چوریاں اور ڈاکے ، طلباء اور ٹرانسپورٹروں کے فسادات، اس یونین کا جلسہ اور اس یونین کا جلوس ، نہ ہی کچھ کھانے کے ، نہ ہی تحفظ ، نہ سکون نہ عزت، مہنگائی تھی کہ دن بدن ہوشربا طور پر بڑھے جارہی تھی، قومیائے جانے کی وجہ سے صنعتیں بھیگی بلی بن چکی تھیں۔

ن دنوں میں ایک دم ریڈیو پر خبر آگئی کہ فوج نے ملک کا کنٹرول سنھبال لیا ہے اور بڑی بڑی مونچھوں والا ایک جرنیل للکار رہا تھا کہ اب جو فساد فی سبیل اللہ کرے گا ، جو زخیرہ اندوزی کرے گا چوک میں الٹا لٹکادیا جائے گا، چوری ، شراب ، مجرا بازی، ہینکی پھینکی ، چکری مکری سب منع ، نہیں تو فوجی عدالت اور پھر بازارمیں کوڑے، سنا تھا کہ جہلم میں بھی کسی کو پڑے ۔

بس پھر کیا تھا جیسےجلتی آگ پر پانی پڑ گیا ہو، چینی فوراُ بازار میں دستیاب ہوگئی، آٹا مل گیا، مٹی کا تیل وہی ڈپو کے بھاؤ ہر جگہ دستیاب تھا، مہنگائی رک گئی اور پھر سالوں چیزوں کی قیمتیں ادھر ہی ، طلباء نے پڑھنا شروع کردیا ، صلوات کمیٹیا ں بن گئیں ، زکوات کمیٹیاں بھی غریبوں کی امداد کو آگے بڑھیں، جتنی لچا پارٹی تھی سب مسجد کو پہنچی، محلوں کے بدمعاش چھپتے پھرتے۔

فوجیوں کاجی پھر سے جذبہ شہادت سے شرشارہوا، دفاع اور صنعت نے پھر سے ترقی کرنا شروع کردی، ایٹمی صلاحیت حاصل ہوگئی، ملک میں آنے والے افغان بھائیوں کی کثیر تعداد کوبھی سنبھال لیا گیا، افغانوں کے ساتھ ملکر روسیوں کی ایسی کی تیسی کردی، انڈیا کی فوجیں بارڈر پر لگیں تو صدر صاحب کرکٹ کے میچ دیکھنے پہنچے اور پھر جو ہوا وہ دنیا نے دیکھا، انڈیا کی فوج چپکے سے بارڈرز سے واپسی کو نکلی۔

بھٹو کی موت بعذریہ عدالتی سزائے موت ، پھانسی ہوئی ، تو دوسروں کو کیا دیتا اپنے خاندان کےلئے محل اور عوام کےلئے غربت چھوڑ گیا، کچھ لوگ رونے والے تھے کچھ مٹھائی بانٹنے والے، عوام نے کچھ خاص نوٹس نہ لیا ، بس کچھ سیاسی جلسے جلوس اور بات ختم ۔ کسی نے کہا شہید ہے تو کسی نے کہا کہ اگر یہ شہید ہے تو اسے شہید کرنے والے کو کتنا ثواب ملا ہوگا۔

پھر چشم فلک نے دیکھا کہ یہ مرد مومن جب شہادت کے درجہ کو پہنچا تو ہزاروں نہیں لاکھوں نہیں کروڑوں آنکھیں اشکبار تھیں، لاکھو ں کا مجمع جنازہ میں شریک تھا اور خاندانوں کے خاندان ٹی وی کے سامنے بیٹھے دھاڑیں مار رہے تھے۔ ہمارے اپنےپورے پنڈ میں بھی ماتم بچھی ہوئی تھی، اس نے ملک کو سب کچھ دیا مگر اپنے اہل خانہ کےلئے ایک زیر تعمیر مکان چھوڑ، کچھ ہزار کا بنک بلنس اور ملک کےلئے بڑھتی ہوئی معیشت، ایک نظام اور فعال ادارے۔ تب پاکستان عالم میں ایک راہنما اسلامی ملک کے طور پر ابھر چکا تھا۔کچھ نے اسے آمر کہا اور کچھ نے مرد مومن اور شہید کا خطاب دیا، مردہ بدست زندہ مسجد میں دفن کردیا گیا

ہم بطور قوم اس بچے کی طرح ہیں جو اپنے اچھے برے کو نہیں پہچانتا ، جو جمہوریت کی لولی پاپ سے خوش ہوتا ہے مگر سخت قوانین کی کڑوی گولی سے ڈرتا ہے سمجھائے نہیں سمجھتا کہ ہرچمکتی ہوئی جمہوریت سونا نہیں ہوتی ، آج ہم مذہب کے ہر علمبردار کو جاہل و بنیاد پرست قرار دے رہے ہیں بلکہ دل کرتا کہ ہے مولویوں کو ڈاکو قراردے کر مار ہی دیا جائے۔ اہل مغرب نے جو کہہ دیا ، جمہوریت ہے تو اس کے نام پر ذرداری، گیلانی، اعوان، ملک، الطاف سب بھائی بھائی اور بھائی لوگ سر آنکھوں پر۔

آج پھر لالٹین میں تیل نہیں، آٹا نہیں، چینی نہیں، مہنگائی آسمانوں کو چھو رہی ہے، فوج کا مورال ڈاؤن ہے، قوم بے حس ہے، چور ڈاکو، ہڑ ہڑ کرتے پھر رہے ہیں، لچے عزتیں اچھال رہے ہیں، زکوات کمیٹی تو دور کی بات وزارت حج و مذہبی امور غبن پر غبن کئے جارہی ہے، فراڈئے ، قاتل ، دھانسے والے سب حکمرانوں کی فہرست میں شامل ہیں اور مجھے پھر انتظار ہے اس دن کا جب پھر منادی کہہ دے گا ۔۔۔۔۔بس آج کے بعد بس۔۔۔۔۔۔۔۔ جس نے ہیرا پھیری کی، چکری مکری کی، چوں چلاکی کی اسکی شامت ، پھر بچے پڑھنے لگیں گے، پھر صنعت کا پہہہ چلنے لگے گا، پھر آٹا ، چینی ، بجلی دستیاب ہوگی، پھر بدمعاشی کرنے والے کو چوک میں لکایا جائے گا، اس وقت کا جب شریف آدمی سکون کا سانس لے سکے گا،

اس وقت کا انتظار جب میں اپنے اٹالین دوستوں کو کہہ سکونگا کہ میاں میں تو چلا اپنے دیس کہ ادھر راوی چین ہی چین لکھتا

امیگریشن و معاشرتی تغیرات

2011-10-29T20:30:00.001+02:00

رامونہ نے مجھے ای میل کی کہ ویرونا یونیورسٹی اور سولکو مغربی پنجاب پر کچھ ریسرچ کررہے ہیں اور انکو ایک ایسا بندہ چاہئے جو پنجاب کا کلچر بھی جانتا ہے اور انکی اس پروجیکٹ کی تشکیل میں راہنمائی کرسکے۔ میں نے اس رابطہ پر اپنا چھوٹا سا تعارف لکھ بھیجا اور یہ کہ کارلائقہ سے ضرور یاد فرمائیں۔ پرسوں ماریہ نامی خاتون کا فون آیا اور آج صبح ہفتہ کو ملاقات کا وقت طے پایا، موصوف خاتو ن ویرونہ یونیورسٹی کے ساتھ سماجی نفسیات کے شعبہ میں ریسرچ پر ہیں، اورادھر پاکستانی امیگرینٹ کمیونٹی چونکہ بہت بڑی ہے لہذا یونیورسٹی نے ایک پروجیکٹ تشکیل دیا ہے کہ میاں دیکھیں تو سہی یہ پاکستانی ادھر آکر جو یہ کھڑاک کرتے پھرتے ہیں ادھر اپنے ہاں کیا ہیں اور کیا کرتے ہیں چکر کیا ہے سینکڑوں نہیں ہزراوں بلکہ لاکھوں کی تعداد میں ادھر سے ادھر تشریف لا رہے ہیں

اس یونیورسٹی نے یوں کیا کہ پنجاب یونیورسٹی کے دو پروفیسرز کو ادھر دعوت دی دو ہفتے رکھا ، کھانا کھلایا، سیرسپاٹا کروایا ر کانفرنسیں پڑھواہیں اور سر پر ہاتھ پھیر ماتھے پر پیار دے انکو ادھر اپنے دیسے بیجھ دیا

اگلے برس یہ خاتون ادھر دو ہفتوں کو وارد ہوئیں لاہور سے لیکر گجرات گئیں ادھر کڑیانوالہ گاؤں میں کوئی چھ دن تشریف فرمارہیں اور دیکھتی رہیں کہ لوگوں کا رہن سہہن کیا ہے ، بقول میں چھت پر چڑھ جاتی اور آگے پیچھے کے گھروں کو دیکھ دیکھ کر اندازہ لگاتی رہتی کہ اس گھر کی حالت بہت اچھی ہے ضرور اس گھر کے کافی بندے باہر ہوں گے، اس گھر کی مرمت اچھی ہوئی ہے لازمی طور پر انکا ایک آدھ بندہ باہر ہوگا اور کھانے والے پیچھے زیادہ ہونکے ، یہ لگتا ہے کہ ایسا گھر کہ جس کا باہر کوئی بھی نہیں اسی لئے خستہ حال ہے۔ پھر وہ بڑے بڑے ولاز جو اکثر گاؤں کے باہر بنے ہوتے ہیں اور بند ہوتے ہیں یہ ظاہر کرتے ہیں کہ انکے بننانے والوں کے پاس دولت ابھی آئی ہے اور اس طرح آئی ہے کہ انکی کایا پلٹ چکی ہے۔ خاتون کی آبزرویشن یہ تھی کہ یہ جو باہر کا چکر ہے اس نے پنجاب کے معاشرہ اور معاشرتی اقدار کو تہس نہس کردیا ہے۔ کہ ایک آدمی کے پاس بہت سے پیسے آگئے ہیں اور اس نے ایک بڑی سی کوٹھی بنا لی ہے پھر گلی کے باہر نالی میں کیچڑجمع ہے مگر چونکہ وہ تو حکومت کو بنانی ہے لہذا وہ کبھی نہیں بنے گی اور اس ولا سے نکلنے والا پاؤں کیچڑ میں ہی پڑے گا۔۔

پھر بات چلی کہ یہ جو معاشرتی تغیر پیدا ہورہا ہے تمہارے ہاں حیرت کی بات ہے کہ پاکستان میں کوئی بھی ایسا ادارہ نہیں ہے جو اس پر ریسرچ کررہا ہو، جو ان معاشرتی تبدیلیوں پر نظر رکھ رہا ہو، کوئی ایسا ادارہ جو اس امیگریشن اور اسکے نتیجے میں پیدا ہونے والے تغیرات کا مطالعہ کررہا ہو اور اس سونے کی چڑیا کو بہتر انداز میں استعمال کرنے پر کام کررہا ہو۔۔۔۔۔۔۔۔۔۔۔۔۔۔۔ میں خاموشی سے سنتا رہا اور میرا دل خون کے آنسو روتا رہا ۔۔۔ واقعی ہمارے ہاں ایسا کوئی ادارہ نہیں ہے جو سونے کا انڈا دینے والی اس مرغی کی حفاظت کرسکتا ہو اور اس طرح دیکھ بھال کہ یہ طویل عرصہ تک مفید ہو اور یہ کہ اس پیسے کی چانک ریل پیل سے معاشرہ میں تغیرات کم سے کم برپا ہوں۔ ۔۔۔۔۔۔۔۔۔۔۔۔ مگر کو ن ہے ایسا کوئی بھی تو نہیں کم از کم مجھے تو علم نہیں اگر آپ کو علم ہو تو ضرور لکھیں

اس خاتون نے ایک کتاب بھی لکھی ہے پردہ یا تحفظ، تعلیم اور معاشرتی تغیرات پاکستان سے ہجرت کرنے والے خاندانوں میں

اپنا ہیرو

2011-10-27T11:56:00.000+02:00

ہیرو ہمیشہ ہی بڑا ہوتا ہے اور کچھ کرجاتا ہے یہاں کچھ سے مراد واقعی کچھ ہے ، ورنہ ہیرو نہیں اور جو کچھ بھی ہو، یہ ہیرو ہر فلم کا اپنا ہوتا اور پوری فلم اسی کے گرد ہی نہیں بلکہ اسکی کے سر بھی ہوتی ہے۔ مگر فلم کے باہر بھی ہیرو ہوتے ہیں عام زندگی کے خاص لوگ ، ہر محلے کا ہیرو بھی ہوتا ہے اور کالج کا بھی ، اس طرح کے ہیرو بابے لوگوں کو ایک آنکھ نہیں بہاتے اور باباز کہتے پھرتے ہیں بڑا ہیرو بنا پھرتا ہے۔

کالج و محلے کے علاوہ کچھ عام زندگی کے خاص ہیرو ہوتے ہیں جو اکثرقومی درجہ کے ہوتے ہیں کچھ وہ جو کچھ کرتے ہیں اور نام پاتے ہیں تمغے حاصل کرتے ہیں ، مربعے ا ور بنگلے بھی پاتے ہیں اور کچھ وہ جو بہت کچھ کرجاتےہیں مگرانکا نام کوئی نہیں جانتا انکو بہت ہی گھمسانی اردو میں گمنام ہیرو کہا جاتا ہے اس سے کمزور دل لوگ یہ نہ سمجھ لیں کہ خدا ناخواستہ اس کا نام کہیں گم ہوجاتا ہے بلکہ یہ لوگ اتنے غنی ہوتے ہیں کہ بہت کچھ دینے کے باوجود کچھ بھی نہیں لیتے انکا کوئی نام تک نہیں جانتا، البتہ کچھ ہیرو عالمی ہوجاتے ہیں گریٹ الیگزنڈر طرز کے جو پوری دنیا کے لوگوں کے دماغوں میں گھس بیٹھتے ہیں۔

ادھر اٹلی میں جب بھی کبھی تاریخ و ثقافت پر بات ہوتی ہے تو انکے اپنے ہیرو ہیں فلم کے بھی اور تاریخ کے بھی جو جولیس سیزر سے لیکر گارلی بالدی تک پھیلے ہوئے ہیں جس طرح ہماری تاریخ پاکستان میں محمد بن قاسم سے لیکر ٹیپوسلطان اور پھر قائداعظم کی طرح کے سنگ میل قسم کے ہیرو ملتے ہیں حیرت کی بات یہ ہے کہ ہم ان کے ہیروز کو نہیں جانتے اور یہ ہمارے والوں کو ماننے کو تیار نہیں ہیں۔

ملک کے اندر اس وقت جو صورت حال ہے اس میں بھی مختلف لوگوں کے مختلف ہیرو ہیں بقول مولوی خالدصاحب کے اس وقت پانچ ہیرو موجود ہیں ب ز ن ع اور ف ۔ ان میں سے ہر کوئی اپنا اپنا گروہ رکھتا ہے اور اسکا گروہ دوسرے کو کچھ سمجھتا نہیں ۔ آج کل ہیرو کےلئے ضروری نہیں ہے کہ وہ باکردار ہو، بہت طاقتور ہو یا پھر ہاتھ میں توپ لئے گھوم رہا ہو۔ ناں بلکہ پکی ناں ہم اس ہیرو کو صرف اس لئے ہیرو مانیں گے کیونکہ وہ ہمیں پسند ہے بھلے اس پر جتنے ہی کیس ہیں رشوت خوری کے یا فیر حرام خوری کے، بھلے وہ بندے مروا کر ولائت جا بیٹھے، یا پھر ایک دن امریکہ سے فنڈ لائے اور دوسرے دن اسکے خلاف دو دن کا دھرنا دے مارے۔ جتنی بار اسکے دل کرے وسیع ترقومی مفاد میں حکومت میں چلا جائے یہ باہر ہوجائے۔ کوئی مرے کوئی جئے کھسرا گھول پتاسے پیئے کے مطابق عوام مرے یا جئے وہ اپنے بال لگوائے گا یا کبھی کبھار کہہ بھی دے گا کہ جناب اب بس کرو۔

کسی سیانے بندے کے بقول ہر بندے کا اصلی ہیرو وہ خود ہوتا ہے اور اپنے جیسے سارے بندے اسے اچھے لگتے ہیں، اگر یہ صاحب قول واقعی سیانا ہے پھر تو خطرے کی گھنٹی ہے اس کی بات کیونکہ اسکا مطلب ہے کہ ہم سب ان ہیں جیسے ہیں اگر ہم سب ب ز ن ع اور ف کی طرح کے ہیں تو پھر بطور قوم ہمارے دن گنے گئے ہیں۔ آپ کا کیا کہ خیال ہے بجائے اس کے کہ کوئی اور سیانا بھی اس طرح کی باتاں کرے ہمیں اپنے ہیرو تبدیل کر نہیں لینے چاہئیں؟؟

فیس بکی اردو

2011-10-26T15:17:00.001+02:00

ماہرین لسانیات کے مطابق زندہ زبان کی نشانی ایک یہ بھی ہے کہ اس میں نئے الفاظ شامل ہوتے رہیں۔ اور یہ الفاظ اس طرح کے ہوں کہ اس زبان کا حصہ محسوس ہوں، ہندی زبان میں تو اس مقصد کےلئے ایک تحریک بھی چلائی گئی اور اردو کےالفاظ کے ہندی کرکے ایک کاغذ پر لکھ کو پوتر پانی میں ڈبویا جاتا، اس طرح لفظ پوتر ہوکر ہندی ہوجاتا، بقول شخصے

اردو کو ہندی کیوں نہ کریں زبان کو بھاشا کیوں نہ کریں

جب لوگوں کو پسند ہے توفیر یہ تماشا کیوں نہ کریں

اردو کا کمپوٹر میں استعمال ایک طویل و دلچسپ داستان لئے ہوئے ہے، ان پیج سے لیکر تحریری اردو تک آنے میں بہت سے برس بیت گئے آج الحمدللہ ہمارے کمپوٹر اردو دان ہوچکے ہیں ۔ اس ترویج کےلئے میں جملہ احباب کو مبارک باد دوں گا جنہوں نے بغیر کسی معاوضہ و لالچ کے تحریری اردو کا استعمال ممکن بنایا۔ ویسے آج کل فیس بکی اردو عام ہورہی ہے بہت سے انگریزی کے و شعبہ جاتی الفاظ کو اردو یوں کھا رہی ہے جیسے صدقہ گناہوں کو کھاتا ہے یا سوکھی لکڑی کو آگ ۔

لوڈ کا مطلب چڑھانا ہو سکتا ہے مگر ہم اسکو لوڈنا ہی لکھتے ہیں اسی طرح کی کچھ مثالیں مزید دیکھی جاتی ہیں

ایڈٹنا، مطلب کانٹ چھانٹ کرنا

پیسٹنا ، مطلب چسپاں کرنا یا نقل کرنا

ایڈنا، مطلب شامل کرنا یاداخل کرنا

ڈیلیٹنا، مطلب منسوخ کردینا

شیئرنا ، مطلب باہم بانٹ لینا

کومینٹنا، مطلب تبصرہ کرنا

لائیکنا، مطلب پسندیدگی کا اظہارکرنا۔

بلاگنا، بلاگ لکھنا۔

اس وقت بلاگنے کو کچھ وی نہ ہونے کی وجہ سے یہ کچھ لکھ دیا ہے مجھے پورا یقین ہے کہ آپ کے دماغ میں وی دو چار الفاظ لازم ٹھونگے ماررہے ہونگے۔ تو فیر کیا سوچ رہے ہیں نیچے تبصر ہ میں ڈال دیں۔

دروغ برگردن دریائے راوی

سربراہ یا دشمن

2011-10-19T23:36:00.000+02:00

جب ہمیں گھر میں کوئی مسئلہ ہوتو سیدھے ابا جی کے پاس ، چاہے بہن بھائیوں کا آپس کا جھگڑا ہوا، امتحان کی فیس چکانی ہو یا پھر کالج ٹور پر جانے کی اجاز ت چاہئے ہو، نئی بائیک خریدنی ہو یا اس میں پیٹرول ڈلوانا ہو، یہیں پر موقووف نہیں بلکہ اگر ہمسائیوں کا کتا گلی میں بھونکتا ہو تو بھی، کالج کے لڑکوں سے پھینٹی پڑے تو بھی ابا جی اور اگر آوارہ گردی کے چکر میں یا بغیر لائینس کےڈرائیونگ کرتے ہوئے پولس پھڑ لے تو پھر بھی ادھر ابا جی۔ مطلب اباجی کا گھر کا قبلہ و کعبہ کہ ہرچیز انہی کے گرد گھومتی ہے

حکمران ملک کے ابا جان ہوتے ہیں نہ صرف سماجی طور پر بلکہ مذہبی طور پر بھی۔ ہمیں چھوٹا سا مسئلہ درپیش ہو تو ایک عام آدمی کے طور پر بھاگم بھاک ادھر اپنے نمبردار، کونسلر، ممبر اسمبلی، وزیر وغیرہ تک حسب ہمت وتوفیق جیب یا بمطابق حسب ونسب پہنچے ہوتے ہیں یا کوشش کررہے ہوتے ہیں صرف اس خیال سے کہ یہ نیک لوگ جو ہمارے ہمدرد ہیں ہمارے اس مسئلہ کو حل کریں گے۔ بلکل ایسے ہی جس طراں اباجی کی طرف جاتے ہیں

مگر اس وقت جو حالت ہے اس سے لگتا تو نہیں کہ یہ اباجی ہیں، وہ ہمدرد، شفیق، غصے سے بھرے ہوئے، بزرگ پر رعب، ہنسے ہو ئے دوست، طاقت کا سرچشمہ، جو دنیا کے سارے مسائل چٹکی میں حل کردیتے ہیں ، اگر انہوں نے ہاں کہہ دی تو بس کہہ دی اورناں کا مطلب نہ ہے۔ جن سے شاباش کے تمغے بھی ملتے ہیں اچھے کام کرنے پر اور گالیاں اور چھتر پڑنے کا خوف بھی ہوتا اگر کچھ الٹا سیدھا کرلیا تو۔

ابھی تو لگتا ہے کہ گھر کے اباجی ہی خاندان کی ناس مارنے پر تلے ہوئے ہیں، اہل خانہ اگر ڈینگی بخار سے مر رہے ہیں تو مریں، سیلاب میں بہہ گئے ہیں تو اچھا ہے ، بجلی کے بغیر رہ رہے ہیں تو رہیں، پانی ان کے گھروں میں گھس گیا ہے تو خود نالی کھودیں اور نکالیں، بچے اسکول نہیں جارہے تو نہ جائیں، محلے کے لوگ ان پر گولیاں برسارہے ہیں تو برساتے پھڑیں۔

نہیں نہیں یہ کام یہ رویہ ہمارے ابا جی کا نہیں ہوسکتا میں اس بات پر قسم کھانے کو ہی نہیں بلکہ مسجد اٹھانے کو بھی تیار ہوں بقول فیاض بھائی۔ تو پھر سوال یہ پیدا ہوتا ہے کہ یہ لوگ کون ہیں جو کہتے ہیں کہ ہم تمھارے اباجی ہیں ابھی جو ملک کا احوال ہے ظاہر ہے کسی ملک کے ہمدرد کی کاروائی تو ہ نہیں سکتی بس اس میں ملک دشمن ہی ملوث ہیں، ویسے تاریخ یہ بات ابھی نہیں بھولی کہ پی پی کو جب بھی کھل کھیلنے کا موقع ملا تو یہی کچھ ہوا بھتو نامی شخص نے ادھر تم ادھر ہم کا نعرہ لگایا اور ٹھاہ ملک دو ٹکڑے ، ابھی زرداری چار کرے گا ، ایک لاور بابا بھی اسی خاندان سے متعلقہ ہے سر شاہنواز بھٹو نام کا جو انگریزوں کی طرف سے ریاست جونا گڑ کا دیوان مقرر ہوا اور فیر اسکا وی دیوالا نکال دیا ، کرلو گل ابھی بھی یہ ڈاکٹر ملک، ڈاکٹر اعوان، ڈاکٹر ذرداری، ڈاکٹر گیلانی اور دیگر تمام جو اپنا آپ کو ملک کا اباجی سمجھتے ہی نہیں کہلواتے بھی ہیں، کون جانے سچ کیا اور جھوٹ کیا؟؟؟

لائیکنا اور حاجی ساب

2011-10-19T13:06:00.002+02:00

ہمارے ہمسائے میں اللہ مغفرت کرے چچاحسین عرف عام میں حاجی ساب رہتے تھے اب عازم جنت ہوچکےہیں شام کو جتنی مشٹنڈا پارٹی ہوتی انکے زیر سایہ تاش کھیل رہی ہوتی، تاش کم اور مخولیات زیادہ ہوتیں، ادھر آنکھ جپکی نہیں ادھر پتااڑا نہین۔ ہارون الرشید تب کا روونا اس کام میں سب سے ماہر تھا میرا ساتھی ہوتا اورجب بھی بانٹنے کی باری ہماری ہوتی مطلت ہار تو فوراُ اسکا کام تھا سارے کارڈ لپیٹ کر اپنے ہاتھ کرلینا کہ لوجی میں پھینٹی لگا دون بس فیر کیا ہوتا، تقسیم ہوتی پوری پوری اور شاہ جی کہہ دیتے رونیا توں نے ضرور چول ماری ہے، سارے کہہ اٹھتے شاہ جی اس نے کیا کیا ہے کارڈ تو ساروں کے پورے ہیں۔ شاہ جی کا کہنا ہوتا کہ پتا مجھے وی نہیں کہ اس نے کیا کیا ہے پر کچھ نہ کچھ کچھ چکر کیا ضرور ہے اٹھ تلاشی دے اور پھر یکے شاہ بیگی کے درجے کے دو کارڈ اسے کے کھیسے میں سے جانے کیسے نکل آتے۔۔

حاجی ساب اس سارے قضئے سے بے خبر ادھر منڈوں کو اپنے دن کی روداد سنارہے ہوتے کہ سویرے ادھر کالج گیا اپنی ایبسینٹی لگوائی اور فیر فور۔ اوتھوں مہانے کے ہوٹل پر چاہ پی فیر ماشٹر مقبول کے پاس گیا اور ادھر سیل ککڑ کو مالش کی فیر ککڑ وہاں پر لڑوا کر زرا اسکا پنڈا تپا کر وہاں سے گھر اور مال مویشیوں کے چارے پانی کا بندوبست، دیکھا فیر جب تم لوگ کالج سے پڑھ کرآئے تومیں اپنے کام مکا کر بیٹھا تھا کہ منڈے آتے ہیں تو زرا کابینہ کی بیٹھک ہو۔۔

یہ لائیکنے کی بیماری فیس بک پر کافی زور پکڑ چکی ہے اور اس سے مجھے وہ اپنے حاجی ساب کی ایبسینٹی یاد آجاتی ہے ۔اکثراحباب ایسے ہی ہیں جو کسی پوسٹ کو دیکھ کر لائیک کا بٹن دبادیتے ہیں کہ اللہ اللہ خیرصلہ، مطلب حاضری لگوا اور جان چھڑاؤ سعد میاں وی کچھ ایسے ہی کرتے ہیں جب بھی پوسٹ لکھی دیکھی ادھر کچھ اپنا خیال ظاہر کرنے کی بجائے لائیکا اور فیر سانوں کی۔۔بھئی اگر آپ کو اتنا پسند ہی آگئی ہے یہ پوسٹ تو فیر اپنے خیال کا اظہار کردو، کچھ لکھ دو کون سے آپ کے قلم کی سیاہی سوکھ جاوے گی۔ پر نہیں کون اتنا وخت کرے؟؟؟؟

بارگاہ رسالت میں ایک بیٹے کا مقدمہ

2011-10-08T12:53:00.000+02:00

حضورِ اکرم صلی اللہ علیہ والہ وسلم کے پاس ایک صحابی آئے اور کہنے لگے یا رسول اللّٰہ صلی اللہ علیہ والہ وسلم میرا باپ مجھ سے پوچھتا تک نہیں اور میرا مال خرچ کر لیتا ہے ۔ آپ صلی اللہ علیہ والہ وسلم نے فرمایا اچھا بلاؤ اسکے باپ کو۔ انکے باپ کو پتہ چلا کہ میرے بیٹے نے بارگاہ نبوت میں میری شکایت کی ہے تو انہوں نے دکھ اور رنج کے کچھ اشعار دل میں پڑھے، زبان سے ادا نہیں کیے۔ جب حضور صلی اللہ علیہ والہ وسلم کے پاس پہنچے تو ادھر جبرائیل امین آگئے۔ کہنے لگے یا رسول اللہ ، اللہ فرمارہے ہیں کہ اس سے فرمائیں پہلے وہ اشعار سنائے جو تمہاری زبان پر نہیں آئے بلکہ تمہارے دل نے پڑھے ہیں اور اللہ نے عرش پر ہوتے ہوئے بھی انکو سن لیا ہے ۔

حضورِ اکرم صلی اللہ علیہ والہ وسلم کی فرمائش پر وہ صحابی کہنے لگے یا رسول اللہ ! قربان جاؤں آپ کے رب پر وہ کیسا رب ہے میرے اندر تو ایک خیال آیا تھا اللہ نے وہ بھی سن لیا۔ فرمایا: اچھا پہلے وہ اشعار سناؤ پھر تمہارے مقدمے کا فیصلہ کریں گے ۔یہ اشعار عربی میں ہیں ۔ انکا اردو ترجمہ کچھ یوں ہے ۔

ترجمہ

اے میرے بچےمیں نے تیرے لیے اپنا سب کچھ لگا دیا

جب تو گود میں تھا تو میں اس وقت بھی تیرے لیے پریشان رہا

تو سوتا تھا اور ہم تیرے لیے جاگتے تھے

تو روتا تھا اور ہم تیرے لیے روتے تھے

اور سارا دن میں تیرے لیےخاک چھانتا تھا اور روزی کماتا تھا

اپنی جوانی کو گرمی اور خزاں کے تھپیڑوں سے پٹواتا تھا

مگر تیرے لیے گرم روٹی کا میں نے ہر حال میں انتظام کیا

کہ میرے بچے کو روٹی ملے، چاہے مجھے ملے یا نہ ملے

اس کے چہرے پر مسکراہٹ نظر آئے

چاہے میرے آنسوؤں کے سمندر اکٹھےہو جائیں

جب کبھی تو بیمار ہو جاتا تھا تو ہم تیرے لئے تڑپ جاتے تھے

تیرے پہلو بدلنے پر ہم ہزاروں وسوسوں میں مبتلا ہو جاتے تھے

تیرے رونے پر ہم بے قرار ہو جاتے تھے

تیری بیماری ہماری کمر توڑ دیتی تھی اور ہمیں مار دیتی تھی

ہمیں یوں لگتا تھا تو بیمار نہیں بلکہ میں بیمار ہوں

تجھے درد نہیں اٹھا بلکہ مجھے درد اٹھا ہے

تیری ہائے پر ہماری ہائے نکلتی تھی

اور ہر پل یہ خطرہ ہوتا تھا کہ کہیں میرے بچے کی جان نہ چلی جائے

اس طرح میں نے تجھے پروان چڑ ھایا اور خود میں بڑھاپے کا شکار ہوتا رہا

تجھ میں جوانی رنگ بھرتی چلی گئی اور مجھ سے بڑ ھاپا جوانی چھینتا چلا گیا

پھر جب میں اس سطح پر آیا کہ اب مجھے تیرے سہارے کی ضرورت پڑی ہے

اور تو اس سطح پر آگیا ہے کہ تو بے سہارا چل سکے

تو مجھے تمنا ہوئی کہ جیسے میں نے اسے پالا ہے یہ بھی میرا خیال کریگا

جیسے میں نے اسکے ناز برداشت کیے ہیں ، یہ بھی میرے ناز برداشت کریگا

لیکن تیرا لہجہ بدل گیا ، تیری آنکھ بدل گئی ، تیرے تیور بدل گئے

تو مجھے یوں سمجھنے لگا کہ جیسے میں تیرے گھر کا نوکر ہوں

تو مجھ سے یوں بولنے لگا کہ جیسے میں تیرا زر خرید غلام ہوں

تو یہ بھی بھول گیا کہ میں نے تجھے کس طرح پالا

تیرے لئے کیسے جاگا، تیرے لئے کیسےرویا ،تڑپا اور مچلا

آج تو میرے ساتھ وہ کر رہا ہے جو آقا اپنے نوکر کے ساتھ بھی نہیں کرتا

اگر تو مجھےبیٹا بن کر نہیں دکھا سکا

اور مجھے باپ کا مقام نہیں دے سکا

تو کم از کم پڑوسی کا مقام تو دیدے،

کہ پڑوسی بھی پڑوسی کا حال پوچھ لیتا ہے

اور تو بخل کی باتیں کرتا ہے “

یہ اشعار سننے پر حضورِ اکرم صلی اللہ علیہ والہ وسلم کی آنکھوں سے آنسو بہہ رہے تھے ، آپ صلی اللہ علیہ والہ وسلم نے اس نوجوان سے فرمایا “ اٹھ جا میری مجلس سے ، تو بھی اور تیرا مال بھی تیرے باپ کا ہے“

ہوشیار کہیں ہمارا رویہ بھی تو اس بیٹے جیسا تو نہیں؟؟ یہ نہ ہوکہ ہم بھی وہی کررہے ہوں جو اس بیٹے نے کیا اور مجلس سے اٹھائے جانے کے قابل ہوں۔۔۔ ہوشیار اور پھر ہوشیار

الزامیات

2011-10-01T23:40:00.002+02:00

ایک پرندہ اڑتا اڑتا اچانک ایک جہاز سے ٹکراتا ہے، جہاز کو آگ لگ جاتی ہے، جلتے جلتے زمین پر گرتا ہے، نیچے ایک کالونی ہے وہ گھروں کو بھی آپ لگ جاتی ہے۔ پرندہ بھی مرجاتا ہے۔ جہاز میں سوار عملے سمیت سارے مسافراندر ہی ہلاگ ہوجاتے ہیں البتہ پائلٹ کود جاتا ہے مگر نیچے گزرتی ہوئی بجلی کی تاروں میں اٹک کر مرجاتا ہے۔ نیچے کالونی کے لوگوں میں سے بھی بیسیوں مرتے ہیں اور بہت سے زخمی۔۔۔

اب پرندے کے لگتے جہاز کو مورد الزام ٹھرا رہے ہیں، مسافر اور عملے کے لوگ پائلٹ کو، وہ واپڈا والوں کو، کالونی والے فلائی کمپنی کو۔۔ ۔۔۔ ۔۔ ۔۔۔اور۔۔۔ ۔۔۔ ۔۔ ۔۔۔ فضائی کمپنی پرندے کی اس پوری نسل کو گالیاں دے رہے ہیں۔۔۔۔۔ اب کون جانے وہ پرندہ اصلی تھا یا امریکہ بہادر کا ڈرون؟؟؟؟ کیا کوئی بتا سکتا ہے؟؟؟؟؟

کتے کی دم

2011-09-26T17:27:00.003+02:00

عمران نے امراؤ جان ادا کے لہجے میں کہا ہے کہ امریکہ بہادر کے بعد برطانیہ کو بھی چاہئے کہ پاکستان کی امداد بند کردے۔ کہ اس سے عوام کو کوئی فائدہ نہیں پہنچتا مگر رشوت میں اضافہ ہوتا ہے۔

میرے خیال میں یہ بھی یہودی اور امریکہ کا ہی باندر ہے جو بطور متبادل لایا گیا ہے۔ چمچہ یہودیوں کا لے پالک۔ کہ اگر کل کو زرداری شریف کی بجائے عوام کسی تیجے کی تلاش میں نکلے تو اس تک پہنچے۔ سب ایک ہی تھیلی کے چٹے بٹے

ملک و عوام کے خلاف کچھ مخلص نہیں کبھی ادھر کبھی ادھر، پہلے امریکہ بہادر کو حلق سے اوپر اوپر گالیاں دیتا پھرتا تھا پھر آج جب وقت آیا ہے تو اسکا نام لینے اور ادھر مرنے کی بجائے برطانیہ کی منتیں کہ تم بھی اس ملک کو تہنا کردو، بڑا آیا انصاف کا ماما۔ جہاں تک میرا خیال ہے اس بندے کا ایک ہی پروگرام ہے بس نعرے مارو اور ایسے مارو کہ لوگوں کو کچھ الگ لگے، پھر جب لوگ اکتاجائیں گے تو اس الگ کو ڈھونڈتے ہوئے اس کی طر ف آئیں گے۔ مگر ان کو یاد نہیں کہ آواز خلق نقارہ خدا کے مصداق جب عوام کچھ کہتی ہے تو وہ خدا کا نقارہ بن جاتی ہے۔ اگر آج بلکہ گزشتہ کئی برس سے ہر پاکستانی کہہ رہا ہے کہ امریکہ پاکستان کا دشمن ہے تو بھلے مشرف و ذرداری جتنی مطلب ٹی سی کرلیں ، عمران خان جتنا مرضی اس کے اشاروں پر نچ لے۔ وہ پاکستان کو نقصان پہنچا کر ہی دم لے گا اور اس کوشش میں اپنی آخری حد تک جائے گا چاہے اس کو پھر سے جوتے ہیں کھانے پڑیں مگر کہتے ہیں کہ کتے کی دم سو سال بھی نلکی میں پڑی رہے تو پھر بھی سیدھی نہیں ہوتی۔

مقدمہ بخلاف مچھراں

2011-09-21T23:41:00.000+02:00

میں گزشتہ تین دن بلکہ یوں کہئے تین راتوں سے پاکستان سے آٹھ ہزار میل دور بھی پاکستانی عوام کے ساتھ کھجل ہورہا ہوں
ساتھ یوں کہ وجہ اس کھجل خانی کی جو اس آج کی وجہ تحریر بھی ہے۔ ایک ہی ہے اور وہ ہے مچھر ۔ جی بلکل جسکے بارے میں کہا گیا کہ ایک مچھر بندے کی رات حرام کرسکتا ہے تو سہی کہا گیا۔ مطلب گزشتہ تین آیام بلکہ اشباب جو کہ شب کی جمع ہے میں ہم ان مچھرون کی واجہ سے شب بیدار بوم بنے رہے اور پھر دن بھر سوتے پڑے رہتے۔

چونکہ یہ قضیہ ہمارے ساتھ کم ہی پیش آیا ہے لہذا مانند الودفتر میں اونگنے رہتے اور یہ بھی کہ ہم سے جو بھی سوال کیا جاتا اول تو سمجھ ہی نہ آتا اور اگر سوال اتنا آسان ہوتا کہ دماغ شریف میں خوامخواہ گھس جاتا تو اس کا جواب ندارد۔ گویا سچ مچ کے الو۔۔آج پھر تب کر چھٹی کرتے ہیں پاس کی سپر مارکیٹ میں گھس کر فوراُ سے پیشتر مچھروں کے خلاف کسی اچھے سے اور مؤثر ہتھیار کے بارے میں اندر گھومتی ہوئی اسٹاف سے پوچھ ڈالا یہ ایک اور ثبوت تھا کہ ہم واقعی بوم ہوچکے ہیں۔ ورنہ ادھر پوچھنے کی ضرورت نہیں تھی بس متلقہ شعبہ میں جاؤ اور مطلوبہ چیز پکڑ لو۔ خیر اس سے ایک بات اور بھی ثابت ہوئی کہ ہم واقعی مچھرون سے تپے ہوئے تھے کہ ان کے خلاف باقاعدہ سفارش کردہ ہتھار سے لیس ہونے کے چکر میں تھے۔

ادھر پاکستان میں ہمارے بھائی بندوں کو کچھل کررہے ہیں اور ہم کہ اتنی دور آڈیرہ ڈالے ہیں اور آتوائی کھٹوائی لئے پڑے ہیں ہماری بی جان کو آرہے ہیں کوئی اس سے پوچھے کہ میاں پاکستان میں جو چالیس کروڑ بندے چھوڑ آئے ہیں وہ کوئی کم ہیں کہ تم ادھر بھی ہمارے پیچھے لپکے چلے آرہے ہو۔

ویسے یہ مچھر ہے بہت ڈھیٹ قسم کی چیز شاید ہم بنی انسان کا خون چوس چوس کہ اس کی چول خانی بھی ہمارے جیسی ہوگئی ہے۔ کہ اس کا پیٹ بھرتا ہے ہی نہیں۔ کل رات کو میں نے بارہ بجے سے لیکر صبح چھ بجے تک پہرہ دے کر چھ مچھر مارے اور قسم سے سب وہ تھے جو ہمارا خون چوس چوس کر اپنا پیٹ اتنا بھر چکے تھے کہ ان سے اڑا تک نہ جاتا تھا۔ بس فیر ان کی جان ہمارے ہاتھ کے نیچے اور ایک پھانڈے سے انکا رام نام ستے۔

ویسے میں سوچ رہا تھا نہیں ابھی سوچ رہا ہوں کہ بزرگ سچ ہی کہہ گئے تھے کہ پیٹ بھر کر نہیں کھانا چاہئے ویسے مجھے اللہ کا شکر بھی ادا کرنا چاہئے کہ یہ بات مجھروں کو انکے بزرگ بھی نہیں بتاگئے ورنہ وہ کل والے چھ آج بھی ہوتے۔

نتیجہ پس تجربہ سے ثابت ہوا کہ پیٹ بھر کر کھانے سے بندے کی جان بھی جا سکتی ہے

صوبائیت اور لسانیت

2011-08-01T12:38:00.000+02:00

میں تو کہتا ہوں کہ چاروں بلکہ پنجوں صوبوں کو ختم کردیا جائے اور دو دو تین تین ضلعوں کے ڈویژن کو فعال کریا جائے، اس طرح بقول ہمارے بھائی جان کے کھانے والے کم ہوجائیں، گے، چاروں صوبائی اسبملیاں ختم، مطلب کوئی 20 کے قریب گورنر اور وزرائے اعلٰی طور کے وائسرائے کم، صوبائی وزراء کی ناکارہ اور غیر مفید فوج ختم اور اور اور سیکڑوں ممبران صوبائی اسمبلی غائیب، کتنے خرچے اور غیر مفیدات کم ہوسکتےہیں؟؟؟ سوال ہے کہ جب وفاقی وزیر داخلہ ملک میں دہشت گردی کو رواج دینے کو کافی ہے تو صوبائی وزیروں کا کیا کاروبار ہے؟؟ اسی طرح، دفاع، صنعت، افسر شاہی اور علٰی ہذالقیاس، پھر یہ بھی ممبران پالیمنٹ کی فوج ظفر موج کون سے زخموں پر مرحم لگانے کے کام آرہی ہے۔ قانون قومی اسمبلی نے بنانا ہے اور سینٹ نے پاس کرنا ہے، پھر یہ باقی کے بزرگ لوگ کس کے نام کا کھا رہے ہیں؟؟؟ ملک کو ایک کائی بھی آسانی سے بنایا جا سکتا ہے، سوچئے کہ اگر ایک وزیر اعلٰی سے کچھ پوچھنا پڑ جائے تو اداروں کو جان کے لالے پڑ جاتےہیں اور اگر یہ سوال کسی ضلعی ناظم سے کیا جائے کہ میاں تم نے یہ فنڈ کدھر کیئے ہیں تو اسے لازمی طور پر جانے کے لالے پڑ جاویں گے۔ پھر یہ کہ میرے جیسا عام آدمی جہلم سے لاہور جاکر وزیر اعلٰی سے حال احوال پوچھنے سے تو رہا البتہ اگر جہلم یا پنڈی یا گجرات میں جانا ہو تو بندہ ادھر وزیر اپنے کمشنر سے سلام دعا ہی کرآتا کہ کہ بقول بزرگوں کے ہر بندے سے سلام دعا رکھنی چاہئے کہ بندہ ہی بندے کا دارو ہوتا ہے۔ ایک فائدہ یہ بھی ہوگا کہ نہ رہیں گے صوبے اور نہ صوبائیت، نہ رہے گا بانس اورنہ بچے گی بانسری۔ مولوی صاحب اپنی مسجد میں نماز مغرب کے بعد چھت پر چاند دیکھنے پہنچ جائیں گے وہ آسمان پر اور لڑکے بالے انکے ساتھ دوسری چھت پر چاند دیکھنے کی کوشش کریں گے، نہیں تو ٹی وہی پر مرکزی رویت حلال کمیٹی کی طور سے عینک زدہ بزرگوں کو دوربین سے چاند دیکھنے کی کوشش کرتے ہوئے دیکھ سکیں گے۔ پھر سارے لسانی صوبے بنانے کا چکر بھی ختم ہوجائے گا کہ ہزارہ کی اپنی انتظامی شناخت ہوگی، پوٹھوہار و سرائیک کی اپنی، بلوچ و بگٹی و دیگر اپنی شناخت سے جی سکیں گے۔ مجھے تو ایسے لگتا ہے کہ جیسے صوبوں کے نام پر مختلف علاقوں کے نک نیم جنکو انڈین کچا نام اور ہمارے پنجابی میں جانے کیا کہتے ہیں، اب جس کا چل گیا اس کا چل گیا مگر جو اپنے آپ کو معاشرتی اور ثقافتی طور پر جدا سمجھتا ہے اسکی انفرادیت کو تسلیم نہ کرنا ایک ظلم عظیم ہوگا۔

پیاٹیٹس اور معالجات

2011-07-29T14:15:00.000+02:00

شکوہ اپنے ہم پیشہ دوستوں سے ہے، تب سے جب سے پڑھانا شروع کیا تھا، کہ منظم تحقیق نہیں ہے ہیپاٹایٹس کی معالجات کے شعبہ میں۔ ہمارے ایلوپیھیک اور سرجن لوگ صرف یورپ و مغرب کی تحقیقات پر جی رہے ہیں، ہمارے حکیم، ہومیوپیتھ اور وید لوگ صرف کتاب کی حد تک ہیں یا تک بندی پر اتر آئے ہیں، ڈاکومنٹیشن کی طرف نہیں آتے، تحقیق اور نظم کی کمی، ایک انگریز کے نسخہ جات کو بڑھیا قرار دیے جاتا ہے اور حتمی علاج کے طور پر تسلیم کروانے کو مصر، دوسرے کاسنی، دارچینی، اجوائین خراسانی، ملٹھی کا جگر پر اثرات کو ثابت کرنے کے لئے ایڑی چوٹی کا ذور لگا رہے ہیں مگر صرف اور صرف ذاتی نسخہ جات اور تجربہ کی بنیاد پر، پاکستان ایک ایسا ملک ہے جو بہر تین تہذیبوں کا گوارہ ہے، مغربی تحقیق، اسلامی تناظر اور ہندی پس منظر کے ساتھ تینوں شعبوں میں کمالات کو عوام الناس کی فلاح کےلئے استعمال کیا جاسکتا ہے یورپی میڈیسن میں ہمارے لوگ ماہر ہیں، ہومیوپیتھی کا علم ان کے پاس ہے، حکمت و طب کے عالم ادھر ہیں، طب اسلامی و ایورویدک میں ہونے والی ساری تحقیق انکے پاس ہے، دنیا کے کتنے ممالک ہیں جو اس شعبہ میں پاکستان کا مقابلہ کرسکتے ہیں، انڈیا کے پاس اسلامی طب کی علم کم ہے، اہل غرب کے پاس انڈین میڈیسن نہیں، عربوں کا بھی یہی حال ہے کہ انکا گزارہ مغربی میڈیسن اور عربی طب پر ہے، ہونا تو یہ چاہئے تھا کہ یہ سارے لو سر جوڑ کر بیٹھ جاتے اور ہر طریقہ علاج کے ذریعے عوام کو فائدہ پہنچتا، مگر پھر وہی ڈھاک کے تین پات، بلی کے گلے میں گھنٹی باندھے تو کون؟؟؟

قومی مفاد

2011-07-21T10:40:00.004+02:00

بہت شور سنتے تھے پہلے میں دل کا، جو چیرا تو اندر سے گیس نکلی جیسے ایم کیو ایم حکومت سے بہت شور کرتے ہوئے نکلی اور آذاد کشمیر میں پھر پی پی کے ساتھ بیٹھے گی، پنجابی میں کہتے ہیں کہ تیری زبان ہے یا۔۔۔۔۔۔۔۔۔۔۔۔۔۔ (خالی جگہ دل میں پر کرو ) ہمارے میاں صاحب کا خیال ہے کہ اس سے ثابت ہوتا ہے کہ پاکستان میں سیاہ ست دان جو ہیں وہ یہی ہیں اور یہ کہ یہ لوگ وسیع تر قومی مفاد میں ملک بھی بییچ کھائییں گے،

ہمارے دادا جان ہمیں بہت دعائیں دیا کرتے تھے، ہم میں سے کوئی کہہ دیتا کہ اجی جی آپ اپنےلئے کبھی کچھ نہیں مانگتے دعا میں تو وہ کہتے کہ پتر تم جو میرے ہو سو تمھارے لئے مانگا تو اپنے لئے مانگا۔ پھر وہ لطیفہ دھرایا جاتا کہ ایک مولوی صاحب جمعہ کی نماز کے بعد دعا کروا رہے تھے، یااللہ کل عالم کو صحت دے، تندرستی دے، امن دے، یااللہ کل عالم کے اعلٰی تعلیم عطافرما، اسکو اچھی سی نوکری دلوادے، اسکی شادی کروادے، یا اللہ میرے مالک کل عالم کو بیٹا عطا فرما، یااللہ کل عالم کو ایک اور یبٹا عطافرما یااللہ کل عالم کو ایک اور یبٹا عطافرما ، یا اللہ کل عالم کو ایک اور یبٹا عطافرما۔۔۔

دعا ختم ہوئ تو کسی نے پوچھا مولوی صاحب آپ نے سب کچھ کل عالم کےلئے مانگ لیا ہے آپ لئے کچھ نہ مانگا، تو مولوی صاحب نے جواب دیا کہ اپنے لئے ہی تومانگا ہے، وہ بندہ حیران ہوکر پوچھتا ہے کہ جناب وہ کیسے مولوی صاحب کہنے لگے کیونکہ کل عالم میرے بیٹے کا نام ہے۔

ہمارے سیاہ ست دان بھی میرے خیال سے وسیع تر قومی مفاد سے مراد اپنا ذاتی نفع و مفاد لیتے ہیں

حل۔۔۔ امیر تیمور جو تاریخ میں زمین کو ہلادینے والا کا لقب رکھتا ہے اس مرد بزرگ کی سوانح عمری میں ہیرالڈیم لکھتا ہے کہ جب بھی امیر تیمور کے پاس کوئی نقصان، کی شورش کی یا کسی وعدہ خلافی کی خبر پہنچتی تو وہ فوراُ کہتا، رستہ ایک ہی ہے،صرف ایک ہی ، ہمیشہ سے۔۔۔۔

پھر فوراُ فوجوں کو کوچ کا حکم مل جاتا

باپ کی مرضی

2011-07-20T12:23:00.002+02:00

لگتا ہے یہ امریکیوں کے باپ کا ملک ہے جو اپنی شناخت کروانے سے انکار کروارہے ہیں، ادھر امریکہ میں تو وزیروں کے بھی جوتے اتروالیے جاتے ہیں، کوئی چوں نہیں کرتا اور ادھر رحمان ملک سب کے فون کرکے لنگ جانے کا کہہ دیتا ہے، چکر کیا ہے آخر؟؟؟ کیا ہم لوگ اتنے ہی لیٹ گئے ہیں کہ جو کوئ مرضی ہم پر چڑھ دوڑے

شب برات اور والدہ کی برسی

2011-07-16T10:30:00.001+02:00

آج کی شب شب برات کے نام سے ہے، اللہ کی رحمتیں اور برکتیں سب پر، آج ہمارے محترمہ والدہ کی برسی بھی ہے انہوں نے 5 برس قبل 15 شعبان کو اس دارفانی سے کوچ کیا تھا جملہ آحباب سے درخواست ہے کہ آج کی شب بیداری عبادات اور دعائیں میں مرحومہ کے لئے مغفرت اور ہمارے لئے رحمت کی دعا کیجئے گا، اللہ آپ کو جزائے خیر دے

فرمائیش

2011-07-14T11:18:00.001+02:00

بابا پیسے بھیجو بیٹا کتنے بھیجوں آپ نے کیا کرنے ہیں؟ ،ما ما سے لے لو؟؟ نہیں بابا آپ بھیجو یا پھر لے کے خود آجاؤ، بابا ٹوٹے ہوئے پیسے بھیجنا ، میں نے گڑیا لینی ہے اور ماما کہتی ہے کہ میرے پاس ٹوٹے ہوئے پیسے نہیں ہے۔ آپ بھیج دو گے ناں

تقسیم پاکستان کے خواب

2011-07-09T13:10:00.000+02:00

پاکیستانیوں جاگو اور آنکھیں کھولو، تمھارے دشمن تمھارا گلا ہی بس دبانے والے ہیں، یہ سارا چکر ہے، جناح کا اردو کے ساتھ کیا تعلق وہ تو انگریزی بولتے تھے، مگر اس سارے چکر میں جناح کا نام اور اردو کو استعمال کیا جارہا ہے، جناح کا خواب جناح پر نہیں تھا مگر پاکستان ہے، یہ سید جال الدین میرجعفر کا کوئی لگتا ہے اس کو چاہئے کہ اخلاقی طور پر جعفر پر کا نام استعمال کرے نہ کہ جناح کا۔ مگر وہ پنجابی میں کیا کہتے ہیں کہ بے شرماں کی تشریف پر آک اگا تو کہنے لگے یاراں نے تو چھاؤں ہی بیٹھنا ہےیہ سب پاکستان اور مسلمان دشمن قوتوں کے کارندے ہیں جنکا ایک ہی مقصد ہے کہ پاکستان کو توڑنا، چاہے ہو مزہب کے نام پر ہو یا لسانی وجہ سے۔۔۔۔۔۔۔۔۔۔۔۔ بس پاکسان نہیں تو دہشت گردی نہیں ، میں پوچھتا ہوں کہ کتنے پنجابیوں نے سندھیوں کو مار ہے اور کتنے سندیوں نے بلوچیوں کو اور کتے بلوچیوں نے پشتوں کو، کیا ہر صوبے میں باہر کے لوگ نہیں بسے، ادھر یورپ کچھ بھی مشترک نہ ہونے کے باوجود ایک ہورہا ہے اور ہمیں تقسیم کررہے ہیں، آج ہی سوڈان کو تقسیم کردیا گیا دو حصوں میں، جو مصر کے ہمسایہ میں بڑا افریقی مسلمان ملک تھا۔ اگر یہ سید واقعی مسلمان ہے تو اللہ کی کونسی رسی کو مضبوطی سے پکڑرہا ہے؟؟؟؟؟

ادھر تم ادھر ہم

2011-07-08T17:06:00.000+02:00

ویسے بزرگوں ہمارے ملک میں باقاعدہ طور پر جنگی قانون نافذ کرنے میں اب اور چیز رکاوٹ ہے؟؟؟؟ کیا یہ انتظار کر رہے ہیں کہ مشرقی پاکستان کی طرح ایک بار پھر کچھ ٹکڑے ہوں مگر اب کے پی پی کی وجہ سے اگر وہی ادھر تم ادھر ہم والا چکر چلا تو پھر ککھ نہ رہے گا باقی

بچہ جمہورا

2011-07-07T17:09:00.002+02:00

آج کل ہرطرف ملکی مفادات کا دورہ پڑا ہوا ہے بقول شاہ جی کہیں یہ ملکی مفاد میں یہ ملک ہی نہ بیچ دیں کہ بھائی لوگو کرلو گل، ہم نے ملکی مفاد میں ملک بیچ دیا ہے، ویسے شاہ جی خیال اتنا غلط بھی نہیں ہےکہ مشرف ملکی مفاد مین امریکہ کو ۔۔۔۔۔۔۔ وہ بھی دے گیا ہے، اپنی نہیں قوم کی، کہ بھئی اب مار لو تم بھی۔

نواز لیک اور متحدہ قومی مار ملکر ذرداری پارٹی سے بڑھ کر عوامی دھنائی کا پروگرام بیان کررہی ہیں، انکا کہنا ہے کہ ہم قومی مفاد میں ایک دوسرے کی حرامزدگیوں اور یینکی پھینکیوں کو بھلا کر عوام کو ذرداری سے نجات دلا کر اسے پر سواری کریں گے۔

میں خود چند برس پہلے بہت بڑا مسلم لیگی تھا کیون کہ ہمارے باپ دادا بھی تھے، مگر اس نواز شریف کے کے چالے دیکھ کر پریشان ہوگیا ہوں، اس مسلمان نے ملکی مفاد میں کیا کیا نہیں کیا، ذرداری کو تخت پر چڑھایا، اپنے بال لگوا لیے، تین بھائی کو پھر سے وزیر اعلٰی بنوادیا، ملکی مفاد میں اپنے اثاثے ملک سے باہر رکھے کہ کل کلاں اکر خاکم بدھن ملک نہ رہے تو اس کا مطلب یہ بھی تو نہیں کہ اس کے اثاثے بھی جاتے رہیں، یہ ہی سوچ کر غالباُ مہاجر حسین بھی پاسپورٹ لےگیا، ذرداری بھی دبئی میں مکان بنا گیا، اور باقی ہر ایم این اے اور ایم پی اے بیرون ملک حسب توفیق اپنی جائداد بناچکا ہے، میں یہاں یورپ کے دل میں بیٹھ کر بیسیوں نہیں تو دسیوں کے نام گنواسکتا ہوں۔

گوگل پلس پر زبان دانیاں

2011-07-05T13:58:00.002+02:00

دو دن سے گوگل پلس میں دوسروں کی دیکھی گئی اور اپنی پوسٹی گئی تحریرون سے لگ رہا ہے کہ یہ گوگل پر صرف اور صرف اردو کے فروغ کےلئے بنی ہے، البتہ ایک اور چیز سامنے آئی ہے وہ پنجابی کا بے دریغ استعمال ہے ، جی بلکل آپ درست سمجھے بلکل ایسے ہی جیسے ہمارے وزیراعظم پیرومرشد یوسف رضاگیلانی انگریزی کو ملا کر بولتے ہیں۔

ہر بندہ اپنی بات کو ثابت کرنے اور دوسرے کو سمجھنے کےلئے دوسری ذبان کا سہارا لیتا ہے، کہیں اسکا مقصد لفڑا کرنا بھی ہوتا ہے ، بلکہ اسی طرح جس طرح ہماری کیمیسٹری کی کتاب میں کا کے کو کے علاوہ باقی ساری عبارت انگریزی میں ہوتی ہے اردو رسم الخط میں تحریر شدہ، یعنی کہ نیوٹن کے پہلے قانون حرکت میں ولاسٹی اور ری ایکشن کا ذکر ہے ۔ اب میں تو ولاسٹی ری ایکشن اور نیوٹن کے الفاظ پر ہی اڑا رہا اور عوام اڑ گئی۔۔۔۔

سوال۔

اس سارے قضئے میں جس کی غلطی ہے اسکی نشاندہی کی جائے غلطی کی نہیں بندے کی، اور پھر اس سے سوال کیا جائے کہ اگلی دفعہ اگر تم غلطی نہیں کرو گے تو کیا کرو گے؟؟؟

مرغی چور اور بخار

2011-06-20T18:05:00.002+02:00

معلوم ہوا کہ شاہ جی کو بخار چڑھا ہوا ہے اور ہزیان میں اول فول بک رہے ہیں، بالے کا خیال تھا کہ چونکہ پچھلے ماہ شاہ جی کو ہلکی کتی نے کاٹا ہے اس لئے شاہ جی کا بخار اب انکو کسی اور طرف ہی لے جانے والا ہے، اور یہ بھی کے انکی خیریت معلوم کرنے والا بھی خطرے سے زیادہ دور نہیں ہوگا، کیا جانے شاہ جی کب کسی کو کاٹ کھائیں، مگر میرا خیال تھا کہ ایسا نہیں ہے ، پرسوں شام کو شاہ جی بھلے چنگے تھے ایک دن میں کون سا طوفان آنے والا ہے۔ ہوگا کوئی معمولی سا بخار۔۔۔ خیر شام کو ہم شاہ جی کے گھر پہنچےجب گرمی کا ذور کم ہوا، شاہ جی ادھر دیوار کے سائے میں گاؤ تکیہ لگائے پڑے تھے ، خیریت دریافت کی تو جواب ملا کہ دو دن گھر میں ابا جی سامنے گزرنے سے سارا خون سوکھ چکا ہے اور یہ کہ منہہ پریہ پپڑی بخار کی وجہ سے نہیں بلکہ ابا جی کی موجودگی کی وجہ سے ہے۔ پھر ادھر ادھر دیکھ کر ہولے سے بولے کہ یہ ککڑی دیکھ رہے ہو کالی، یہ ہماری ہمسائی ماسی باتاں کی ہے پر میں دیکھ رہا ہوں کل سے کہ یہ پکی ہمارے ادھر ہی ہے، چونکہ اس ہفتے کسی کنجر کو ککڑی پکڑنے کی توفیق نہیں ہوئی اسی لیئے مجھے یہ بخار چڑھا ہے اور پھر اس بخار کی وجہ سے کمزوری بھی بہت ہوگئی ہے۔ اس طرح کی تم لو کل صبح دس بجے ادھر سے گزرو جب ابا جی اخبار پڑھنے گئے ہوتے ہیں اور اماں اپنے کام کام مکا کےہمسائیوں کے اور پھر اسکا کچھ کرتے ہیں، اللہ کی قسم لے لو کہ یہ کمزور اب اس ککڑی کے بغیر نہیں جانے والی۔ ہمارا کیا اندھے کو دو آنکھیں بس اگلے دن وقت مقررہ پر پہنچے شاہ جی کا پہلے سے تیار شدہ کمانڈو اپریشن ہوا اور ککڑی بیس منٹ میں ٹوکرے کے اندر شاہ جی نے پکڑی اور ہمارے ہاتھ میں دی اور ہم ادھر ادھر، بارہ بجے تک پک پکا کے کھا پی عوام دریا نہانے پہنچی ہوئی تھی، شاہ جی بھی لمبی لمبی ڈکاریں لیتے ہوئے ہمارے ساتھ دریا میں تیرتے پھر رہے تھے۔ شام کو واپسی ہوئی اور سارے اپنے اپنے گھر کو چلے گئے کہ شام کی نماز مسجد میں پڑھیں گے اور پھر بعد از عشاء تاش کی بازی کا مقام مقرر ہوگا۔ ادھر مسجد کی طرف آئے تو شاہ جی پہلے ہی ادھر باہر کھڑے پائے گئے۔ کیوں شاہ جی آج خیریت کیسے سب سے پہلے؟؟؟ شاہ جی کہنےلگے یار ایک بڑی گڑ بڑ ہوگئی ہے ، میں چونکہ گھر میں کبھی رہا نہیں اور ککڑی دیکھ کر یہی سمجھتا رہا کہ ماسی باتاں کی ہے، مگر وہ ہماری اپنی ہی تھی۔ اب میری اماں گاؤں کے سارے لڑکوں کو یہ بڑی بڑی گالیاں دے رہی ہے کہ وہ ہماری ککڑی چوری کر کے کھا گئے ہیں۔ تم سارے میرے ساتھ چلو اور اماں کے سامنے قسم اٹھاؤ کہ ککڑی تم نے نہیں پکڑی ، تم نے تو پکڑی بھی نہیں، نماز کے بعد ہم گئے تو شاہ جی کی اماں چور کی ماں بہن کو ایک کررہی تھیں کہ ہماری ایک ہی ککڑی تھی جو روزانہ بلا ناغہ انڈہ دیتی تھی۔ ہم نے قسم اٹھائی کہ ماسی ہم ابھی سیدھے مسجد سے نماز باجماعت پڑھ کر آرہے ہیں، ہم نے نہیں پکڑی اور شاہ جی خاموش مسکین صورت بنائے کھڑے تھے کہ کوئی بندہ اپنی ککڑی خود تو چوری نہیں کرتا، شاہ جی کی اماں چور کی ماں کو منہ منہ بھر بھر کر گالیاں دے رہیں تھیں، مگر اپنے آپ کو تو گالیاں نہیں لگتی ناں

چوں چوں کا مربہ

2011-06-06T20:02:00.003+02:00

ہمارے بہت ہی محترم حکیم علی صاحب سے لندن میں تین دن تک تفصیلی ملاقات کی روداد یوں ہے کہ وہ ہمارے میزبان تھے، ایک دن تپے ہوئے یوں روایت کرتے ہیں کہ ، معلوم ہوا ہمارے محلے بیکرز آرم اسٹریٹ کا ایک گورا مسلمان ہوگیا ہے، ہم سب یار لوگ اسکو مبارک دینے گئے مٹھائیاں لیکر، ایک دوسرے کو بھی مبارکاں دیں، کہ لو جی ایک کافر کے منہ سے لگی چھٹ گئی ہے۔ وہ بھی سب کا بشمول ہمارے نہیایت خوشی سے استقبال کررہا تھا، گویا عید کا سماں ہے، ہر بندے کو جپھے پر جپھے پڑ رہے ہیں ، نشست کے دوران ہی میں نے محسوس کیا کہ اسکےلئے ہر کس وناکس ایک عالم جید بنا ہوا ہے، صلاحیں دی جارہی ہیں ، فتوے جاری ہورہے ہیں کہ میاں پانچ وقت کی نماز باوضو ہو کر پڑھنی لازم، ہر ملنے والے کو پہلے سلام کرنا اور ہر سلام کا جواب لازم ، باتھ روم میں یہ یہ کام نہیں ہوسکتا، اور یہ یہ باتھ روم کے باہر نہیں ہوسکتا، ایک صاحب جن کے منہ سے شراب کے بھبھکے آرہے تھے اسے اسلام میں شراب نوشی پر سختی سے ممانت کے احکامات مفصل بیان کررہے تھے، ایک صاحب نے انکو لباس کی بابت شدید لیکچر دیا اور جب وہ اٹھے تو انکی اپنی کمر ننگی ہورہی تھی، ایک صاحب اسے دافع العورات ہونے کے مشورے دےرہے تھے اور اگلے ویک اینڈ پر ہمار ے سامنے ایک پب میں دو گوریوں کو باہوں میں لئے ٹن حالت میں چوم چاٹ رہے تھے۔خیر دن گزرا ایک اور گزرا پھر ایک اور، بات آئی گئی ہوگئی۔۔۔۔۔ ایک دن وہی گورا پھر سب کو مبارکاں دے رہا تھا، کہ لو جی میں فیر عیسائی ہوگیا ہوں، میں حریاں و پریشان اس سے پوچھنے پر مجبور ہوگیا کہ کیوں؟؟ پس وہ پھٹ پڑا کہ میں مسلمان ہوا تھا کہ اچھا اور سادہ مذہب ہے جس میں جبر کوئی نہیں مگر ادھر تو سارا کچھ الٹ ہے، آوے کا آوا ہی بگڑا ہوا ہے۔ مسلمان تو مجھے ملے ہی کوئی نہیں، کوئی سنی ہے تو کوئی شیعہ ، کوئی وہابی تو کوئی مرزئی، کوئی منہاجی تو کوئی مدنی، کوئی شافعی تو کوئی مالکی۔ کوئی کوفی تو کوئی صوفی۔ مگر مسلمان ؟؟؟؟؟؟ سود کھانے کو سارے تیار ہیں ، مگر سور کھانے کو کوئی بھی نہیں، حالانکہ دونوں حرام بلکہ اول الزکر بلکل ہی حرام ہے۔ غیبت اور جھوٹ ہر بندہ فرض سمجھ کر دن بھر استعمال کرتا ہے، وضو کرنا صفائی کےلئے مگر وضو کی جگہ نہیایت گندی اور کراہت سے بھرپور۔ نماز اللہ کی مگر دھیان بندوں کی طرف ، مسجد میں نماز باجماعت تاکہ تمجھارا پیار و اتفاق بڑھے مگر کیا ہے کہ یہ مولوی صاحب اس کے ساتھ کھڑے ہوکر نماز پڑھنے کو تیار نہیں ہیں۔ اللہ کی منت کم اور پیروں کی منتیں زیادہ، اللہ سے کم ڈرنا اور مولوی سے زیادہ۔ اس طرح اٹھو اور اس طرح بیٹو، یہ پیو اور یہ نہ کھاؤْ۔۔ یہ تو سارا چوں چوں کا مربہ ہی ہے یہ سب دیکھ کر میں اس نتیجہ پر پہنچا ہوں کہ اگر یہی کچھ کرنا ہے تو پھر مجھے مسلمان ہونے میں کیا حاصل؟؟

چاروں سوار

2011-06-04T22:28:00.002+02:00

امریکہ کے چار بندے بلکہ بندہ صاحبان و جنابان کو پاکستانی پولیس نے شہری علاقہ میں پورادن آوارہ کردی کرنے کے بعد روک لیا، کوئی چالیس منٹ کے بعد انہوں نے نہ تو کوئی تلاشی دی اور نہ ہی اپنی شناخت کروائی، بعد ازاں بقول ایک عدد پولسے عرف عام چھلڑ کے ان کے پاس چونکہ امریکن پاسپورٹ تھے اور باقاعدہ ویزے لگے تھے۔ لہذا انکو چھوڑ دیا گیا ہے میں سوال کرتا ہوں کہ امریکہ پاسپورٹ ہونا اور اس پر پاکستانی ویزہ کا ہونا ، انکو ہر قانون سے بالاترکرنے کو کافی ہےّ؟؟؟ کیا لازم نہ تھا کہ انکی اور انکی گاڑی کی تلاشی لی جاتی؟؟؟ ان سے سارے دن کی آوارہ گردی کے بارے میں تفتیش کی جاتی؟؟؟ ہوسکتا ہے کہ انکی گاڑی سے اسامہ بن لادن ہی نکل آتا؟؟؟ ہوسکتا ہے اس گاڑی سے کوئی امریکن پالتو خود کش بممبار نکلتا؟؟؟؟ ہوسکتا ہے کہ اس میں سے 6 من چرس نکلتی؟؟؟؟ ہمارے اگر وزیر صاحب بھی ادھر جائیں تو انکے جوتے بھی اسکین بھی ہوتے ہیں۔ کیا اچھا نہیں کہ یہ ملک ویسے ہی امریکہ کے حوالے کردیں کم سے کم فضول میں ذردواریوں، گیالانیوں ، کیانیوں، اور تتے پانیوں سے تو جان چھوٹے

تیرواں نشان حیدر

2011-05-25T23:11:00.004+02:00

پنجابی زبان بہت ہی قدیم اور تلخ ہے بندے کے سر میں اینٹ مارنے کے بعد ہنس کے کہہ دیا جاتا ہے پاہیو اسیں تے مزاک کررہے سی۔ کر لو گل۔ یہ کیسے ہے سکتا کہ بندہ جہلم میں پیدا ہو اور فوج کے معاملات سے دور رہے جائے، ہمارے ادھر ہر دوسرا بندہ فوج کا موجودہ یا سابق یاپھر ہونے وال سروس مین ہے۔ مطلب انہوں جی ایچ کیو ادھر پنڈی میں بنا کر غلطی کی ہے کہ بھی ادھر جہلم میں ہوتا تو سارے جی رات کو گھر آرام فرماتے۔ مگر خیر۔ آرام تو وہ اب بھی کررہے ہیں، جہاں بھی افسر ہو اسکو آرام تو ملتا ہی ہے۔ اسکول کے زمانے سے ہی کتابوں میں نشان حیدر کہ بارے میں اتنا کچھ پڑھ چکے تھے پھر گھر میں چچاجان اپنی بقول انکے اپنے پی لیو پر آتے تو دو ماہ میں تمغہ بصالت سے لیکر نشان حیدر تک سارے مردان غازیان اور شہیدگان کے نام بمعہ جملہ کارنامہ جات زبانی ازبر کرواجاتے۔ پھر تاریخی کتاباں پڑھ پڑھ کر اپنے آپ کو کم از کم تاریخ اسلام یعنی اسلامی جنگجوؤں کا عالم سمجھتے اور دوسروں کو اس پر قائل کرتے رہے۔ پھر جان پھنسی شکنجے اندر اور فکرمعاش نے سب کچھ بھلا دیا، یہ کتاب اور وہ کتاب اس موضوع پر ریسرچ اس پرمسائل کا تازہ ترین حل۔ مگر یہ فوجی ہیرو کبھی کبھی آکر رات کو دماغ میں ٹھونگے مارتے ہی رہتے اور ساتھ میں ہمارے بزدل اور کم عقل ہونے پر قہقہے بھی لگاتے۔۔۔۔ کہ دیکھو کونسا بندے مارنے والے پیشہ اس نے اختیار کرلیا ہے اور مرنے کے فوائید اور شہید ہونے کے ثواب کو اسلامی کتابوں میں ہی پڑھ پڑھ کر خوش ہوتا ہے۔ خیر دل کے پھھولے جلاتےر ہے مگر بقو ل ابے اب کے ہوئے کا کیا ہوت جب کھوتے چگ گئے کھیت۔ چڑیوں والا محاورہ صیح نہیں ہے۔ جملہ احباب آئندہ سے کھوتے ہی چگایا کریں اور کوشش کر کے محاورے غلت نہ بولا کرٰیں۔ کارگل کی جنگ کے ہیروز کو تمغہ جات کی تقسیم کے بارے میں ہم چپ رہے کہ ہمیں نہیں بھی ملا تو خیر ہےکہ ہماری حیات مبارکہ میں یہ پہلی تقسیم تھی۔ مگر اب کے ہم چپ رہنے کو نہیں ، سنا ہے کہ باباجی حاکم علی ذرداری یعنی کہ جناب والد گرامی حضور صدر پاکستان و پیپلز پارٹی و قبلہ دادا حضوور جناب بلاول ذرداری پہلے و بعد ازاں بلاول بھٹؤ ذرداری پکے چیئرمین پی پی پی پی پی مطلب پکی پکائی پانڈہ پھوڑ پارٹی و سسر مبارک مندجنابہ بے نظیر بھٹو مرحومہ و شہید شہدہ کو اس لیئے نشان حیدر دیا جارہا ہے کہ وہ اللہ آئی سے عین اسی دن بقول ہماری باجی جاناں کے اسی دن فوت فرما گئے تھے جس دن کراچی پی این ایس پر حملہ ہوا اور سست گاؤں والوں کو ۔۔۔۔۔۔۔۔ لٹ کر لے گے۔ ( نوٹ جو ان نکات کا مطلب جان گیا ہے وہ دوسروں کو کان میں بتادیے) ۔ یہ بلاول بھٹؤ زرداری کے بارے میں یاد آیا کہ عربی زبان میں اگر کسی کو گالی دینا ہو تو اس کو ابن امی کہ کرپکارتے اور اسکی ہتک کرتے ہیں مطلب اس کے والد گرامی کا صحیح اندازہ لگانے کےلئےڈی این ایے ٹیسٹ کی ضرورت ہے۔ اٹلی میں بھی سرنیم باپ کا ہی لیا جاتا ہے البتہ اگر با پ کا معاملہ شک و شہبہ میں مبتلا ہو تو ہی ماں کا سر نیم دیا جاتے ہے۔ بلاول بھٹو ذرداری کے نام نامی کے بارے بندہ صحیح اندازہ لگانے سے قاصر ہے۔ یعنی کہ سوچ سوچ کر مت ہی ماری گئی ہے۔ وزیر اعظم جناب سیدیوسف رہ گیر گیلانی جنکے کچھ رشتہ دار قریشی اور باقی میانے کہلاوت ہونگے نے صدر پاکستان عرف صدر بی بی شہید کروا پارٹی کو اس نشان حیدر کی سفارش کردی ہے۔ تو جناب قاریئن آپ سے التماس ہے کہ آپ میں سے کل کلاں کوئی وزیر اعظم کے عہدے پر فائز ہوجائے، پریشان ہونے کی ضرورت نہیں ہے غلطی سے کچھ بھی ہوسکتا ہے ( یہاں تک کہ ساتھ اور دو گیا رہ ہوسکتے ہیں، آپ وزیر اعظم بن سکتے ہیں اور بندہ کو تیرواں نشان حیدر مل سکتا ہے، بقول غالب دل بہلانے کو یہ خیال اچھا ہے۔) تو وہ کسی بھی جگہ ہونے والے بم دھماکے سے ایک دن پہلے بندہ کو اطلا ع کردیں تاکہ ہم موقع کی مناسب سے فوت فرما کر نشان حیدر حاصل کرلے اور یاد رہے کہ یہ تیرواں نشان حیدر ہوگا۔ بیچ کے نمبروں کی گنجائیش حفظ ماتقدم کےطور پر بہت سوچ بچار کرکے رکھی گئی ہے۔ یاد رہے کہ بندہ کو صرف نشان حیدر سے دلچسپی اسکے ساتھ ملنے والی لمبی رقوم اور مربعوں سے، باقی بندوق وردی، جھنڈا تو ہماری لحد مبارک پر رکھ دیے جائیں گے اور ڈنڈا کے آپ کو دینے بارے اسی دن یعنی کہ قبل از مرگ وصیت کردی جائے گی بقلم خود تاکہ سند رہے اور بوقت ضرورت کام آئے ۔ کون جانے کل کلا ں آپ کو ہی کوئی پوچھ بیٹھے کہ میں یہ ڈنڈا آپ کو کس نے دیا ہے؟

پہلا سفر

2011-05-03T00:15:00.003+02:00

شاہ جی کا خیال تھا کہ پیدل چل کر تین سو بچائے جاسکتے مگر داؤد بلکل راضی نہ تھا، اس کے خیال میں شاہ جی صرف اور صرف کنجوس ہیں اور کچھ بھی نہیں، میں البتہ شاہ جی کے ساتھ متفق تھا کہ ناران سے سیف الملوک جیپ پر جانے میں نہ صرف پیسے خرچ ہونگے بلکہ راستے کے بہت سے نظاروں سبھی محظوظ ہونے سے رہ جائیں گے، صابر کا خیال تھا کہ ہم دونوں غلط ہیں مگر وہ جو کڑیوں کی ٹولی ہے اگر وہ پیدل جائے تو ہم بھی پیدل اور اگر وہ جیپ پر جائے تو ہمارا جیپ پر جانا ہی لازم ٹھہرا، پس اسی بات پر داؤد کا بھی اتفاق ہے اور کہ وہ ہم سب کو کنجوسوں میں اور کھتریوں میں شامل کرتا ہوا چل پڑا، ظلم یہ ہوا کہ آدھ گھنٹا پیدل چلنے کے بعد ہم کڑیوں کے ٹولے سے آگے نکل گئے تھے اور صابر کی راہنمائی میں انکا انتظار کرنے لگے ایک پتھر پر بیٹھے، میں اور شاہ جی ادھر ایک چٹان پر لپک کرجھیل سے گرنے والے شور مچاتے دریا کو اپنے پرانے سے یوشیکا کے اندر بند کرنے کی احمقانہ کوشش کرنے لگے، داؤد کسی بکروال کے ساتھ گپیں ہانکنے لگا، اور صابرکڑیوں کے اس دریائے کنہار کی طرح کھنکھناتے ہوئے ٹولے کا انتطار کرنے لگا، کافی وقت گزرا تو شاہ جی کو فکر ہوا کہ لڑکیاں کدھر گئیں اور پر تشویش انداز میں صابر سے پوچھنے اوپر چلے گئے تو معلوم ہے کہ وہ تو نیچے سے جیپ میں بیٹھ چلی گئی ہیں، پس داؤد اور صابر کی وہی پرانی کتا کھائی چل پڑی کہ میں نے تجھے کہا تھا مگر تم یہ اور کہ میں وہ میں سفرکٹتا گیا اور اوپر جاکر معلوم ہے کہ لینڈ سلائیڈنگ کی وجہ سے جیپ ادھر تک ہی جا سکتی ہے اور اسکے بعد کڑیوں کو پیدل ہی جانا ہوگا، اب پھر صابر کی باچھیں کھل گئیں اور اس کے منہ سے رالیں ٹپکتی ہوئی صاف دکھ رہی تھیں، ابھی جاری ہے۔

باپ ہونے کا ٹیسٹ

2011-03-28T09:00:00.001+02:00

یہ ایک اٹالین ویب سایئٹ ہے جو باپ ہونےکے ٹیسٹ کو آفر کررہی ہے، کہ اگر آپ کو اپنے بچے کا باپ ہونا مانگتا ہے تو مڑا ادھر کو آؤ ڈی این آے کا ٹشٹ پاس کرو اور لازم ہے کہ انہیں پیسے بھی دو، پھر باپ کہلاؤ، بھائی اسکے بعد ہی کہلوایا جاسکے گا۔ اسلام نے اس بارے میں چودہ سو برس قبل ترتیب واضع کردی تھی کہ میں چار شادیاں کرلو مگر شادی سے باہر پنگے مت لو، طلاق کو آسان کردیا گیا، بیوہ کا پھر سے شادی کرنا برحق، مگر تاکا جانکی کرنے والے اور ادھر ادھر منہ مارنے والی اور والے کو پھنیٹی ، کسی صورت اجازت نہیں، یعنی کہ مشتری ہوشیار باش، مگر نہیں چونکہ ہم اس نئی صدی میں پیدا ہونے والی روشنی کی نئی کرن ہیں تو ہمیں مذہب جیسی وقیانوسی باتوں سے کیا لینا اور کیا دینا، ہم تو ٹھہرے ماڈرن لوگ بھئی پرانے وقتوں کی باتیں ہمیں ایک آنکھ نہیں بہاتییں۔ مگر پھر دل میں ایک انجانا سا خوف ہے کہ اگر کسی کا ٹیسٹ نیگیٹو نکل آیا تو اس پر کیا بیتے گی؟؟؟ اسکا حل یورپ والوں نے تو یوں دیا ہے کہ بچہ کی پیدائیش پر اگر ماں اسکے باپ کا نام نہ بھی بتانا چاہے تو صر ف آپ نام لکھوا سکتی ہے کہ اس کی باپ بھی وہی ہے۔ ممکن میں پاکستان ابھی تک کسی نے ایسی صورت حال کے بارے نہ سوچا ہو تو ہو جائیے ہوشیار ۔۔۔۔ ہاں پھر خیال آتا ہے کہ اگر ماں کے نام سے ہی ہرجگہ کام چل جاتا تو پھر اس ٹیسٹ کو بیچنے کا لفڑا کرنے کی کیا ضرورت تھی؟؟؟ مطلب دال میں کچھ کالا ہے جی بلکل ہے ۔ تو صاحب پھر ذرا بچ کہ

لیبیا پر حملہ، جنگ ابھی جاری ہے

2011-03-21T00:29:00.002+01:00

افغانستان کےبعد عراق حملہ ہوتا ہے اور اسے دوران پاکستان کے قبائلی علاقوں میں ڈرون حملے تسلسل کے ساتھ جاری رہتے ہیں۔ بش کے بعد اسکا پیش رو اوباہامہ تخت نشین ہوتا ہے مگر پروگرام جاری ہے، تیونس کے ساتھ مصر سے شروع ہونے والی ہنگامہ آرائی تیل پیداکرنے والے سارے ممالک کو اپنی لپیٹ میں لے لیتی ہے۔ صدام کی طرح قزافی کو بھی ڈکٹیٹر قرار دیا جاتا ہے اور ساتھ ہی ادھر بھی عراق کی طرح کیمیائی ہتھیاروں کی موجودگی کے شہبہ کا اعلان کرکے اپنے جنگی جنون کو درست ثابت کرنے کی کوشش کی جارہی ہے۔ میں اپنے آپ سے بطور تاریخ کے ایک طالبعلم یہ سوال کرتا ہوں کہ کیا ہم پھر سے صلیبی جنگوں میں نہیں گھرے ہوئے؟؟؟ کشمیر میں ہونے والا ستم کبھی امریکہ بہادر اور فرانس و اٹلی کو دکھائی نہیں دیا نہ ہی اسرائیل کا فلسطین پر قبضہ اور لبنان پر حملہ نظر نہ آیا، امریکہ اپنی حفاظت میں افغانستان پر حملہ کرسکتا ہے اور ایران کو دھمکیاں دے سکتا ہے لبیا پر عوام کو فوجی ستم سے بچانے کےلئے جا سکتا ہے اور فلسطین کے حق میں پیش ہونے والی قرارداد کو ویٹو کردیتا ہے۔ عالمی مچھندروں کا یہ دھرا معیار ہمیں بھی تو دیکھنا ہوگا، اس بارے بات توکرنی ہوگی نہیں تو دل میں برا ضرور جاننا ہوگا کہ یہ ایمان کا آخری درجہ ہے

پاکیستانی مچھندر

2011-03-18T23:17:00.001+01:00

نجابی زبان میں اکڑ بکڑ بمبا بو کا مطلب کسی کو بھی معلوم نہیں نہ پنجابی بولنے والوں کو اور نہ اکڑ بکڑ پڑھنے والوں کو، چوہدری ریمنڈ گرفتار ہوا، تو ملک میں افراتفری آزاد ہوا تو بھی، سیاست کرنے والے سیاست کرتے رہے اور جان چھڑانے والے جان چھڑاتے رہے، ملک ہے کہ آج ہے کہ نہیں ہے مگر عوام کو سڑکوں پر لانا اور ہڑتالیں کروانا ہمیشہ ہی کسی نہ کسی کا من پسند کھیل رہا ہے۔ جہمھوریت صرف اسی کےلئے ہے جو حکومت میں ہے اور جو حکومت سے باہر ہے اسکے بدترین آمریت ہے مگر ، یہ سارے قضئے اس وقت تک ہیں جب تک ملک باقی ہے۔ دنیا ساری میں جاسوس پکڑے جاتے ہیں اور چھوڑے بھی جاتے ہیں مگر اس کا مطلب یہ تو نہیں کہ ملک ہی داؤ پر لگادو، ملک میں اتنا رولا ڈال دو کہ اسکا ستیاناس ہی ہوجائے۔ میں تو کہتا ہوں کہ ملک کا ستیاناس کرنے کو یہ ذرداری کافی نہیں ہے جو اس کھیت میں عمران خان اور جماعت سلامی والے بھی سلامی لینے کو کود پڑے رہی رہ ایم کیو ایم تو وہ تو متحدہ قومی مرڈر کے پروگرام پر چل رہی ہے۔ آخر کو ادھر ہم ادھر تم کا نعرہ لگا لے گی۔ نواز شریف نے اس پردرد موقع پر خود کو در دل میں مبتلا کرلیا۔ پس تجربہ سے ثابت ہوا کہ ہر موقع کی طرح اس بار بھی ملک صرف عوام کی ذمہ داری ہے۔ اس کا بچانا اسے سنوارنا اور آگے لے کر جانا جہاں یہ اسلام کا قلعہ بن سکے اگر سب کچھ مچھندروں پر چھوڑا تو پھر بجلی پانی تیل کچھ بھی تو نہیں بچا ملک میں رہا سہا ایک نام ہے اسکو مچھندروں سے بچا لو بچا لو بچالو

جنگی جرائم اور عالمی ضمیر

2011-03-04T02:56:00.000+01:00

تیونس اور مصر کے بعد مشرق وسطٰی اور شمالی افریقہ کے اکثر ممالک اندرونی شورش کا شکار ہیں، جن میں سے لیبیا اور بحرین کے اندر تو باقاعدہ خانہ جنگی کی حالت ہے۔ میں ایک عام آدمی کی نظر سے ٹی وی دیکھتے ہوئے یہ سوچتا ہوں کہ کہیں ایسا تو نہیں ہے کہ یہ سب کچھ کسی بین الاقوامی شازش کا نتیجہ ہوِ جیسا کہ گزشتہ اتنخابات کے بعد ایران میں ہونے والے مظاہرے جن پر پوری مغربی دنیا ٹینشن لے گئی تھی اور پھر تہران میں برطانوی ایمبیسی کے درجن بھر اہلکاروں کی گرفتاری کی خبر آئی اور سب کچھ جہاں پر تھا اور جیسے تھا ایسے ہی ختم ہوگیا۔ جیسے ریمنڈ صاحب کی گرفتاری کے بعد سے پاکستان بھر میں خود کشی کے واقعات میں حیران کن کمی آگئی۔ امریکہ بہادر اور سلامتی کونسل صاحب کو کشمیر، فلسطین، لبنان عراق، افغانستان میں ہونے والے جنگی جرائم تو نظر انداز نہیں آرہے مگر قزافی کے خلاف جنگی جرائم کی تحقیقات ہونے کی باتیں بہت زور و شور سے ہورہی ہیں، یورپین یونین لے پالک کی طرح اس میں پوری طرح ہاں میں ہاں ملا رہی ہے، میں قذافی کے حق میں نہیں ہوں اور اس بات سے متفق ہوں کہ لیبیا میں انسانی حقوق کی پامالی بند ہونی چاہیے اور وہ بھی فی الفور، مگر اسکی قیمت لیبیا کی قومی آزادی نہ ہو۔ ایک عام آدمی سوالاٹھاتا ہے کہ کیا عراق اور افغانستان میں جنگی جرائم نہیں ہوئے؟ انکی تحقیقات کس نے کیں؟ پاکستان کے شمالی علاقہ جات میں ہونے والے ڈرون حملوں میں بے گناہوں کا مرنا کیا جنگی جرائم میں نہیں آتا؟ کیا اسرائیل کا فلسطین اور لبنان پر بار بار حملے کرنا اور شہری آبادیوں پر بمباری کرنا جنگی جرائم میں نہیں آتا؟ کیا کشمیر ی عوام پر جاری مسلسل تشدد جنگی جرم نہیں ہے؟ امریکہ اسرائیل کے خلاف سلامتی کونسل قرارداد کو ویٹو کرے تو اسے جنگی جرم کیوں نہ کہا جائے؟ جواب ہے کہ چونکہ ان سارے خطوں میں امریکہ بہادر کو بلاواسطہ یا بلواسطہ فائدہ ہے لہذا یہ سارے سوالات اٹھانا گناہ عظیم ہےاس ضمن میں میرے اس مضمون اور اس جیسے دیگر مضامین پر سلامتی کونسل کی جانب سے اگر پابندیاں لگ جائیں تو عین حق بات ہے۔ آج کے عالمی ضمیر کے مطابق سچ اور حق صرف وہی ہے جس سے عالمی چوہدریز کو فائدہ ہے اور اگر کوئی صرف اپنے مفاد کی بات کرے تو لازم ہے کہ وہ اپنا منہ بند رکھے۔

تین سو یورو اور تین بندے

2011-02-19T00:11:00.003+01:00

تین سو یورو اور تین بندے روم ایمبیسی میں پاسپورٹ کی تجدید کی درخواست معمول کےمطابق جمع کروا کر سوچا کہ اب آئے بھی ہیں توایک صاحب جاننے والے ادھر فائیز ہیں انکے دیدار ہی کرتے چلیں، ڈاکٹر سمیر صاحب کہ ہمیشہ کی طرح جلدی میں تھے کے شدید اصرار کے باوجود اندر پیغام بھجوادیا، اور ہمیں انتظار کرنے کا کہاگیا، خیر سے دس منٹ ایک گھنٹہ اور پھر ڈیڑھ گھنٹہ کے بعد بقول کھلتے کھلتے افسرکھلا کے مصداق موصوف قریشی صاحب نمودار ہوئے کہ اہو لو جی کرلو گل میں ذرا اٹالینز کے ساتھ میٹنگ میں تھا اس لئے دیر ہوگئی، یہ پہلی چکری، یعنی چھوٹا چکر، اپنے دفتر میں لے گئے، خیریت دریافت ہوئی، چائے کا آرڈر دیا گیا اور پھر فرمانے لگے کہ ادھر رہنے کےلئے ضروری ہے کہ آپ اٹالین سیکھیں کہ روزمرہ کی ضرورت ہے میں نے انکو بتایا کہ صاحب میں تو عرصہ سے سکھلا رہا ہوں، فرمانے لگے کہ تو پھر ہمیں بھی سکھلا دیں، اب کے مکری، ہم حیرت زدہ تھے کہ یہ بندہ ایمبیسی میں روم کے اندر تعینات کردیا گیا ہے اور اس کو اٹالین نہیں آتی، خیر تعجب نہیں ہوا کہ یہ صاحب نہ تو اولین میں سے ہیں اور نہ ہی آخرین میں سے ، کہ انکے سابقین بھی صرف انگریزی سے اپنا کام چلاتے رہے ہیں اور چلا رہے ہیں جبکہ برطانوی اور امریکی سفارتخانوں کا عملہ اٹالین بولتا ہے، اٹالین تو درکنار اردو، پنجابی پشتو تک بولتے ہیں اپنے میاں ریمنڈ لاہور والے کی مثال ہی لیجئے۔ افسرانہ انداز میں ارشاد ہوا کہ ہمارے لائق کوئی خدمت، میں نے عرض کیا کہ دیرینہ مطالبہ ہے کہ میلان میں ڈیجیٹل پاسپورٹ شروع کروادیں کہ سارے پاکستانی تو شمال میں ہیں ان کو سہولت ہو جائے گی، روم کا چھ سو کلومیٹر کا سفر کرنے سے بچ جائیں گے ، تو حضرت یوں گویا ہوئے کہ منصوبہ پاس ہو چکا ہے مگر ابھی وقت لگے گا یہاں پر ایک ہزار یورو کی خریداری کرنی پڑ جائے تو اس کا بل پاس نہیں ہوتا، وغیرہ وغیرہ۔ مکری کیوں کہ ڈیجیٹل پاسپورٹ کے نام پر کون سی توپ چلانی ہوتی ہے، ایک ڈیٹا انٹری کا کمپوٹر، ایک فنگر اسکینر اور ڈیجیٹل کیمرہ ، بس ہوگیا شروع کام۔ اتنا تو ہم تین بندے روم جانے آنے میں خرچ کر چکےہیں اگر ہمیں ہی کہتے تو ان پیسےسے ہی کام چل سکتا تھا کہ ہم نے وہ پیسے سفر کی مد میں بھی تو خرچ کرہی دیے اور منافع کے طور پر 1200 کلو میٹر گاڑی بھی چلائی، پندرہ منٹ کے کام کےلئے اگر یہ پیسے ہماری جیب میں رہتے تو دو ہی مصرف تھے یا پاکستان جاتے یا اپنی جیب میں رہتے اور جب جاتے تو خود سے ساتھ لے جاتے، کون جانے ہر روز کتنے لوگ روم جانے میں دو تین سو یورو کا نقصان کرلیتے ہیں، مگر یہ تو کچھ بھی نہیں ہم تو تین بندے مروا کر بھی اس سوچ میں ہیں کہ ریمنڈ کو سفارتی تحفظ حاصل ہے کہ نہیں۔ تین سو یورو تو کچھ بھی نہیں

مایا کا ہاتھ نہ آنا

2011-02-15T00:36:00.006+01:00

میری دوست لوچیانا کا خیال تھا کہ اگر ہم لندن گے اور مایا کا سر نہ دیکھا تو پھر کیا دیکھا اور یہ کہ ایک دفعہ دیکھا تو پھر دیکھتے ہی رہ جاؤ کے اور یہ بھی کہ یہ کسی پرانے خناس قسم کے جادو گر کا ہے جو مرکربھی آپ کے حواس پر چھا جاتا ہے۔ مجھے خود بھی مایا سے بہت لگاؤ ہے، بس جی چاہتا ہے کہ بہت سی مایا جمع ہو، پھر کچھ ہو یا نہ ہو۔ یوری اور میں خیر سے برٹش میوزیم کے سارے حصوں کا فوری دورہ کرکے جب جنوبی امریکہ کے حصہ میں پہنچے جہاں پر مایا صاحب کا ایک عدد سر موجود تھا تو معلوم ہوا کہ یہ حصہ تو دوپہر کے وقفہ کے سلسلہ میں بند ہے اور تین بجے دوبارہ کھلے گا، شام سات بجے ہماری فلایئٹ کا وقت مقرر تھا اور قائدہ کے مطابق پانچ بجے ادھر سٹین سٹیڈ کے ائرپورٹ پر ہونا چاہئے تھا مطلب ہمارے پاس صرف دو گھنٹے کا وقت تھا کہ ہم نے اسی میں برٹش میوزیم سے والتھم اسٹو پہنچ کر ہوٹل سے اپنا سامان لینا تھا اور پھر وکٹوریہ سے ٹرین پکڑنی تھی۔ خیر دو گھنٹے انتظارکرنا تھا، اس دوران سوچا کہ چلو مصر کے حصہ میں توتن کامن صاحب کے سونے کے ماسک کی ہی زیارت کرلیتے ہیں کہ اتنا سونا ایک ساتھ اور ایک چھت تلے شاید ہے کہیں اور دیکھنا نصیب ہو ، معلوم ہوا کہ ماسک صاحب کو دو ہفتہ قبل مصر کے قائرہ میوزیم میں روانہ کردیا گیا ہے۔ یعنی جہاں کی خاک وہیں کو لوٹی۔ بقول یوری بہت افسوس ہوا اپنے اوپر کہ ہم دو ہفتے پہلے کیوں نہ آئے اور میوزیم والوں پر بھی کہ انہوں نے ماسک کی واپسی جہاں انہوں نے کئی دھائیاں روکے رکھی ہمارا بھی انتظار کرلیتے تو کون سی قیامت برپا ہوجاتی، اس موقع پر ہمیں گورا صاحب کی بے بسی دیکھائی دی کہ دنیا بھر کی جدید ترین ٹیکنالوجی کے استعمال کے باوجود ہماری آمد سے باخبر نہ تھے۔ پھر کیا تھا بھاگم بھاگ مایا صاحب کی طرف لوٹے تو وہاں پر ایک کالی کلوٹی افریقن بیٹھی تھی پہرے پر شاید انکو شک تھا کہ ہم اس کھوپڑی کو چرا کرآلہ دین کے چراغ کی طرح رگڑتے پھریں گے، حالانکہ ہمارے جی میں ایسی کوئی بات نہ تھی، مایا صاحب کی العمروف کھوپڑی کی تلاش شروع ہوئی، ہم کسی جانب مایا جی کو نہ پا کر اس سے پوچھے بغیر نہ رہ سکے، خاتون نہیایت درشت لہجےمیں بولی بلکہ دھاڑی کہ تمھیں معلوم نہیں کہ مایا صاحب کا ایک دانت خراب ہوگیا تھا اور اسی کی مرمت کےسلسلہ میں دو دنوں کےلئے ہسپتال میں داخل ہیں۔ پس اگلے ہفتے آؤ، چونکہ اگلے ہفتے تو درکنار اگلے گھنٹے آنا بھی ممکن نہ تھا، پس ہوگئی بقول لیاقت بھائی کے پھڑلو پھڑلو ، ہم بھاگم بھاگ والتھم اسٹو اور پھر وہاں سے ائیرپورٹ کو کیسے پہنچے ہمیں خود بھی معلوم نہیں، البتہ جب رائین ائر کے جہاز میں اعلان ہو اکہ اپنی سیٹ بیلٹ باندھ لو میں کہ اب تو ہوا کے دوش چلے تو یقین ہوا کہ ملاتو کچھ بھی نہیں مگر ہاتھ سے بھی کچھ نہیں گیا۔ نتیجہ مایا کم ہی کسی کے ہاتھ آتی یا آتا ہے چاہے وہ اردو کی ہو یا ساؤتھ امریکہ والی ہو۔

ہمت مرداں

2011-02-06T00:24:00.002+01:00

مصر میں ہمارے ہم مذہب اس بات پر مصر ہیں کہ انکے صدر مبارک انکےلئے مضرہیں، گو اس سارے قضیہ میں امریکہ بہادر کی کوئی غلطی نہیں مگر پھر بھی کچھ عناصر اسے بھی امریکہ کے کھاتے میں ڈال رہے ہیں، کیوں یہ تو وہ ہی بتلا سکتے ہیں آج شام کو گزرتے ہوئے زاہد صاحب کہ صرف نام کے ہیں سے ملاقات ہوگئے میں نے گاڑی کی کھڑکی کھول کر احوال دریافت کیا تو فرمانے لگے کہ میاں کیا بتلاؤں کہ امریکہ بہادر کی مہربانیوں سے ادھر مصر، اردن لبنان میں پنگا پڑا ہوا ہے۔ اب امریکہ بہادر کو اور کوئی راستہ نہیں مل رہا اور القائدہ کے خلاف بے قائدہ جنگ کو بھوت بھی غائیب ہورہا ہے۔ لہذا یہ مصیبت اسلامی ممالک پر افتاد کردی گئی ہے۔ قسم سے یہ بلکل وہ صورت حال ہے اور احتجاج ہے جو ایران میں پس از الیکشن ہوا تھا، اور تھمنے کا نام ہی نہیں لے رہا تھا پھر کیاہو ؟ یہ کہ برطانوی سفارت خانےکے کم و بیش ایک درجن ایرانی ملازمین گرفتار اور قضیہ ختم ہوا، لوگ بھاگ اپنے اپنے گھروں کو گھر گھرستی کےلیے چل دیے۔ ستم یہ ہے کہ ان دنوں میں اس طرح کی بنیاد پرست حکومت صرف ایران میں ہی ہےجو یورپی سفارت خانوں کے ملازمین کو انکے ناجائز معاملات پر بازپرش کرسکتی ہے۔ ورنہ تو سارے حکومت پاکستان کی طرح ایک بندہ پکڑلیا ہے اور اسی بارے میں معافیاں مانگ رہے ہیں کہ جناب غلطی ہوگئی، اوریہ کہ یہ تو سارا پنجاب حکومت کا پنگا ہے اور پھر عدالتوں کا کیا دھرا ہے۔ انہیں ہی فیصلہ کرنا ہے ، ورنہ ہمارا کیا ہم تو آپ کے غلام ہیں آج پنجاب کی حکومت تڑوادیں عدالتیں اپنے ہاتھ میں دے دیں اور بس پھر دیکھں۔۔۔۔۔۔۔۔۔۔۔۔ اور کیا لکھوں آگے آپ خود ہی سیانے ہیں

2010-10-27T13:05:00.000+02:00

حکایت ہے کہ ایک آدمی کو غم سے نڈھال روتے دیکھ کر فقیر نے پوچھا کہ میاں کیوں رو رہے ہو؟ اس نے بتایا کہ میری ماں مرگئی ہے۔ فقیر بولا غم نہ کر پرسوں میری ہانڈی ٹوٹی مگر میں نے بھی صبر ہی کیا تھا تو بھی صبر ہی کر۔ آج پاؤل مرگیا، جسکا تھا اسے غم تو لازم ہوگا مگر بقول فقیر صبر کرے کہ 4 برس قبل ہماری ماں مری تو ہم نے بھی صبر ہی کیا تھا۔ آخر ک...ار

دوسری پاکستانی عورت بھی قتل

2010-10-04T18:26:00.002+02:00

اٹلی کے شہرمودنہ میں ضلع گجرات سے تعلق رکھنے والی ایک فیملی کا خاتمہ ہوا، یوں کہ بیٹی کے رشتہ کے تناظر میں صاحب صاحب خانہ نے اپنی بیوی کو ماردیا اور بیٹی شدید زخمی حالت میں ہسپتال پہنچ گئی ، اس سارے قضیہ میں انکے بڑا بیٹا جسکی عمر تقریباُ 19 برس تھی وہ بھی اپنے اباجی کے ساتھ شامل تھا۔ اٹالین اخبارات نے حناسلیم کو فوراُ بعد حوالہ دیا کہ اس سے اس کے قتل کی یاد تازہ ہوگئی ہے، اس فیملی کے اٹھارہ برس سے کم کے اور 3 بچے ہیں۔ خیر سے جو ہو ا سو ہوا مٹی پاؤ، مگر بھائی جی مرنے والی تو مرگئی، مارنے والاسزا پاگیااور رہے گا جیل میں عمر بھر، سوال ہے کہ ان بچوں کا کیا مستقبل ہوگاجن کی ماں ماردی گئی اور باپ جیل کی سلاخوں کے پیچھے چلا گیا، بھائی ماں کے قتل میں ملوث ہے تو بہن اس سارے قضئے کی وجہ ہے۔ صبح سے کئ مقامی لوگ فون کرکے پوچھ چکے ہیں کہ یہ تم لوگ کیا کررہے ہو۔ ایک اور بڑا مسئلہ ہےکہ اگر ایک اٹالین نے اپنی ماں کو گولی ماردی تو ایک خاندان کا کرائسس ہوا، اور ایک پاکستانی نے اپنی بیوی کو قتل کردیا تو سارے پاکستانیوں کو مؤرد الزام ٹھہرایا گیا۔ گویا اٹالین نے وہ حکم پڑھ لیا ہے کہ ایک انسان کو قتل کرنا ساری انسانیت کو قتل کرنے کے برابر ہے۔ کیا یہ صرف اہل مشرق پر ہی لاگو ہوتا ہے ؟؟؟

خیبر پاس

2010-09-24T18:21:00.002+02:00

بلا مبالغہ صبح جب اپنےآفس میں پہنچا تو مقامی صحافی آنا دیموریٹا آ نمودار ہوئی، ہاتھ میں ایک سرخ لفافہ پکڑے ہوئے، کہ یہ خیبر پاس کے عنوان سے ایک کتاب ہے جسکا میں نے تم سے وعدہ کیا تھا۔ کتاب کے مدرجات کا سرسری جائزہ لینے پر محسوس ہوا کہ خاصی مفصل ہےاور یہ بھی اس میں سکندر اعظم سے لیکر امریکی افغان جنگ تکے کے سارے احوال موجود ہیں جو خیبر پاس سے متعلقہ تھے۔ امریکہ اپریشن سے لیکر پاکستان اپریشن اور وہاں پر موجود فوجی تختیوں کی تصویریں تک۔ مجھے اردو میں اتنی مفصل کتاب کم ہی نظر آئی، المیہ ہمارے معاشرہ کا اور انحطاط یہ ہے کہ علم کم سے کم ہوتا جارہا ہے کوئی ریسرچ نہیں ہو رہی

چرچ میں نماز

2010-09-07T10:56:00.003+02:00

چرچ میں افطار پر کوئی 200 کے قریب بندے مدعو تھے، پروگرام کا اہتمام چرچ کے ملحقہ تقریباتی ہال میں تھا، ان میں زیادہ تعداد عربی انسل مسلمانوں اور اطالوی نو مسلم کی تھی، پھر مسلمانوں کے ساتھ انکے غیر مسلم دوست بھی جوکہ زیادہ تر اطالوی ہی تھے۔ پھر چرچ سے تعلق رکھنے والے افراد ، جن میں اہم اس چرچ کے پادری، ایک اور چرچ کے نمائندہ بھی تھے۔ افطار پانی اور کھجوروں کے ساتھ ہوا اور ساتھہ ہی چھوٹے سے اسپیکر پر اذان کی آواز گھونجی ایک ساتھ نے فوراُ بعد اطالوی میں ترجمہ کیا اور ایک کونے میں چادریں بچھا کر باجماعت نماز کی اقامت شروع اور پھر ایک ہوئے محمود و ایاز۔ تین رکعت نماز کے بعد کھانے کا اہتمام تھا، جس میں مروکینی شوربہ، تیونس کی کس کس، پاکستانی بریانی، مصری ابلا ہوا گوشت، فلسطینی زیتون مرغی وغیرہ وغیرہ ، کھانے کے بعد تقریریں شروع ہوگئیں، ایک خاتون نے اسلام میں روزہ کی اہمیت بیان کی، پھر چرچ کے پادری صاحب نے اپنے مذہب میں روزہ کے بارے بیان کیا، پھر کونسل کے سابق امیگریشن کے کونسلر نے مختلف مذاہب کی ہم آہنگی کی ضرورت بارے بیان کیا۔ پروگرام آپنے اختتام کو پہنچا اور سب اپنے اپنے گھروں میں۔ ہمارےپیارے پاکستان میں شاید شعیہ، سنی وہابی و دیگر فرقوں سے تعلق رکھنے والے ایک دوسرے کو کافر قرار دیتے ہیں اور ایک دوسرے کی عبادت گاہ میں نماز پڑھنا تو درکنار انکوچلادینے اور وہاں کے عبادت گزاروں کو قتل کرنا باعث ثواب سمجھتے ہیں۔ کہیں ہم نے اپنے مذہب کی باہمی رواداری اور بھائی چارہ کو ترک تو نبہیں کردیا اور کہیں ہم اپنے دین کی اصلی تعلیمات کو بھلا تو نہیں بیٹھے

چرچ میں افطار

2010-09-04T17:14:00.003+02:00

آج ہمارے کچھ عیسائی دوستوں نے جو بہت مذہبی ہیں اور ہمارے مذہب کے ساتھ لگاوٗ کی قدر کرتے ہوئے ہماری افطار پارٹی کا اہتمام کیے ہوئے ہیں۔ یہ پروگرا م ایک چرچ کے ہال میں ہوگا۔ جہاں پر دونو ں مذاہب کے بارے میں بات ہوگی، افطار ہوگی اور نماز کے لئے جگہ دی جائے گی۔ کیا ہم یہ سب اپنے ہم مذہبوں کے ساتھ بھی نہیں کرسکتے۔ بقول مملکت خداداد میں حضرت علی رضی اللہ کے جلوس پر دھماکہ، مسجد و مزار میں فائرنگ۔ ہم کس طرف جارہے ہیں اور کون سا راستہ اپنا چکے ہیں، ہمارا دین جو رواداری کا سبق دیتا ہے کیسے اسے بھلا بیٹھے ہیں؟؟؟؟؟

غصہ اور گالیاں

2010-08-24T19:29:00.002+02:00

فیس بک پر ایک ویڈیو گھوم رہی ہے جس میں ایک صاحب نے سیالکوٹ کے دردناک واقعہ پر بے شمار غصہ اور غم کی حالت میں ایک پیغام ویڈیو ریکارڈ کرکے بس لانچ کردیا اور یار لوگوں نے اسے دنیا بھر میں گھما دیا۔ میں نے بھی کسی لنک کی وساطت سے وہ ویڈیو دیکھی ہے مگر مجھے وہ پیغیام کی بجائے غصہ ہی لگا ہے جس میں اس بندے نے اپنے اندر کا غبار نکالا اور گالیوں کی شکل میں سب کچھ باہر انڈیل دیا۔ غصہ انسان کو تب ہی آتا ہے جب اسکا کوئی نقصان ہوا ہو ، یا پھر ایسی صورت میں جب کسی مشکل کا شکار ہو اور اسکا حل تلاش نہ کر پارہا ہو، غصہ کی ایک اہم بات یہ کہ یہ تبھی آئے گا جب آپ کو اپنی بے گناہی اور معصومیت کا مکمل یقین ہو، مجرم دل بندہ میسنی سی صورت بنا لے گا یا چار گالیاں کھا کر بھی غصہ نہیں کرے گا۔ گالیوں اور غصہ کا چولی دامن کا ساتھ ہے اور عمومی طور پر پہلے غصہ بلند آواز کی شکل میں پھر اور پھر اسکے بعدگالیوں کی شکل میں تبدیل ہوتا ہے اور اسکے بعد ہاتھوں اور پھر ڈنڈوں اور دیگراوزاروں مثلاُ چھری چاقو، پستول، بندوق کلاشنکوف اور توپ وغیرہ کا استعمال ہوتا ہے۔ کون کہہ سکتا ہے کہ کل کا گالیاں دینے والا آج ہاتھا پائی نہ کرے، اور آج ہاتھا پائی کرنے والا کل کلاں دیگر اوزاروں پر نہ اتر آئے۔ اور اگر انکی تعداد زیاد ہ ہوگئی تو ؟؟؟؟؟؟؟؟

معاشرتی انحطا ط

2010-08-22T13:12:00.002+02:00

سیالکوٹ کے المناک انسان سوز واقعہ کو دماغ سے نہیں نکالا جارہا، اسے دیکھ کر لگتا ہے کہ ہم اپنی معاشرتی، مذہبی اور سماجی اقدار کو قطعی طور پر فراموش کرچکے ہیں۔ پولیس کی موجودگی میں دو انسانوں کا پر تشدد اور بے رحمی سے قتل عام، وہاں پر موجود لوگوں کی بے حسی اور اسے انجوائے کرنا، لاشوں کی بے حرمتی، سب دیکھ کر اس میں کراچی کی ٹارگٹ کلنگ، نو گو ایریاز، سیلاب زدگان کی زبوں حالی اور انکا غصہ، عوامی بے حسی سب ملاکردیکھیں تو لگتا ہے کہ کل کلاں سیلاب زدگان بھی اپنی بدحالی پر پریشیانی کی بجائے غصہ کو اپنائیں گے۔ ایسی صورت میں ملک میں افرا تفری ہوگی اور پھر امریکن یورپی اور دیگر دنیا کے نام نہاد علمبردار ہماری معاشری حالت کو سدھارنے اور امن قائم کرنے کو آوارد ہونگے۔ خاکم بدہن

رات کو دیر سے گھر جانا

2010-07-22T16:19:00.000+02:00

پاکستان میں تھے تو پرھنے کے دنوں میں صرف پڑھا جاتا اور ویک اینڈ پر اور چھوٹیوں میں رات رات بھر پہلے تو چھپن چھوتی (چھپنا ڈھونڈنا) اور پھر تاش کی بازیاں لگیں یار لوگ اپنی بیٹھک میں یا فارم پر یا کسی اور دوست کی بیٹھک میں تاش کےلئے براجمان ہوتے اور پھر بانگ سحر پر بھاگ لیتے، کہ بہت دیر ہوگئی ہے ماں جی سے چھتر پڑیں گے اور یہ کہ آئیندہ سے جلدی گھر جایاکریں گے، یعنی رات ایک بجے، چھتر واقعی پڑتے کہ باوجود کوشش کے کہ ماں جی کو پتہ نہ چلے دابے پاؤں چلتے مگر وہ پہلے ہی سے جاگھ رہی ہوتیں، اور بس اتنا اعلان کرتیں کہ کجنرا اس ویلے ایا ہیں، سوجا، سویرے تیرا مکو ٹھپساں(خبیث تم اس وقت آئے ہو، ابھی سو جاؤ، صبح تجھے چھترول ہوتی ہے) اور پھر صبح منہ چڑھا کر دن چڑھے جب اٹھتے اور ناشتہ کے بعد اماں سے تین چھتر اور بیس گالیاں پڑتیں۔ دوسرے دن جاتے ہیں منڈلی کو کہتے کہ بھی میں تو بارہ بجے گھر چلا جاؤں گا کہ آج بہت بےعزتی خراب ہوئی ہے۔ پس اس دن بھی جب بازیاں لگ جاتیں تو شاہ جی میرے ساتھی ہوتے اور ارشد مودی اور نیدی ہمارے مخالف، دیکھنے والے بھی پانچ ساتھ ہوتے اور یہ ساری کابینہ تھی، فیصلہ ہوتا کہ اگر تم نے جلدی جانا تو مخالفوں کو کوٹ کرو، مگر کوٹ تھا کہ ہوکر نہ دیتا اور ہم پھر تین بجے باقیوں کے ساتھ گھر جاتے اور اگلے دن پھر چھتر کھاتے۔ بہت سالوں بعد یہ روایت چلتی رہی، کابینہ کے بندے اکثر دوسرے شہروں میں پڑھنے اور ملازمت کرنے چلے گئے بشمول ہمارے مگر ویک اینڈ پر سارے گھر اور پھر وہی جمعہ کو چھتر و چھتری۔ حتٰی کہ جب ہم کالج میں لیکچرار تھے اور ایک شام کا کلینک بھی تھا تب بھی یہی روٹین رہی۔ مگر پھر صرف گالیاں پڑتی تھیں۔ عرصہ سے اٹلی میں براجمان ہیں تو یہاں پر بھی ایسے ہی رہا، رات کو جاگنے کی عادت نہ گئی، پہلے سال پڑھتے رہے اور پھر دوستوں کے ساتھ شام کو باہر نکلنا مگر یہاں پر رات کو جس وقت بھی آؤ پوچھنے والا کوئی بھی نہیں ہوتا بھلے نہ آؤ، روم میٹ کو کیا؟ اور جب پوچھنے والے گھر پر ہوں تو ہمیں باہر کیوں جانا ہے۔

بڑے

2010-07-20T16:24:00.003+02:00

بڑوں کے کام نرالے ہی ہوتے ہیں اور بڑے خود بھی، ہمارے دوست خان صاحب ایتوار کو ہمارے ہاں تشریف لائے، ایک مشترکہ دوست کے ہاں فاتحہ خوانی کو جانا تھا، ٹی وی پر خبرتھی کہ چاچی ھیلیری آرہی ہیں، جبکہ لالہ ہالبروک ابھی حال ہی میں چند روز قبل واپس گیا ہے، اسی دوران انڈیا عظیم سے ایک لالہ جی تشریف لائے اور لال بھبھوکا ہوکر واپس ہولئے، میں خان صاحب کو کہہ رہا تھا کہ جب بھی ایسا لالوں کا ایک ساتھ وزٹ ہوتا ہے تو گلہ ضرور دبتا ہے یا خود پاکستان کا یا پھر پاکستان کے ذریعے کسی اور کا، اندازہ تھا کہ کسی اور کا ہی ہو۔ مگر قرعہ اپنے نام ہی نکلا، کل معلوم ہوا کہ افغانستان کو چرس، افیون اور جعلی قیمتی پتھر بڑی تعداد میں انڈیا کو دینا ضروری ہیں لہذا گزرنے کی اجازت ہے، پھر یہ کہ انڈیا نے بھی تو ادھر جاسوس، ڈانگ مار، کند ٹپ قسم کےلوگ بھجوانے ہیں تو اسے بھی اجازت ہے۔ پاکستان کو بھی کاغذوں میں اجازت ہے کہ وہ وسطی ایشیائی ریاستوں تک رسائی کرے گا، مقر خان صاحب پوچتھے ہیں کو افغان حکومت کو خود کابل باہر اور امریکی فوجیوں کو چھاونیوں سے باہر جانے کی اجازت طالبان سے لینی پڑتی ہے، پاکستان حکومت کونسا کارڈ کھیل رہی ہے میرے خیال سے تو پاگل پن کا، آپ کے خیال میں کیا سیانی بات ہوسکتی ہے جو ملکی مفاد میں ہو؟

جعلی ڈگری والے اراکین کی سزا

2010-07-09T19:57:00.004+02:00

جعلی ڈگریوں والے ممران پارلیمنٹ کو گنجا کرکے اور جعلی ڈگری ہاتھ میں دیکر بمعہ انتخابی نشان کے کھوتے پر بٹھایاجائے اور بازار میں پھرایا جائے ہر بندے کو درخواست کی جائے کہ وہ اسے دو جوتے مارے، تین دن کے بعد انکو گھر میں نظر بندکردیا جائے اور یہ کہ یہ لوگ ایک برس کےلئے محلے کی نالیاں صاف کیا کریں، ساری زندگی کےلئے ان پر سرکاری، نیم سرکاری ملازمت بند، کاروبار کی اجازت نہیں، پاسپورٹ ضبط اور بیرون ملک سفر پر پابندی۔ سیاست سے ہمیشہ کےلئے بلیک لسٹ، بلکل جس طرح چائنا میں جعل سازی کرنے والوں کے ساتھ ہوتا ہے کچھ لوگ ٹی وی پر نیہایت بے شرمانا انداز میں کہتے ہیں کہ وہ قانون ہی کالا تھا اور میں اس کو نہیں مانتا، میاں نا ں مانو مگر جھوٹ بولنے والوں اور جعل سازوں کو ہم اپنا رہنما کیسے مان لیں۔؟؟؟؟ مگر پارٹیاں ہیں کہ پھر انہیں لوگوں کو ٹکٹ دے رہی ہیں بلکہ انکو مشیران خاص بھی مقرر کیا جارہا ہے۔ کہ میاں کوئی بات نیہیں ڈگری جعلی ہے تو کیا ہوا حکومت کے مزے تو لوٹو، پنجابی کا محاورہ بے شرماں دے ٹہوے تے اک جمیاں، تے کہن لگے کہ کیی ہویا یاراں نے تے چھاویں ہی بہنا ہے، یعنی بے شرموں کی پیٹھ پر آک اگا تو کہنے لگے کہ کیا ہوا یاورو کو تو سائے میں ہی بیٹھنا ہے، در فٹے منہہ ہت تیری کسے کتا رکھن والے دی

اٹلی میں پہلی شاددی کی دعوت

2010-07-05T19:44:00.002+02:00

اٹلی ایک ایسا ملک ہے جہاں خاندانی قوانین بہت سخت ہیں اور یہ کہ اس سختی سے بچنے کےلئے عوام نے شادی کرنا کم کردیا، ہمارا سابق کولیگ جوانی عمر نہیں، اس کا نام ہے جسکو انگریز جان کے پکارتے ہیں ایک دن بہت فری ہوکر بتلا رہا تھا کہ مجھے اپنی منگیتر کے ساتھ رہتے ہوئے 23 برس ہوگئے ہیں اور ہمارے 3 بچے بھی ہیں، سوچ رہے ہیں کہ ہم اب شادی کر ہی لیں، میں نے پوچھا کب تک متوقع ہے یہ شادی؟ بولا معلوم نہیں ابھی تو صرف سوچ ہی رہے ہیں ہوسکتا ہے آنے والے سالوں میں کرہی لیں۔ بہرحال ابھی تک میں کنوارہ ہی ہوں۔ یہاں پر ضروری ہے کہ یاد دلایا جائے کہ ایک عورت بغیر شادی کے اگر بچہ پیدا کرتی ہے تو اسکی مرضی ہے کہ اسکے باپ کا نام لکھوائے یہ نہیں۔ ویسے ایک بات اور بھی کہ اول تو لوگ شادیاں ہی نہیں کرتے پھر اگر کربھی لیں تو بچے نہیں اسی وجہ سے اٹلی کی شرح پیدائش چند برس قبل صفر تھی، مگر آج کل کچھ بہتر ہے کہ غیرملکیوں کے ہاں بچوں کی پیدائش بکثر ت ہورہی ہے۔ حکومت نے لوگوں کو لالچ دیا ہوا ہے کہ فی بچہ 1200 یورو ماں کو اور 8 ماہ کی چھٹیا ں بمعہ تنخواہ اور اگر بیوی جی کام نہ کرتے ہوں مطلب ہاوس وائف کو 500 ماہانہ ایک برس کےلئے۔ غیر ملکیوں کے تو مزے ہیں، بچوں کے بچے اور مفت میں یوروز بھی، یعنی چوپڑیاں بھی اور دو دو بھی، اس بارے میں کوئی کلام نہیں۔ ھیلینا ہمارے کورس کی سیکرٹری تھے جو ہم 45 کے قریب مختلف ممالک سے تعلق رکھنے والے بریشیا کی تاریخ اور شہر کے اہم مقامات کے بارے میں کررہے تھے، پاکستان سے واپس آیا تو ھیلینا کی ای میل موجود تھی کہ اگر میری شادی پر چرچ میں تشریف لاوٗ تو میرے لئے باعث صد افتخار ہوگا، لو جو چونکہ اس فقرہ میں بندہ کا نام تھا تو جانا لازم ٹھہرا، پھر بنگلہ دیش کے زمان کا فون کہ میں بھی جاوٗں گا تم بھی لازم چلو، برازیلین مونیکا کا اصرار کے ایک ساتھ چلیں ، بیلوروس کی اولیسیا کا بھی اصرار کہ چلو ہی چلو، پھر میری اپنی بھی خواہش بھی اور تجسس بھی کہ اٹالین لوگ شادی کیسے کرتے ہیں، سنا تو تھا مگر دیکھنے کی خواہش تھی۔بلکل قصہ حاتم طائی بے تصویر کے مصداق، اولیسیا میرے آفس میں مقر رو قت پر پہنچی اور پھر زمان ہمیں پک کرنے آگیا، مقررہ وقت پر ہم لوگ پہنچے ایریا میں ، چونکہ کسی کو بھی چرچ کی درست لوکیشن کا علم نہ تھا ، تو سوچ رہے تھے کہ کسی سے پوچھیں، ایسے میں ہی دلہن اور دلہا ایک سجی سجائی بابا قائداعظم کے زمانے کی پرانی کار میں نظر آئے ہمارے ہاتھ ہلانے پر انہوں نے پیچھے آنے کا اشارہ کیا اور ہماری گاڑی فوراُ انکے پیچھے، لو جی فوراُ انکے پیچھے آنے والی گاڑیوں نے جن پر پھول بھی لگے ہوے تھے کہ براتی ہیں ہارن بجانا شروع کردئے، گویا کہ رہے ہوں، اوئے تہاڈا کجھ نہ رہے تسیں کتھوں آوڑے ہو۔ چرچ میں 2 گھنٹے پر مشتمل تقریب تھی جس میں میوزک بھی تھا، دعائیہ مجلس بھی اور پھر دلھا دلہن نے ایک دوسرے کو سب کے سامنے قبول کیا اور اچھے برے حالات میں ایک ساتھ رہنے کی قسم کھائی، ایک دوسرے کو انگوٹھیاں پہنائیں اور پھر پادری صاحب کی طرف سے اذن ہوا کہ اب دلھا دلھن ایک دوسرے کا بوسہ لیں، اس سے پہلے بھی وہ بوسے لے ہی رہے تھے مگر اس کو مقدس بوسے کا نام دیا گیا، پھر نکاح نامہ پر دستخط اور کا م ختم، آخری تقریب نو بیہاہتہ جوڑا پر چاول پھینکنے کی تھی، لوگ جلدی سے باہر نکلے اور چاولوں کے پیکٹ کھول کر کھڑے ہوگئے جس کے پاس ہماری طرہ نہیں تھے انکو دائیں بائیں سے امداد مل گئی ، بس یار لوگ تاک میں کھڑے ہوگئے جونہی دولھا دلھن باہر نکلے تو ہر بندہ بچہ بن گیا،، خوب کس کر انکو چاول مارے گئے ، کوئی کہہ رہا تھا کہ اسے بچے ذہین پیدا ہونگے ، اگر ہوئے تو، پھر مبارک بادیں اور معانقہ اور پھر اپنے اپنے کام پر، جس کے پاس زیادہ وقت تھا وہ انکے ساتھ ایک بار میں ڈرنک پینے اور جام ٹکرانے چلا گیا۔ ہم تو سدا کے عدیم الفرصت ٹھہرے

مذہبی مقامات پر افراتفری

2010-07-03T16:41:00.001+02:00

فرقہ واریت ایک المیہ ہے اور اس سے بھی بڑا المیہ ہمارے ملک کا یہ ہے کہ ہمارے ہاں اسے تن آسانی کے لئے استعمال کیا جارہا ہے۔ جہاں پر بھی کوئی دہشت گرد ی کا واقعہ ہوا حاکم وقت نے اسے القائدہ، طالبان، فلاں لشکر، فلاں جماعت، اور فلاں فرقہ پر ڈال کے ہاتھ جھاڑ لئے، کوئی ان سے پوچھے میاں سب مان لیا مگرکوئی ثبوت؟ کسی ذمہ دار کو سزا؟

کچھ بھی نہیں، گزشتہ سالوں سے آپ بھی دیکھ رہے ہیں میں بھی۔ یہاں مسجد میں جمعہ کاشنکوف کے سائے تلے، جنازہ پر جامہ تلاشی، امام بارگاہ میں اور چرچ میں بندوق بردار بندے، مگر کسی سیاسی جلسہ میں دھماکہ نہیں ، کسی شادی بیاہ میں دھماکہ نہیں البتہ، مزاروں پر ، مسجدوں میں، مدرسوں میں ضرور ہوتے ہیں۔

لاہور داتا صاحب کے مزار پر ہونے والے دھماکے بھی اس سلسلہ کی ایک کڑی دکھتے ہیں، کہ پاکستانی عوام چونکہ اکثریت سے مذہبی ہے اس لئے مذہبی مقامات پر افراتفری پیدا کرکے ان لوگوں میں انتشار پھیلایا جائے۔

اس سے کہیں یہ تو ثابت نہیں ہوتا کہ ایسی قوتیں ہیں جو اس ملک میں مذہب اور مذہبیوں کو بدنام کرنے پر تلی ہوئی ہیں اور کہیں انکا مقصد صرف اہلیان مذہب کو منتشرکرکے ملک میں افراتفری پھیلانا تو نہیں تاکہ وہ اپنے مذموم مقاصد پورے کرسکیں، اس میں صرف ملک دشمن قوتوں کو ہی فائدہ ہوسکتا ہے۔ اور بھارت، امریکہ ، اسرائیل سے زیادہ کوئی اور بڑا دشمن نہیں،

جو دوست نما بھی ہیں۔ دوست ہوئے جسکے تم دشمن اسکا۔۔۔۔۔۔۔۔۔۔۔۔

بقول چچا سعید کے انکا مقصد صرف یہ ہے کہ وہ جو آپ کے پاس کچھ پٹاخے پڑے ہوئے ہیں وہ لےجائیں اور بس، پھر ہم تو دوست ٹھہرے بس تم خالی ہاتھ اور ہم ہمیشہ کی طرح ہتھیار بند

اور کھلا ایک پھول

2010-04-16T14:03:00.000+02:00

چن

2010-04-16T12:51:00.004+02:00

چن پنجابی کا لفظ ہے جس کو اردو میں چاند کہاجاتا ہے، ایک کثیر المطالب لفظ ہے۔ وہ چن جس کے دکھائی دینے اور نہ دینے پر مولویوں میں جھگڑا ہوجاتا ہے، زمانے گزرگئے مگر اتفاق نہ ہوسکا، حد تو یہ کہ ایک ہی شہر میں مختلف لوگ چن کو دیکھ لیتے ہیں اور کچھ نہیں دیکھ پاتے اور دوسروں پر یقین بھی نہیں کرتے، جس نے دیکھ لیا اسکی عید ہوگئی، اور جو نہ مانا وہ روزے سے گھوم رہا ہوتا ہے اور اپنی جان کو اور دوسروں کی نظر کو کوس رہا ہوتا ہے۔ اس بارے میں فرققہ بھی بن جاتا ہے اور حد تو یہ ہے کہ لنڈن جیسے شہر میں سنا ہے کہ 3 یا 4 چاند نظر آنے کی روایت عام ہے۔ اس سلسلہ میں کہا جاسکتا ہے کہ اپنا اپنا چن چڑھاوٗ۔ پھر ایک اور قسم جو محلے کی عورتیں گالی کی مد میں استعمال کرتی ہیں کہ یہ لڑکی ضرور کوئی چن چڑھائے گی، اور اسکے فوراُ بعد ہاتھا پائی شروع ہوجاتی ہے۔ آپ کسی کو نہ کہہ بیٹھنا ورنہ حثیت ازالہ عرفی کا اندیشہ ہے اور ہتک عزت کے مقدمہ میں عدالت سے بلاوا بھی آسکتا ہے۔ یہ عموماُ غریب لوگوں کا چن ہوتا ہے ایک اور قسم چن کی جسکے بارے میں روایت ہے کہ وہ قیامت سے پہلے دو ٹکڑے ہوجائے گا،ا س مقصد کےلئے وہی چن استعمال ہوگا جس کے نظر آنے اور نہ آنے کا جھگڑا علمائ میں آج بھی چل رہا ہے، کوئی دوسرا چن دستیاب نہیں ہے۔ پھر ایک اور چن جسکو چندا ماموں بھی کہا جاتا ہے اور اکثر دور کے ہی ہوتے ہیں، جیسے ہم اپنے بھانجیوں بھانجوں سے دور ہیں، تو ہو سکتا ہے وہ بھی ہر نئے چاند پر کہتے ہوں چندا ماموں دور کے، اس بارے میں ہم اپ کو خاصا خوش نٖصیب سمجھتے ہیں۔ پھر ایک چن ماہی بھی ہوتا ہے جسکا پنجابی کی شاعری میں بہت استعمال ہوتا ہے اور صرف معشوق کو ہی نہیں بلکہ دوست بھی کہا سکتا ہے، کچھ لوگوں کا تو تکیہ کلا م بھی یہی ہے، چن ماہی توں کل فون کریں۔ میرا چن پتر ماں اپنے کالے کلوٹے بیٹے کو کہہ رہی ہوتی ہے، بقول پطرس بخاری دن چڑھےاسکا منہ دھلواتی ہے اور جی کڑا کر کہتی ہے میرا پتر تے چن ورگا لگدا ہے، اسی طرح سے چن مکھناں بھی ہے مگر اسکا کھانے والے مکھن سسے کوئی تعلق نہ ہے، ہوسکتا ہے کہ لگانے والے مکھن سے ہو، بلکہ یوں کہہ لیں کہ ہاتھی کے دانت کھانے کے اور دکھانے کے اور۔ چن مکھنا اکثر پرانی بوڑھیاں، نانیاں، دادیاں استعمال کرتی ہیں، نہائیت بے ضرر بات ہے، البتہ اگر کوئی معشوق ٹائپ کی جوان لڑکی آپ کو کہہ دے، تو ضرور خوش ہو لیں، ہوشیار رہئے گا کہ اگر کسی اور نے سن لیا تو سمجھے گا کہ ضرور دال میں کچھ کالا ہے۔ ایک اور چن ہمارے ایک دوست تخلص کرتے ہیں، شاعر تو خیر سے نہٰیں مگر صاحب تخلص ضرور ہیں، البتہ بقول شاعر انکا تکیہ کلام ہے ، نثر بیان کرنے پر بھی کہ دیتے ہیں کہ بقول شاعر میں کل میلانو جاوٗں گا، اپنے آپ کو صحافی کہلوانا اچھا سمجھتے ہیں اور اگر آپ انکو چن صاحب کہہ کر نہ بلوائیں تو ناراضگی کا بھی اندیشہ ہے، اس طرح کے دوست کہ میرا فون نہیں اٹھائیں گے اور ساتھ میں ہوں تو سارا وقت فون پر بات کرتے ہوئے گزار دیں گے، کسی اور کے ساتھ۔ پر کہا جا سکتا ہے کہ دوست ہوئے جس کے تم دشمن اسکا آسمان کیوں ہوا کرے، یہاں تم سے مراد چن ہے۔

عجیب دن

2010-04-06T20:04:00.003+02:00

آج میرے لیے بہت عجیب دن ہے، کوئی بھی کام کرنے کو دل نہیں کر رہا اور نہ ہی کسی کلائنٹ کو سرو کرنے کا، فواد میرا دوست کہ الجیریہ کا ہے، میرا دماغ کھا رہا ہے، دل کرتا ہے کہ اسے اٹھا کر باہر پھینک دوں

اٹلی، یکم مارچ، ایک دن ہمارے بغیر

2010-02-24T16:54:00.002+01:00

یکم مارچ، ایک دن ہمارے بغیر ، اٹلی میں غیر ملکیوں کے یہاں پر بننے والے نسلی عصبیت پر مبنی قوانین کے خلاف ایک دن کی مکمل ہڑتال کا اعلان کردیا ہے، یہ مہم فرانس سے شروع ہوئی تھی اور اٹلی میں فیس بک پر اسکا اعلان ہوا، گزشتہ عرصہ سے اٹلی میں ایک تسلسل کے ساتھ غیر ملکیوں کے خلاف ایسے قوانین بن رہے ہیں جن سے انکے حقوق سلب ہورہے ہیں، ان میں مقامی حکومتیں پیش پیش ہیں، اور خاص طور پر شمالی اٹلی میں جہاں پر دائیں بازو کی جماعتیں اکثریت میں ہیں، وہاں پر ہر روز نت نئے اور عجیب غریب قوانین بن رہے ہوتے ہیں۔ جیسا کہ بریشیا میں غیرملکیوں کے ہاں پیدا ہونے والے بچوں کو بچہ الاؤنس نہ دینا، کمونے دی ترینزانو میں صرف اٹالین زبان بولنا لازم، مونتی کیاری میں مسجد بنانے پر پابندی، وغیر وغیرہ اس سلسلہ میں تمام غیر ملکیوں اور نسل پرستی کے خلاف اٹالینز اس دن کام پر نہیں جائیں گے، کاروبار بند رکھیں گے، بچے اسکول نہیں جائیں گے، اور بریشا میں دس بجے دن سے لیکر دو بجے سہہ پہر تک احتجاجی جلسہ پیاسا لوجا میں ہوا۔ آج کی پریس کانفرنس میں سب کو دعوت دی گئی ہے۔ یاد رہے کہ تمام مزدور تنظیموں اور کے علاوہ سیاسی جماعت پی ڈی بھی اس احتجاج میں شرکت کا اعلان کرچکی ہے۔

دورہ کیا

2010-02-23T16:33:00.003+01:00

آج کل مختلف اخبارات میں خبریں کم ہیں اور صاحبان اخبار جو عرف عام میں صحافی کہلواتے ہیں نے مختلف دکانوں اور کاروباریوں کے دورے کرنا شروع کردیے ہیں، مثلاُ آج کل خبر یوں ملتی ہے، کہ فلاں اخبار کے شیخ صاحب نے فلاں شیخ صاحب کی دکان کا دورہ کیا، یہ نہیں لکھا کی کیا خریدا اور کیا گاڑی کی مرمت کروائی تو لکھ دیا کہ ورکشاپ کا دورہ کیا۔ کسی ٹریول ایجنسی پر پاکستان کےلئے ٹکٹ کی معلومات لینے گئے تو ٹریول ایجنسی کا دورہ ہوگیا ، گوشت لینے کی حاجت ہوئی تو قصاب کی دکان کا دورہ ہوگیا، بلکہ تو بعض خبروں میں تو یہ بھی لکھا مل سکتا ہے جیسے کہ بریشیا کے فلاں اخبار کی ٹیم نے فلاں نائی کی دکان کا دورہ کیا، البتہ یہ ہوسکتا ہے کہ نہ لکھیں وہاں پر انکی حجامت ہوئی کہ نہیں۔ ہوسکتا ہے کہ آج کل ہمارے یہاں بھی کوئی صحافی صاحب دورہ پر نازل ہوجائیں۔ بقول شخصے وہ آئیں آفس میں ہمارے ہم انکی راہ تاکتے ہیں دروغ بر گردن دریائے راوی

Il nome che propongo per l’A380 Lufthansa

2010-02-18T12:40:00.000+01:00

Il nome che propongo per l’A380 Lufthansa: "Il più grande e moderno aereo passeggeri del mondo cerca nome. Contribuisca anche lei e potrà vincere 1 milione di miglia premio Miles & More: su lufthansa.com/A380"

لسانی تضاد کو ہوا کیوں؟

2010-02-18T10:40:00.001+01:00

میں نے فیس بک میں ایک بحث ایک پوسٹ پڑھی جو اس بات پر تھی کہ جہلم کو نیا ڈویژن بننا چاہئے یا چکوال کو؟ چونکہ گروپ کا نام ہی ہمارا چکوال ہے تو لازم ہے کہ اس میں شریک لوگ بھی چکوال سے متعلقہ ہونے چاہئیں میں بھی اس لئے اسکا ممبر ہوں میں جہلم اور چکوال کو ایک ہی سمجھتا ہوں، مگر اس بحث کو بغور پڑھا اور مجھے بہت حیرت ہوئی کہ لوگ ایک چھوٹے سے معاملہ میں کس طرح لسانی، تہزیبی اور تمدنی امور کو استعمال کرتے ہیں، جہلم اور چکوال میں تمدنی طور پر نہ پہلے کوئی فرق تھا اور نہ اب ہے۔ صرف جہلم جی ٹی روڈ پر ہونے اور چکوال کے نہ ہونے کی وجہ سے ایک کی معاشی حالت بہتر اور دوسرے شہر کی کم بہتر تھی، اب چکوال موٹر وے پر ہے تو دیکھئے گا کہ مذید چند برسوں میں وہاں بھی بہتری آئے گی، بات رہی ڈویژن کی تو وہ جہلم ہی ہونا چاہئے کہ ہر طور علاقہ کا سماجی مرکز ہے اور بات رہی دور دراز علاقوں کی تو عوام کو ڈویژن کے ساتھ کیا لینا یہ تو صرف ایک انتظامی معاملہ ہے۔ کتنے لوگ ہیں جو چکوال سے سال میں ڈویزن کے کاموں کےلئے پنڈی جاتے ہیں؟ شائد کوئی نہیں، ہاں انتظامیہ کےلوگ ضرور ہیں جن میں سے کسی کو نزدیک ہوگا تو کسی کو دور ۔ اوپر دوست تہذیبی اور لسانی تفرقہ کی بات کررہے تھے؟ ان سے میرا سوال ہے کو جہلم اور چکوال میں کونسی لسانی اور تہذیبی دوریاں ہیں؟ کیا چکوال کی تہذیب رومن اور جہلم کی یونانی ہے؟ یا ایک کا تعلق آرین سے اور دوسرے کا تعلق مصریوں سے ہے؟ کیا جہلم میں فارسی اور چکوال میں سنسکرت بولی جاتی ہے؟ بھائیوں کچھ خوف کھاؤ اور غیر اہم معاملات میں تفرقہ بازی کو ہوا دینے سے گریز کرو

انہے کتے ہرناں دے شکاری

2010-02-01T15:08:00.003+01:00

ڈاکٹر سمیر صاحب ہمارے کالج کے زمانہ کے لنگوٹیے ہیں جسے وہ انڈرویر فرینڈ ہونا ترجمہ کرتے ہیں، آجکل ہمارے شہر کے دورے پر ہیں اور اکثر ملاقات کا حظ اٹھایا جا رہا ہے ڈاکٹر صاحب موصوف پنجابی محاوروں کے کشتے کے پشتے لگادیتے ہیں۔ آج جناب تشریف لائے تو ساتھ میں ڈونر کباب بھی پکڑتے لائے کو لنچ اکھٹے ہوگا۔ کھانا کھاچکنے کے بعد ہر انسان کی طرح ان پر بھی فلسفہ کا نزول شروع ہوجاتا ہے۔ کہ جناب دیکھو یہ بھی کوئی زندگی ہے۔ حضرت خمار طعام کی مد میں ایک انگڑائی لے کر گویا ہوئے، انہے کتے ہرناں دے شکاری، یعنی نابینا کتے اور ہرنوں کا شکار، شکار انہوں نے کیا کرنا ہے بس ادھر ادھر دھکے ہی کھانے ہیں اور لڑھکتے پھرنا ہے۔ بس ایسے ہی زندگی بیت گئی ہے کہ خود نہیں معلوم ہوا کہ کیا کرنا چاہتے ہیں اور کیا کررہے اور جو نہیں کرنا چاہ رہیں وہ ہو رہا ہے۔ بس دھکے کھاتے اور لڑھکتے زندگی گزر رہی ہے۔ اس قصہ میں آپنی طرف سے یہ اضافہ کرتا ہوں کہ ہر پردیسی کی زندگی ایسی ہی ہے۔

شکوہ، علامہ کی روح سے معذرت کے ساتھ

2010-01-29T15:08:00.004+01:00

نیا سال مبارک

2009-12-31T19:31:00.001+01:00

میری طرف سے جملہ قارئین، اہل وطن، اہل اسلام اور اہل عالم کو نیا آنے والا سال مبارک ہو اس دعا کے ساتھ کہ یہ سال ہم سب کےلئے رحمتوں برکتوں اور کامیابیوں کا سال ہو۔ آمین

پاگل موسم

2009-12-18T21:15:00.003+01:00

لگتا ہے کہ اس دفعہ موسم پاگل ہوگیا ہے، کہ صبح عام سردیوں کی سی ٹھٹھرتی ہوئی، منفی دو کے قریب درجہ حرارت بقول گاڑی کے ڈیش بورڈ کے، دس بجے زور کی برفباری کوئی آدھے گھنٹہ کےلئے لگاتار برفباری گویا روئی کے گالے اڑ رہے ہوں، پھر بارہ بجے کے قریب واہ واہ دھوپ ، یورپ کے دیگر ممالک کی طرح یہاں بھی سردیوں کی دھوپ بھی خنک ہی ہوتی ہے۔ مگر ابھی نکلنے لگا تو کیا دیکھتے ہیں کہ جناب پھر سے برفباری شروع ہے۔ بقول موسمی پیشن گویاں کرنے والی ویب کے یہ آنکھ مچولی چلتی رہےگی۔ البتہ سردی کافی ہے ان دنوں میں رات منفی چار تک بھی چلی جاتی ہے۔